"بِسْمِ اللَّهِ الرَّحْمَنِ الرَّحِيمِ"
عـلـى أسَـرِ الـقَـضَـايـا
بِـقـلمـي{ Rana }
للتواصل: rana_raed76
بنات لتنسون تفاعلكم بالتصويت + تعليقاتكم الجميلة
~~~~~~~~~~~~~~~~
يلاهي مَالِي غِيَرك يعُرف البيه
انا بنَادم حَنِين وحِيل مَابيه..!
~~~~~~~~~~~~~~~~
"أجـوان"
جنت صافنة افكر يا ترى شنو راح يكون مصيري؟؟
قاطعت سلسلة افكاري دخول الظابطـة
- أجـوان حسين ؟؟
-أجـوان: نعم..
- اهلج اجوي يم العقيد أَســر
اني سمعتها كالت اجوي اهلج متت بدمي،، شلون راح اقابل اهلي ،، وشنو راح اكول لابويه اذا شافني بهذا الدم الي على هدومي،، امشي وجسمي كلة يرجف متوترة ،،
تسائلت نفسي بخوف.. شنو راح تكون ردة فعلهم؟؟
- دخلت للغرفه بكل هدوء ٫ امي ذبلانة عيونها حمر وايدها ترجف ٫٫ الـلـهفة الجانت بعيون ابويه طول عمري ما راح انساها بس.. ما جان متوقع ان تخذلة بنته بيوم من الايام..،،
- وَسـن: يمةةةة بنيتيي أجـوانن شنو هذا الدم العلى هدومججج
-مِيلاذ: ولججج أجـوان هاي شصايرر بيجج
- أجـوان: رادت امي تكوم تحضني بس الظابط ما قبل يتقربون مني،،ابويه جان صافن عليه بنظرة ما عرفت افسرها....
-حسين: ليش هيج بويـة،، ليش كسـرتـيـنـي...!
-أجـوان: لتكول هيج بابا الله عليك والله العظيم اني ما كسرتك اصلا اني رفعت راسك
-حسين: ولجج شلون رفعتي راسي وانتِ جيتي مدماية شلونن ؟؟
أجـوان وحـق الله ما خليت احد يِـمس شرفك ولو بشعرة ،، ولكك يابةة اني ترباتك اني أجـوانن الربيتني على الشرف والاخلاق والقـوة ٫٫تـشك بـيـة؟؟
-حسين: ولجج يابةة مو كسرتي ضهرييي،،
-أجـوان: والله اني ترباتك لتشك بيه بيوم ،، بابا اذا تشك بيه اموتت والله اموت..،
-حسين: لا بنيتي لتكولين هيج من عمري على عمرج ،، مهما صار اني قابل المج بحضني الذنب مو ذنبج ،، انتِ فرحتي الاولى انتِ نضر عيني شلون اشك بيج....
-أجـوان: حسيت مي بارد ونزل على كلبي الحمد الله ابويه ميشك بيه..،
العقيد أَســر اشر للظابطة تاخذني.
-أجـوان: بس اوكفي ثواني الله عليج
- بابا دير بالك على رِيـنـاد. اعتبرها بِـمعزتي ترة اتاذت كلش واعتدوا عليها دير بالك عليها بابا ،، ولتنطيها لعمها ترا مو خوش رجال بقيها يمكم...،،
أنت تقرأ
على أسر القضايا
De Todoفتاة صغيره تدخل في عالم غريب الاطوار لكي تاخذ بثار صديقتها لنرى مالذي سيحصل...!
