على أسر القضايا

part57

.                         " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة
~~~

اني بلياك متمرض
تعال الصور شـتعوض🩶!
~~~
"مِـيلاذ"

-مرت الايام على حملي ،، احس مغص بمعدتي وجسمي كله ياذيني وثكيله صايره احس راح انفجر وليث كاعد ويداهر بيه ويشاقه واني بطني توجعني ومالي خلكه

-ليث: امشي نروح للدكتوره ميلاذ..

-مِـيلاذ: لا مابيه شي هسه اصير زينه..

-ليث: شصيرين ميلاذ باعي وجهج شون صار امشي لاتعاندين..

-مِـيلاذ: لا ماريد راح افوت اسبح بلكي ارتاح

ساعدني بكومتي  بصعوبه سبحت مي حار اريد ضهري يهدء من الوجع ،، بدلت وهوا خايف عليه وامي سوتلي شوربه اكلت ونمت..

لحد الساعه بـ1 ونص فزيت على وجع مينحمل وبس المجربه يعرف،، ضليت اعيط وابجي وليث مو يمي سحبت تلفوني واجه رقمها كبالي دكيت اعيط

-الووو الحكينييييي أَجوان راح اموتتتتتت...

-أَجُـوان: شبيججج ميلاذ شبيج؟؟

-اخخخ يمههه حجيب الحكيليييي

وكع التلفون مني ومي خترعت ضليت اعيط جتي على صياحي امي وابويه وليث كوموني واني اعيط جيبووو أَجوان حموتتتتتت ربييييي

طلعنه للسياره والوجع مينحمل وصلنه للمستشفى وابوية وليث لازميني دخلوني الممرضات لردهه الولادة واني اعيطط ،،

كالوا راح يحولوني عملية خفت كلش لان اول مرة اجيب ،، ضليت اردد بسم الله لحد ما فقدت الوعي وما حسيت بشي بعد..

~~~
"أَجُـوان"

-رفضته منها ونزلت اركض على خاله فزت مخروعه كتلها على ميلاذ وحرنه على منو ندك ومنو ياخذنه واني ابجي عليها وشون تعيط

كالت لجوارينهم واني صعدت سحبت الشال ونزلت اركض ذكرت ليان نايمه وصيت نور عليها وطلعنه وطول الطريق ادك عليها مترد دكيت على ابويه وكلي اسم المستشفى الي ودوها بي واني ارجف ..

انطيته العنوان وجسمي يرجف من فوك ليجوه وام أسر تهدي بيه واني اخاف اخسرها اخاف وهيه بعد سبوع يلا تدخل بالثامن يعني بعد هوايي لموعد جيابتها ..

وصلنه للمسشفى وشفت امي ترجف واكفه بعيد ركضت عليها حضنتها واني ابجي وهيه خايفه على ميلاذ وليث الوجه اصفر والخوف مبين بعيونه وابويه عالم ثاني من الخوف واني ابجي مكرفصه على روحي واعصابي تلفت واني انتضرها تطلع والخوف ياكل بيه اكل اخافف افقد عزيز عليه مثل مفقدت صديقت عمري