على أسر القضايا

part29

                    " بِسْمِ اللَّهِ الرَّحْمَنِ الرَّحِيمِ"

عـلـى أسَـرِ الـقَـضَـايـا

بِـقـلمـي{ Rana }

للتواصل: rana_raed76

بنات لتنسون تفاعلكم بالتصويت + تعليقاتكم الجميلة

هلا بعزيزات الروح اشلونكم ان شاءلله بخير اليوم البارت تعويض عن البارت البارحه لان جان بارت قصير جنت مريضه مكدرت اكتب اكثر بس اليوم البارت طويل اريدكم تركزون بادق تفاصيله راح يفيدنه بل بارتات الجايه...

~~~~
شَايِف مِن يچن كلهن ؟
لا بيك التگوملهن ، ولا بيك التِرتبَهن
حِزنك ، خُوفك ، والضَياع الـ بيك
گلي شلون متحَملهن ؟

~~~~
"غَـديـر"

-والاسبوع الثاني تحديدا يوم الاربعاء جنه نفتر بالكلية
ولمحته من بعيد اريد اخذ اجوان ابعدها عن المكان حته لتشوفه بس هيه بسرعه انتبهت هوا ابتسم الها ونضراته كلها تحدي..!

-غَـديـر: الله عليج اجوان امشي لا تفضحينة هنا يلا حبيبتي امشي نطلع..

-أَجـوان: شو وخري اريد اشوف هذا الكلب شنو ديستهزء بيه بكوني ماعرف وعباله اني غبيه وخري..

دفعتني تريد تروح اله بس ما خليتها سحبتها من ايدها

-غَـديـر: اجوان لاتتخبلين امشي بداعت ريناد بداعت ليان امشي لا تفضحينة  ولاتفضحين روحج علمود واحد ميسوى بالكليه امشي عمري يلا..

-أَجـوان: هديني غدير وخري..

فلتت ايدها مني وواضحه على ملامح وجهها العصبيه ،، تخزر بي وصاكه سنونها بقوة..

-غَـديـر: بداعت ريناد امشي والله ناوي الشر هذا مخبل  امشي بداعت ابوج امشي..

-أَجـوان: اذا هوا مخبل اني هم مخبله والله لاندمه والله لاطلعها من بين عيونه الي تباوع بحقاره هل كلبب..

-غَـديـر: ميخالف والله طلعيها من عينه بس مو هسه فكري بنتج منو الها بعدج ترة هذولا عصابه والله يموتونا امشي حبيبيي امشيييي

-أَجـوان: غديررر هديني وخريي لتلحينن

دفعتني بخفه رادت تروحله بس ركضت وراها ورجعت سحبتها بكل قوتي حته توكف بس اجوان اطول مني واقوة ما كدرتلها

نمشي والولد يباوعون علينه بقلق رحت الهم كتلهم ماكو شي واعتذرت منهم ورجعت اركض ورا اجوان واسحب بيها وهيه روحها مفرفحه طلعنه من الكليه وهيه تغلي من الاعصاب.

-غَـديـر: راح اروح اجيب مي وارجع مو ترحينن..!

-جذب مردت اجيب مي دكيت على عمر رد عليه بسرعه..

-عمر الله عليك جيب اسر بسرعه هاي راح تتخبل راححح تموتههه...

-عمر: شكو شبيج منيه الي تتخبل؟؟