على أسر القضايا

part16

                 " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة

~~~

واگول انِساچ
بس شِنساچ ؟
شِنساهن ،
اگلب بالصَوُر
واتگلب وياهن

~~~

"غَـديـر"

-فهد: كعدي كافي نوم محاميتنا..

كانت كلمات كافية بأن ترد روحي

-غَـديـر: عليك الله صدك؟؟

-فهد: وداعتج كومي يلا نشتري ملابس لاحلى محاميه....

من فرحتي كمت حضنته واكمز  واركص وأخيراً مدا اصدك

- شلون قنعته؟؟

-فهد: طرق خاصه يلا كومي خلصيني..

-غَـديـر: يلا هسه اجي ما اتاخر...

نزل واني بدلت ورتبت وجهي بشي خفيف وطلعت نزلت وهوا جان بالكراج وعبدالله بالصاله..

-عبدالله: اذا ماندمتج على كسرت كلمتي يصير خير..

-فهد: يلا يابه تأخرنه

-غَـديـر: جيتك يانضر عيني..

طلعنه وهوا مشغل اغاني وكل شوي وكال احلى محاميه والله
واني من فرحتي كمت ابجي بكلشي لازم نبجي بفرحنه بزعلنا
نزلت وعلى ذوقه شتريت الملابس وشي مستور وطويل وباليرضي الله ويرضي فهد خلصنه فرينه السوك فر

-غَـديـر: هنيالها والف هنيالها التاخذك الله يرزقك بنت الحلال

-فهد: عن قريب ان شاءلله..

-غَـديـر: كول والله؟؟

-فهد: ان شاءلله شمدريج يمكن باجر اموت ومازوج...

-غَـديـر: يمه فال الله ولا فالك منو الي بعدك لادكول هيج

ضحك وكال نروح نتغده وتغدينه وشرب چاي وطلعنه.. چان احلى يوم بحياتي واشترالي شعر بنات محسسني بنته مو اخته ونزلني وهوا خابروا علي جماعته وطلع

واني فتت للبيت حمدت ربي محد موجود بالبيت صعدت لغرفتي وحطيت غراضي الاشتريتهم ويه فهد...
شوي وصاحت امي..

-خديجه: اكلج يمة شبي الزواج ترى حلو احسن من الكليه لو انتِ حاطه احد براسج؟؟

-غَـديـر: يمه قابل منو اريد احط براسي واني لاطلعه ولا طبه وحته زواج ماريد ازوج اريد اضل هنا

-عافتني وراحت ومرت الايام وكل ميقترب الدوام كلبي يكلي راح يسوون شي ويكعدوج بس ماطول اكو احد ورايه هاهيه جنت مرتاحه مرت الايام واجه اول يوم الي ابد منمت واني افكر شون  راح يكون اول يوم الي سويت ريوك لابويه ولخواني.....