على أسر القضايا

part30

                 " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة

كلش اسفه على تاخير البارت بس مجان عندي نت حبايبي..
~~~~
ليّش ما جاسَك حَنيّني
و قَررت غُبشة تسافُر
وانا كاتِبلك قَصايّد
خَلصت بيّها الدَفاتر

~~~~
"سُعاد"

-قررت اسولفلهم كلشي والي يصير خلي يصير....

-بيوم من الايام جان عمري 13 سنه واجوني خطابه
كوني بنت عرب عرفوني من بيت جوارينه لكن الرجال جبير وغريب علينه..
يطلع عمره 28 سنه ومزوج وارمل عنده ولد واحد
ابويه وافق ينطيني الهم بكون الرجال عنده خير من الله ويعرفونه ويعرفون اخلاقه وهيج رجال بهذاك الوكت مينعاب..

تزوجنه وكعدني بيته ويه ابنه جان عمره شهرين الطفل
الله ذب عليه حب وحنيه على هذا الولد الي جان فرحه حياتي
ودنيتي حبيته كانه ابني وطالع من بطني لهاي الدنيا وزوجي ابد مقصر عليه بشي يحبني ويدللني بكوني بعدني صغيره وهوا اهل ماعنده  وعيشتنا الحمدلله لان هو رجل متمكن مادياً...

بيوم من الايام وجنت احوش بالحديقه والطفل يمي اجت جوارينه تلطم على وجها..

-ام محمد: لحكي ولج يا سعاد رجلج مذبحي وشامري يم البزل..

-سعاد: اني جنت اسمع هل كلمات ونشليت اريد اتحرك ماكدر اله هيه جتي وياي واني ابجي واعيط من المنضر الي شفته..

مشرحين الجثه وميت حاولنه نعرف القاتل منو لكن معرفنا منو بلش العزاء واني ابجي عليه واعيط ما مر على زواجنه خمس اشهر وتوفه وأَســر صار عمره سبع اشهر...

كمل العزاء وكالوا هذا الولد منو ياخذه وين يتربى؟؟

-اني الي اربي هذا ابني واحطه بين عيوني وماقصر ويا..

جدكم عارض وكال لا وانتِ مملزمه بس واني اصريت ان اخذ هذا الطفل واربي وصارت كل املاك ابو باسم أَسر..

اخذته وربيته واحتويته لحد مصار عمره 4 سنين وبعمري مقصرت ويا كانه ابني من لحمي ودمي حته هوة اتعلق بيه تعلق شديد وحته لو كنت امه الحقيقيه ما كان حبني كل هذا الحب..

مرت الايام واجوني خطابة ناس معروفه وعدها خير وعز وجانوا يريد يزوجون ابنهم الي هوا اكبر ولدهم صالح الله يرحمه..

رفضت ومقبلت ابوي هددني بأبني واني شرطي الوحيد ابني يجي وياي ترضى بأبني ارضى بيك غير هذا الحجي ما عندي..

ابويه قسى عليه بكونهم ميقبلون لكن ضليت على اصراري لحد ما وافقوا وتزوجته

وابني وياي ابوكم حب أسر مثل ابنه ربى اسر على الشجاعة والقوة والاخلاص وميخاف من اي احد ويعرف شلون يصرف بل مواقف..