على أسر القضايا

part32

                   " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة

~~~

بغداد منك ،وانت مني
تعال نمشي بشوراعها ونغني

~~~

"أَجـوان"

-رفع ايدي  بهدوء وباسهن وكال

-أَســر: " أَجـوان ٫٫ أَحـبـچ والـقـلـع بـاب خـيـبـر...."

-جانت اخر كلمات سمعتها منه وصوته يتردد بأذني لحد مخلت الدكتوره ابره التخدير بلكانونه والجهاز وكلشي ما حسيت بعدها..

~~~

"غَـديـر"

- طلع أسر من الغرفه محد نتبه اله من اهل اجوان طلع
وصاحني

-أَســر: احمم غديرر..

-غَـديـر: نعم استاذ اسر.!

-أَســر: اني راح اضل انتضره بل ممر اي شي يصير بس خابريني من تلفونها..

-هزيتله راسي عافني وراح ومبين الخوف بوجه بس محجة رجعت كعدت وكالوا دخلوا اجوان للعمليات واحنه كاعدين والخوف ماكل كلوبنه وليان نايمه بحضن ميلاذ..

-جيبي عنج خطيه ضهرج اتكسر اني اشيلها..

انطتنياها ضليت العب بشعرها وهيه نايمه تشبه ريناد واجوان
الشعر والعيون والسان اجوان والباقي امها..

- وره اكثر من ساعتين دك تلفون اجوان شفته هوا كمت بعيد عن ميلاذ ورديت عليه

-اجوان هستوها طلعوها من العمليات بس اريد اشوفها قبل اهلها..

-والله مادري شكلك شلون اكلهم؟؟

- اني حكول للدكتوره يخلوها على اساس بصاله الافاقه؟؟

-تمام على راحتك..

صدك دقايق و اجتي الدكتوره كالت نجحت العمليه الحمد لله بس بعدها بالافاقه امها سجدت سجده شكر سألوا شوكت يطلعوها من الافاقه كالت بعد مو هسه..

شويه ودخلنه يم اجوان تحجي بس كلام ممفهوم الي فهمته منها
بس كلمات بسيطه وكلها تقصد بيهم أسر

-ولجج غدير تخيلي طلع يحبني عزههه مصدكتتتت طلعع يحبنيي واني مادريييي هههههههههه يمههه طلععع يحبنييييي..

تسولف وتضحك واني اسد بحلكها اهلها يمها بس مدا يفهمون شدتحجي..

وهيه ولا سكتت تحجي وترجع تكول ولج طلع يحبني..

-غَـديـر: اجوان سكتي لاتفضحينا..

-أَجـوان: واني اكول ليش ضرب مهندد وكسر خشمه عزهههه يحبنييي هههه‍ههه