على أسر القضايا

part24

        " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة
~~~~

اثـاري
الـنـيـتـه مـثـل الـمـاي
مـايـلـگـه مـثـل لـونـه
واثـاري الـعـنـده عـشـر وجـوه
كـل الــنـاس يـردونــه
~~~~

"أَجـوان"

-أَجـوان: شلكيتي؟؟

-كامت فتحت المجر وجابت دفتر ملاحضات صغير
عرفته من شكله...

هذا دفتر ملاحضات لريناد..! فتحته واقره ودموعي تجري

-حبيبتي أجوان ادري بيوم راح اروح من هاي الدنيا
وتبقى بنتي او ابني بهاي الدنيا واني اعرف راح اتركهم
يم ام راح تعوضهم عني وان شاءلله اذا  كبرتي وزوجتي
طفلي لاتنسي واعتبري اني احبج أجوان كلش هواي احبج
الله شاهد اعتبرتج ام واخت قبل ما اعتبرج صديقتي
تذكرين اول ماشفتج من جان عمرنه خمس سنين
جنتي تريدين لعبتي ومانطيتها الج لان جانت هديه امي
اني أسفه مانطيتها الج ماعرف شكول الج بعد بس الي اكوله لاتنسيني بيوم واذا صادقتي غيري ان شاءلله تطلع مثلي وتحبج بكدي بس ماعتقد احد حيجي ويحبج بكدي احبج أجوان

هاا لاذكريني لابني او بنتي لان راح يكرهوني مثل ما اني كرهت اهلي لان عافوني انتي صيري الهم ام واخت وصديقى
احبج أجوان....
 وكاتبه بنهاية الورقه        

                                                                           رِيـنـاد R_A 

~~~

"مِـيلاذ"

-كاعدين اني وليان وجبت دفتر الملاحضات لاجوان تقره وتبجي سدت الملاحضات وكعدت تبجي
بس مو بجي عادي لا بجي بي غصه واحد فاقد شي من روحه
رحت يمها حضنتها وهيه تبجي

-اشششش كافيي يروحي كافي ترى ليان جاي اشوفج كافي..

فتحت ايدها ليان وجتي كعدت بحضنها وحاضنتها وتبجي

-أَجـوان: والله ماعوفج والله شلون اعوفج وانتِ امانه
صديقة عمري ؟؟

-ليان: ليش تبجين ماما اني من تبجين انقهغ...

-أجوان: لا حبيبي مابيه شي تعاي نام اخذتها وراحت على الجربايه وحاضنتها ونامن سوة...

~~~

"غَـديـر"

- خابرتني أجوان وكتلها اداوم وحضرت غراضي فتحت
الواتساب نفس الشخص الي راسلني بفاتحه فهد دازلي

- اخبارج انستي شلون صرتي؟؟

-شلون اخباري واني فاقده عزيز الروح اخويه؟؟