على أسر القضايا

part49

.                         " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة
~~~
وهاي عيونك الحلوة
كُل ما ابوسها أتقرب
عمت عين اليگولي
بوسة العين تخرب

~~~
"أَجُـوان"

-أَســر: وبعدني على كد كلمتي غيرج متنام على هل متن...

-ورا ما كمل جملته صارت عيني بعينه لاشعوريا ركضت عليه حاضنته كل قوتي وابجي وهوا لامني لحضنه ..

-أَســر: جبرتيني على الحرام بعشرتج..

فقدت ابجي وهوا من كد حضنته الي حسيت دخلت بين ضلوعه ويمسح على راسي ويهمس

-أَســر: شجابرج على العشك يابنت الناس؟؟

-أَجُـوان: عشكك تعبني وهد حيلي اسر..

-أَســر: من حيلي على حيلج يابعد حيلي

رجع وجهي الصدره واشهك بالبجي ضلينا على هذا الحال لحد مختنكت من الدموع كعدني وراح جاب مي شربت مي وغسلت يلا عتدل النفس

-أَســر: شلون صرتي شو باعيلي؟؟

-أَجُـوان: الحمدلله احسن

هز راسه وسكت ضلينا ساكتين لحد مكال

-أَســر: هيج طلعتي تغارين ولج؟؟

-أَجُـوان: امم ليش تريد تستغل الفرصه..

-ضحك وكال

-أَســر: مثل ما انتِ ستغليتي الفرصه..

-أَجُـوان: لا هاي شبيك كتلك اسفه..

-أَســر: وين كلتي؟؟

-أَجُـوان: هسه كلتها..،

-أَســر: لوتيه مو بيدج

-ابتسمت اله وعيوني مورمه من الدموع مسحت عيوني وردت اطلع وكال

-أَســر: حضري نفسج العصر

-أَجُـوان: ليش؟؟

-أَســر: جاين زياره خفيفه..

-أَجُـوان: امم هلا بيك

ابتسمت بوجه وطلعت واحس بلعومي مجرح من كثر معيطت طلعت للبيت وامي شافتني وضلت تسئل شبيج باجيه اجوان وشنو ديصير وياج تعذرت بالشغل وسحبت ميلاذ وكلت الها 

-مِـيلاذ: ولجججج طلع المسودن عاشكججج اويييييي

-أَجُـوان: لاتكولين مسودن احسلج

-مِـيلاذ: ولججج يمههه

-أَجُـوان: اشششش لاتكولين لامي هسه تكول منين درت امشي نرتب البيت