على أسر القضايا

part54

.                         " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة
~~~~

وحكج صاير بلياج مانشاف ومحد يعترف بيه
كله تصيح وسفه وحيف زلمه تعبته بنيه

~~~~
"أَجُـوان"

فتح الباب وضل صافن هاي شديصير ضحكت بوجه سد الباب مبتسم رحت عليه حاوطت ركبته ونطقت..

-أَجُـوان: تترقى ويترقى حبك بكلبي أسري..

-أَســر: شهل جمال أجواني..

-أَجُـوان: عود تترقى ومتكلي موو؟؟

ضحك وحك لحيته وكال

-أَســر: منو كلج؟؟

-أَجُـوان: العصفوره مالتك جتي وكلتلي

-أَســر: اخخ يلعصفوره شيبت حالي..

-أَجُـوان: هههه يلا تعال أشوفك الهديه

سحبت ايده المحاوطه خصري كعد وكعدت على رجله واخذت العلبه وقدمتها اله اخذها مني مبتسم فتحتها ونطق

-أَجُـوان: عجبتك لو لا؟؟

-أَســر: تجنن يا احلا هديه بعمري

سحبني الحضنه رفعت راسي وعيني بعينه نطقت

-أَجُـوان: خليني على متنك بالعشك رتبه أسري..

تجه وجه على وجهي وعيونه الذبلانه وشدد لزمته الي ونطق

-أَســر: اخخ ياونسه عيون المكاريد..

-أَجُـوان: هههه يلا عود متريد تضوك الكيكه؟؟

-ضحك كصيناها وحطيتله قطعه كيك ومشدد حضنته الي

ونضمت هاي اليله لاحلى ليالي العمر وكل ليله تنتهي يكبر حبه بكلبي

بين النايمه والكاعده وهوا يهمس كلام باذني مافهمته وغطيت بنومتي لحد ثاني يوم فزيت هوا مموجود

كمت لميت الغرفه ونزلت محد موجود بس خاله وشمس ونور طالعين للدوام كملت شغل ويه خاله وكعدنا نسولف وعلى هذا الروتين مر سبوع..

~~~

"نور"

-مرت الايام يوم يجر يوم على نفس الروتين وبلشت اداوم ومشفت الشخص الي تعرضلي ولا شفت علي مره ثانيه

واكل بروحي اكل لهيت نفسي بين الدوام والبيت بس مكدرت اطلعه من بالي

خلصت المحاضره وبقت محاضره ضليت كاعده وفتحت التلفون بالمحاضره السجلتها لكن بالي مو يمها