ඉකිගහන මල් 🌸 තීර් 2 🌸♥️ [ COMPLETE ]

තිස්නවවන කොටස

" ආශි..... ආශි.....ඒකි ඇතුළෙ තනියම....... අපි මේකට මොකක් හරි කරන්ඩ ඕනෙ...මොකක් හරි කරල ඒකිව බේරගන්ඩෝනෙ.."

මන් පිස්සුවෙන් වගේ දෙඩෙව්වා.

" ඔව් ඔව් උඹ හරි. උඹ හරි. . ආශි... අපි මේ වෙලාවෙ හිතන්ඩ ඕනෙ ආශි ගැන විතරයි..."

" අපි මොකක් හරි කරන්ඩොනෙ.මොකක් හරි කරන්ඩෝනෙ...මොකක් හරි කරන්ඩෝනෙ"

මන් හයියෙන් කෑ ගැහුවා.

" සන්සුන් වෙයන්....අයේශ්... කලබල වෙලා මොකුත් කරන්ඩ නැ"

" එ උණාට ඒ මගෙ නන්ගි.මට් ආයෙ ඒ දුක විදින්ඩ බෑ. මට ඒ දෙන්නටම
හොදක් වෙන්ඩයි ඕනෙ..මේකෙන් වෙන්නෙ ඒ දෙන්නම දුක් විදින එක.මේ සේරම මන් නිසා. මේ සේරම මන් මේක පස්සෙ ඕනෑවට වඩා දිව්ව නිසා. මේ සේරම මන් සුදු මැණිකෙට ඕනෑවට වඩා ලන් උන නිසා එයා මැරුන කෙනෙක් කියල නොහිතා"

" අහපන් අයේශ්...ඒකිට ඕනෙ උඹව..මට තේරෙනවා. උණ දේවල් එක්ක ඒකි හිතන්නෙ උඹ නැත්තන් ඒකිට කරදරයක් වෙයි කියල. ඒ හින්දයි ඒකිට උඹව ඕනෙ..මේකට අපිට කරන්ඩ පුළුවන් දෙයක් නෑ. අපිට කාවහරි ඔනෙ වෙනව මේ දේවල් දන්න කෙනෙක්.හොදින් හරි නරකින් හරී මේ ආත්මෙ ආශිගෙ ඇගෙන් අයින් කරන්ඩ ඕනෙ."

රවීන් මගෙ උරහිසින් අල්ලගෙන කතා කළා. ඒත් එක්කම අකුණු ගහන සද්දෙයි ඒ අස්සෙන් කාඹරේ බඩු එහෙ මෙහෙ විසි කරන සද්දෙයි අපිට ඇහුණා. මන් ආයෙම දොර ගාවට දුවගෙන ගියා.

" සුදුමැණිකේ...."

මන් දොර අරින්ඩ හැදුවත් රවීන් මට ඒකට ඉඩ දුන්නෑ.

" එපා... මේ වෙලාවෙ ඒකිට ඕනෙ උඹව. උඹව ගෙන්න ගන්ඩ ඒකි ඕනෙ දෙයක් කරයි..."

" අපේ අම්ම නම් කිව්වා...කවුද වෙලාව බලන කෙනෙක් ගැන..ම්ම්ම්ම් මගෙ කලින් නම අයාශ් තීර්ථ.. එ වගේම දැන්....තීර් අයේශ්මත්... ඒ නම් දෙක එකට ගැලපෙන්නැද්ද.මගෙ නම දාල තියෙන්නෙ ඒ වෙලාව බලන කෙනා..එයා මේ ගැන දන්නවවත්ද?"

" වෙලාව බලන අය යක්කු එලවනවද බන්..."

" මන් දන්නෑ බන්. මන් කෝකටත් අම්මගෙන් අහල බලන්නං"

මන් සාක්කුවේ තිබ්බු phone එක එළියට අරන් අම්මට කතා කලා. ඒ වෙද්දි අම්මා ගිහිල්ල. මන් එයාට රවීන්ගෙ වැඩක් කියල ගජබින්නයක් ඇද බාලා ඔය කියන කෙනා ඉන්න තැනයි විස්තර ටිකකුයි දැනගත්තා. අම්මා කිව්ව විදියට නම් මිනිහා වෙලාව බලන දේවල් වලට විතරක් නෙමේ දක්ශ. මන් කෝල් එක කට් කරල අම්මා කිව්ව හැමදේම අකුරක් නෑර රවීන්ට රිපීට් කළා.