على أسر القضايا

part44

.                         " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة
~~~
شمَا يَحجون عَن العيونهُم حَلوة
تَچي بالي وأضحَك مَن يذكرونَك
أكُو الحَلوة
وأكو الأحَلى
وأكُو عيونَك .

~~~

نور"

-مر اليوم بصوره عاديه ومن الصبح ندك الباب طلع اسر وجانت صدمتنا من نشوف ضرغام بالباب طلعت امي واني وشمس نباوع

من ايدة ضرغام لاسر وانطا سلاحه وكال

-ضرغام: جيتك يابن العم وروحي ترخصلك..

أسر يباوع على الاسلاح وعلى ضرغام اخذ السلاح وكله

-أَســر: مو من ترباتي اصير جتال ابن عمي وبيدي..

-ضرغام: بس اني اذيتك وهاي الروح ترخصلك..

سحب اسر وتحاضنوا وامي تهلهل..

احنه واكفين نباوع من الكامرات واسر وضرعام تحاضنوا وشمس تبجيي وتصفك غميتها وهيه تسجد سجده شكر ،، بقيت صافنه عليها صدمتني..

فاتوا جوه وامي فاتت تبجي وتهلهل الهم

-نور: والله لو اني من اسر اله اخذ السلاح واضربه بس اخخخ من حنيه أسرر

-نويره اسكتي

فاتت يمهم امي رحت اسنط وكل حجيه جان اعتذار من اسر لحد منطق اسر وكله

-أَســر: بس اذا وصلك الخبر شَرطي الوحيد وبعده الي تشتغل وياهم راح ينسحلون للشرطه..

-ضرغام: والي تريده يصير بس لاتخاطر اذا مدارس الشغله مضبوط..

سمعت ضحكت اسر وكله

-أَســر: وداعت عيونها مشتغله وعلى المضبوط..

-ضرغام: حلو واني كتلك وارجع اكلك هل روح ترخصلك

ماكول مكيفت بس بعدني ضايجه وشمس مكيفه هوا شوي وطلع واسر كاعد يخابر واني اتكرضم ليش صالحه رحت كعدت يمه جان يكول

-أَســر: اكو شي بحلكج غردي..،

-نور: أسر عود ليش صالحته؟؟

-أَســر: ليش ماتردين؟؟

امي تعض بشفتها وتخرمش وجها تحمحمت وكتله

-نور: بس هوا اذاني شلون تصالحه؟؟

رمقني بنضره ورجع عينه على التلفون وكال

-أَســر: ساويت الصلح بس علمود جنتي وناري وشغله ثانيه اذا لقطنه الي يشتغل وياهم هاهيه حسبي راحوا بين الرجلين