على أسر القضايا

part18

                         " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة

~~~

تغـير وجهـي كـله بـذيـچ الحـچايـه.
الوجه هم عنده سمعه گبال المرايه.

~~~

"أَجـوان"

وصلنه للبيت وليان نايمه بحضني صعدتها فوك بجربايتها
ونزلت ٫٫

سمعت صوت ميلاذ بل غرفه تبجي.....

- وكفت اسنط عليها بس اريد أسمع شي٫٫ فتحت الباب وجانت كاعده بالزاويه مال غرفه امي تبجي..

-أَجـوان: مِـيلاذ شبيج ليش تبجين؟؟

-مِـيلاذ: لا مابيه شي.،

-أَجـوان: مِـيلاذ احجي شبيج ؟؟

-مِـيلاذ: أَجـوان اليوم من جنتوا طالعين اجه ليث ابن عمو مصطفى..

-أَجـوان: ايي وشيريد؟؟

~~~

"مِـيلاذ"

-مِـيلاذ: طلعو امي واجوان وبابا راح يوصلهم واني كاعده اباوع على التلفزيون واندك الباب...

-ياا يمكن بابا رجع طلعت اصيح منوو ؟؟
اجاني صوته

-افتحي الباب ميلاذ بس احجي وياج واطلع..!

-بس بابا مو بالبيت؟؟

-ادري مو بالبيت قابل راح اكلج افتحي الباب

ترددت افتح الباب بس رجعت اخذت سجينه ورحت افتح الباب ضميتها وره ضهري هوا بس شافها كال

-هههههه خرب عرضج جايه تريدين دجيني بالسجينه ؟؟

-ليث خلصني شبيك شنو ردت مني؟؟

-احممم اي ردتج بموضوع..

-سمعي ميلاذ يابنت الناس اني من عمري 12 سنه جنت احبج حب طفوله بس  هذا الحب كبر وياي لحد مصرت عمري 22 سنه...
يابنت الناس اني رايدج على سنه الله ورسوله واذا ردتي هسه اجيبلج احسن المشايه واجي... الله هوا يشهد على كلامي اني حابج وهايم بيج يابنت الناس....

-مِـيلاذ اني مهوس بيج احبج ورايدج بلحلال واريدج تصيرين ام بيتي....

-جنت اسمعه يحجي ومبحلقه عيوني بصدمه الشخص الي جنت احبه من عمر 5 سنوات طلع يبادلني نفس الشعور واني عبالي يحب بنت خالته ضليت مصدومه ماعرف شحجي وشكول

-هاا مِـيلاذ شكلتي ؟؟ اني كلت اجي احجي وياج بالاول لان ما اريدج تنجبرين على شي انتي ماتردي....