على أسر القضايا

part11

" بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة

~~~

مِن أفگر بِيك مَرات انهضم
گلها يمي وأنتَ مو يمي ،ظلَم....

~~~

"أَجـوان"

- ضليت صافنه بملامحها واتخيلها ريناد ودموعي متوكف من البجي مسحت دموعي اخذت البنيه ونزلت جوه لكيت بابا كاعد اخذها من ايدي يبوس بيها.

-حسين: جيبيها حبيبتي خلي اذن بأذنها..

انطيتها اله أخذها مني وبلش يأذن بأذنها خلص اذان وباسها براسها يابه شناويه تسمين هاي ملاك؟؟

-أجوان:ريناد جانت تحب اسم ليان فاا كلت اسميها ليان..

-حسين:عاشت الاسامي ربي يحفضها بحفضه الكريم هسه يابه صارت البنيه بركبتج وانتي لازم تحافضين عليها وداريها لان امانه والامانه جبال محملتها..

-أجوان:ان شاء الله بوجودك يروحي وسندي انته ،،
باسني براسي وحط البنيه بيدي وطلع يجيب حليب وغراض الها بستها وكعدت ماما.

-وسن:صباح الخير يمه شون صرتي؟؟

-أجوان:صباح النور شون اصير واني فاقده اعز شخص على كلبي ولج يمه شون اصير؟؟

-يايمه حرام سوين هيج بنفسج وبيها والله حرام عليج

-ماكدر والله ماكدر بدونها ولج يايمه هاي روحيي

-حبيبتي كولي يالله شو تعالي...
كومتني غسلت وجهي واني جسمي يرجف سوت الي
عصير ماكدرت اشرب مسحت دموعي كمت وماما اخذت ليان من ايدي...

-وسن: شون صغيرونتنه الحلوه..؟؟

-أجوان:هيانها بس تبجي حرت شسويلها...

اخذتها ماما تغسل الها واني صعدت وكل ماذكر ريناد دموعي تنزل اخخ يا عزيزة روحي ماكدر بدونج مو كد هل حمل والله مو كده....

مرت الايام واحاول اتناسى ريناد بس جذب مانسيتها بيوم ولا فاركتني اكو احد ينسى روحهه..؟؟

جنت العب ليان واندك الباب قوي؟؟

راحت ميلاذ شوف منو دخلو عمو مصطفى وابو ياسر

-ابو ياسر:هلا هلا متوقعتها والله اخر زمانك جيب بنت زنا للبيت يحسين؟؟

-حسين: ليان مو بنت زنا..

-أجوان:لا عمي ماسمحلك تحجي على بنتي رجائا

-ياسر: سمحتي ولا ماسمحتي هاي البنيه متضل هنا فهمتييي؟؟