على أسر القضايا

part14

                    " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة

اسفه كلش على تاخير البارت لان محان عندي نت..

~~~

" تريد أبچي عليك
واگعد بنص الذل
أنه علئ اليموت
دموعي ماتنزل "

~~~

"نور"

گـاعدين نشرب چاي ودخل علينه أَســر. وجهه ميتفسر من العصبية...

-سُعاد: شبيك يمة

ما جاوب امي وعافنه وصعد فوك يمشي على السريع..

-نور: شبي يمة شو وجهه ميبشر بخير ابد..

امي صعدت فوك  عليه واني وشمس بقينه جوه
كرصتني شمس..

-شمس: اكلج خاف عرف بسالفتي اني وسجاد؟؟

-نور: يمكن بس والله يشرج على الحبل ،، بس مو مال يصعد فوك ويعوفج هنا بدون متنكتلين..

-شمس: امشي الله عليج نتصنت عليهم

-نور: اني عندي فضول ولازم اروي فضولي،، صعدنه على كيفنه وحطيت اذني على باب غرفته....

-أسر: يمه اني تنكسر كلمتي ؟؟

-سعاد: يايمه ترى البنيه مبينه تعبانه يمكن ضربتها الشمس وطلعت

-أسر: لا هيه عنوديه تريد تكسر كلمتي ادري بيها بس يصير خير اني اعلمها...

-سعاد: يايمه لاتحطها براسك ترى متسوى والله.

كلسع يكول انا تنكسر كلمتي يايوم نكسرت؟؟

سمعنى خطوات بتجاه الباب طفرنه بسرعه مبتعدين عن الباب

-نور: أسر يحب بنية؟؟

-شمس: قابل يريد يحب رجال؟؟ ،، بس متوقعت بيوم أسر يحب..!

-نور: لا لا مو مال يحب والله اتخبل

-شمس: وليش تتخبلين عيني ؟؟

نور: يعني وحده تجي تاخذ اخويه والله اموتها

ضليت حايره وهوا منزل لحد المغرب يلا نزل كاشخ والملابس السود والمحابس الي بيده وطوله وضخامته وهيبته تمشي كدامه...

-نور: فدوه اروح الطولك اني

-أسر: خيرج شرايده

-نور: عود صدك اني اجي اتغزل بيك يعني اريد شي غير انته اخويه وابويه وحبيبي والله اتمنى اني اتأذه ولا انته ..

حضني وباسني براسي

-سعاد: ها يمه وين متوكل ان شاءلله ؟؟

-أسر: طالع ويه الولد رايده شي يمه ؟؟