على أسر القضايا

part58

                     " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة
~~~

يچذبني
واچذبه
وبالعشگ نحلف
وفنه الكال احبك دون ما يرجف
~~~
"أَجُـوان"

-حامللللللل يربيييييي حاملللللللللللل...

كعدت بالكاع ابجي لامه رجلي لصدري واعيط حامل والله حامل ضليت فوك العشر دقايق ابجي بالحمام

طلعت الثالث جربته ونفس الشيي طلع خطين والفرحه ماوصفها مسحت دموعي واكفه كبال المرايه ابجي ايدي ترجف رجفه مو طبيعيه واحمد ربي على هل رزق

مسحت دموعي وطلعت ضميت الجهاز وخايفه لايكون خربان وايدي ترجف والفرحه تارسه وجهي اريد احجي بس اتردد واسكت لحد ما اتئكد خاف جذب

نزلت وهمه كلهم مجتمعين

-نور: لا لا اكو خبر حلو على هل ابتسامات..

أَجُـوان: اويي شبيج هسه مو زين اضحك..!

-شمس: سولفي اجوان سامعه كلمه منا منا؟؟

-أَجُـوان: اريد اكول الهم بس ابلعها واسكت كتفيت بضحكه وسكتت

لحد اليل فات أسر بيده علاليك مسواك ضحكت على ليان شايله ركيه اكبر منها اخذتها منها وحطيته على صفحه

-أَســر: جبتلج ركيه اكبر منج مو تحبي؟؟

-أَجُـوان: ههه اموت عليه

-نور: أسرر اليوم اكو شي راح يخلك تهوس من الفرح

-أَســر: خيرج نويره؟؟

-أَجُـوان: اخزر بنور اريدها تسكت وهيه خربانه ضحك هزت راسه لا ماكو شي

خلصنه وهوا صعد يسبح حضرت كتب ليان ونامت وفتحت باب الغرفه جان يتعطر ركضت عليه حضنته وبادلني الحضن

احس شعور غريب كمت ابجي واشهك بجي وهوا مستغرب مني محجى شي خلاني على راحتي ابجي ومتعلكه بركبته وهوا يمشي ايده على ضهري بكل هدوء وازيد بالبجي بعد وجهي من صدره يمسح بدموعي ويسئل

-ليش يابه ليش هل دموع ولج هل عيون ملازم يلوحهن دمع هل دموع تستاهل بس الفرح..

-تعبانه أسر تعبانه

-اوفف ريت التعب الكلبي ولا يمسج تعب يانضر العين

رجعني الصدره ابجي دافنه وجهي بصدره وهوا حار بيه شون أسكت مسح دموعي بطرف اصبعه وسحبني للحمام

غسل وجهي ونشفه وطفى الضوه غطاني وسحبني الحضنه مقيد حركتي بيده ولاف رجلي بين رجله  يمسح على شعري وكل ماريد احجي اسكت دارني اله ونطق