القلوب تعرف من حبها يا غرامي

الجزء 33

خالد سرح فيها وطارت العصبيه وطارت معها علومه
غرام :هي خالد شجابك هنا؟
خالد الي غض بصره لان ما كانت متستره تقريبا ونطق بصراخ :انتي الي وش جابك هنا تدرين ان ممكن يطلع واحد من الرجال ويشوفك؟ ارجعي بسرعه
غرام بصراخ :خالد لاتصرخ علي لاتصرخ علي لاتصرخ علييي
هدا خالد وسكت وطالعها يسرح فيها وهي هديت وضلت ساكته وحس خالد بشي وراه وانتبه ان فيه احد من قاعة الرجال بيطلع وسحبها  يدفها لوحده من الزواية الي ما تبين ووقف عندها يغطي عليها ويفتح جواله يسوي نفسه مشغول
تقدم احدى الرجال ونطق:خالد اشبك برا ادخل يا ولدي
خالد:ماعليك ياعم تركي الحين بدخل بس برد على واحد وازعاج داخل
هز راسه العم تركي ورجع دخل القاعه ولف خالد يشوف غرام الي من وجهها كان واضح خجلها وخوفها وتوترها ونطق وهو غاض بصره :ارجعي داخل يابنت سليمان ارجعي لف خالد ودخلت غرام وهي تركض وجلست على الطاوله وهي تلهث وجاتها نهى تنطق:بنت دورنا جا تعالي ارقصي
غرام:تكفين ماني فايقه رقص ابداا
نوف:بنت تكفين اصايل تبينا نرقص وواعدينها لاتخلفين الوعد
غرام:انا بكلمها خلاص روحو
مشو البنات يرقصون وقعدت غرام وكان قلبها يدق لدرجه بدت تسمع ضربات قلبها واحمر وجهها بشده وسحبت كاست مويه تشربها تهدي على نفسها تطالع البنات الي مندمجين بالرقص ولكن بدون ما تحس بدت تتسمع للي وراها وكانو يحشون فيها ومن الصوت عرفت مين هم
"الطاوله الي وراها "
كانو هند وصديقاتها جالسين ونطقت وحده منهم:ويع هند شوفيها مسويه حلوه هي ووجها يع يع
هند:ايه شايفه نفسها اليتيمه وع بنات وع
نطقت وحده من البنات الي بالطاوله:شايفه نفسها بزياده تراها يتيمه وجهها يقطع الرزق وهذا وجهي لا احد جا وخطبها هذا وجهي يا بنات هذا وجهي  مستحيل حد بيلف عليها
ضحكو البنات ونطقت هند:منجد كريهه هي وبنات عمها كل وحده اشين من الثانيه شوفو رقصهم بس شوفو
نطقت وحده من البنات بالطاوله وهي تاشر:شفتو ذول كلهم رخيصات ويدورون عرسان الي ما يستحون
هند:وغرام معهم
"عند غرام"
ماتحملت غرام كلامهم وقامت بسرعه تلف ونطقت بصوت عالي:نعم شتقولون ؟ يتيمه؟ وجهي يقطع الرزق؟ بنات عمي رخيصات يدورون عرسان ؟
ضحكت غرام ونطقت:انا رخيصه ! وكريهه وماحد بيلف وجهه علي؟!!
سحبت غرام شعر هند تسحبها وتشده لين وصلت المسرح وتفلت عليها وتقدمت لوحده من البنات الي بالطاوله الي تكلمت عن بنات عمها وانهم رخيصات وسحبت شعرها تدفها وسحبت الي جنبها ترميها على الثانيه وفكتهم غرام تاخذ عبايتها تلبسها وشنطتها تطلع من القاعه تخرج برا وتقعد عند باب سيارة خالد وتنهدت تنطق:خربت عرس اصايل ! خربتهه الله يقلعني كان استنيت لين اصايل تنزف وبعدين اتهاوش معهم ما بقى الا دقيقتين اصلا وتنزف 
"بالقاعه"
كانو الكل يطالعون الى ان خرجت وطفت الاغاني وهمسات الحريم تتعالى ونزلو البنات من المسرح يشوفون الفوضى وام هند والبنات وهيله واشواق وخلود وهنوف وهدى يحاولون يرقعون الوضع اما امهات البنات شلو بناتهم وراحو وضلت ام هند ونطقت:خير ليه مسوين ببنتي كذا؟ ربو بنتكم
هيله:بنتنا متربيه بنتك الي مو متربيه اكيد تمحرشت ببنتنا ولا سوت لها شي بنتنا ماتهيج كذا بدون سبب 
طالعت ام هند بهيله وهي عارفه ان كلامها صدق وتدري بخباثة بنتها بس وش تسوي؟ تضل بنتها ولازم ترقعلها وتغطي عليها ولو على الاقل قدام الناس
سحبت ام هند عباية هند تلبسها اياها وتسحبها وتطلع من القاعه
اشواق:يويلي ويلاه وينها غرام؟
ليلى:ماندري ياعمه ماندري شلت قشها ومدري وين سرت
هيله:خلاص بكلم واحد من اعمامها يطلع يدور عليها كملو العرس ولاتخربوه حرام تخرب فرحة البنت
بالفعل شالو العاملات اثار الهوشه وعدلو الطاولات وكملو العرس طبيعي وكان شيئاً لم يكن رغم همسات الحريم الواضحه
"برا القاعه"
طلعت ام هند وهي تسحب هند وتهاوشها:وش مسويه ادري بخباثتك شمسويه للبنت
كانت هند ساكته ونطقت ام هند باصرار:هند تكلمي وش مسويه لها!
هند وهي تبكي :ولاشي يا يمه ولاشي
ام هند:ولاشي؟ كل هذا وولاشي؟ هين بالبيت اقول لابوك يشوف امرك يالكلبه يالي ماتستحين يكفي انك الاسبوع الي فات داخله على ولد عمس ومقفله عليكم ومسويه انه علق الباب يالرخيصه يالوصخه احمدي ربك ماحد دري وان عمتك مشت السالفه
كملت ام هند تسحبها وشافت غرام الي كانت واقفه وسمعت كلامهم وكملت تسحب بهند بفشله يركبون سيارتهم وخرج ابو هند يحرك السياره يطلعون من المكان بكبره
"بقاعة الرجال"
ارسلت هيله لحامد يطلع يشوف غرام وبالفعل طلع يدو عليها وشافها وجا لعندها ونطق:غرام؟ وش صار!
غرام :ولاشي ياعمي ولاشي
حامد:ولاشي؟ اجل ليه جدتك داقه علي ادورك؟
غرام تجاهلت كلامه وذي من عادتها كلام ما يعجبها تسويله سكب: رجعني البيت
تنهد حامد ونطق:اركبي يابنتي اركبي
ركبت غرام ووصلها البيت ونزلت ونطق قفلي الباب وانتبهي لنفسك
هزت غرام راسها ورجع حامد العرس
"قاعة الحريم تحديدا غرفة العرسان"
كانت اصايل جالسه ومتوتره وجاها علم بالي قاعد يصير بالقاعه وبدت تخاف على غرام
ريهام:اهدي ترا نهى ارسلتلي ان غرام رجعت بيتهم
اصايل:وتتركني؟ انا مو مشجعني على العرس ذا كله الا غرام مو مقويني هنا الا غرام اذا غرام مو موجوده انا مارح انزف
جنى:يابنتي صلي على النبي وش الي ما بتنزفين ترا غرام راسلتلي وموصيتني اعتذر لك بدالها وانه تكملون العرس لانها تعبانه ورجعت عادي ترا
اصايل:لا لا مابي دقو عليها
ريهام:ان لله وان اليه راجعون اشبمك انتي ؟ قلبتي نونو تدور على امها اقولك البنت تدابجت مع هند وتشاعفو بالله بتقعد؟ لو انا مكانها طيران بخرج من القاعه وعادي دامها ماحضرت العرس بنسوي جمعه بعد شعر العسل حقك وبندقها احلى رقص ولا يهمك خلاص
اصايل:طيب دقو عليها 
جنى:يارب رحمتك ريهام هاتي جوالي ودقي على غرام
ريهام تنهدت وسحبت الجوال تدق على غرام ونطقت:ماترد
اصايل:ليكون صار لها شي!
جنى:اعوذ بالله منك بسم الله عليها يمكن نامت عادي خلاص وبعدين ذحين بتنزفين قومي حتى ماخليتي غازي يدخل يشوفك حتا
قامت اصايل بصعوبه وبمساعدة خواتها وطلعت وانزفت وركبت السياره وراحت مع غازي اما البقيه كملو العرس وحطو العشا
"عند غرام"
دخلت البيت تروح تاخذ لها شاور تمسح المكياج ولبست بلوزه رصاصيه وبنطلون احمر كاروهات وخلت شعرها الي كان لسى على نفس التسريحه وطلعت وهي لابسه نظارتها تفتح الثلاجه تدور على الريتا الي كانت داسته ولقته واخذته تطلع الحوش تجلس على الفرشه وتحط المشروب جنبها وتنسدح تطالع بالغيوم والنجوم والقمر وتنهدت تنهل عليها الذكريات وتموت من القهر من كل ناحيه ما تدري تلقها من هند ولا من العرس الي خربته ولا قهرها من جاسر الحر الطليق ولا من الي يستناها من عقوبه من جدتها ولا عتاب اصايل لانها ماكملت القعده بالعرس ولا حتى رقصت ولا من دموعها الي خانتها ونزلت  وشهقاتها الي بدت تتعالى كان سبب تافه لكنها كانت مضغوطه وانضغطت الى ان انفجرت وانهارت وهذا الي يصير للكتوم يكتم ويكتم ويكتم وعلى اتفه سبب ينهار .
"قاعة الرجال"
بعد العشاء علطول بدو يرقصون اخر شوط ينهون فيه العرس لكن خالد ما استنى وجاه علم بان غرام روحت واستغرب وقال لجده وتحجج بانه تعبان وخرج يركب سيارته يطلع من العرس يرجع البيت ويدخل يلقى غرام الي انصدمت وقامت وكان وجهها احمر يدل على انها بكت من شوي ونزلت غرام راسها باحراج ماتبيه يشوف دموعها  وقرب خالد لعندها وجلس على الفرشه قدامها وهو لسه بشماغه وكشخته ونطق جمله وحده مليانه حنيه كفيله تخلي غرام تبكي قدامه:ابكي يابوي انتي ابكي
وبالفعل انهارت غرام تبكي تحط يدها على وجهها وكان خالد يتقطع من داخله وده يسحبها لصدره ويضمها لين يدخلها ضلوعه بس مايقدر يكفي ان الي يسويه اصلا ذنب شوفته وعيونه عليها ذنب قعدته معها وسوالفه معها بس وش يسوي ؟ الحب قاعد يجره شوي شوي للغلط وهو عارف بذا
الشي
بعد دموع وشهقات متكرره استمرت لنص ساعه تقريبا ومن خالد الي كان ساكت يبها تخرج الي كل الي فيها ومسحت دموعها ورفعت راسها له وكان وجهها يهزمه يهزمه وبقوه
ونطقت:شكرا
قامت غرام تاخذ عصيرها وتدخل داخل وتروح تنسدح على سريرها اما خالد قام يدخل ويحط شماقه على سريره ويبعثر شعره ويرمي نفسه على السرير يغرق بهواجيسه
"بعد ساعه تقريبا"
كان الجميع بالبيت ويستعدون للنوم وكانت هيله بالمجلس مع غرام تبي تعرف السالفه وما بخلت عليها عرام بالتفاصيل وبعد ما انهت غرام كلامها خرجت تنام ماتدي هيله فرصه حتى
"الساعه 9:16 اليل"
صحت غرام من النوم وما كان احد بالغرفه وكانو كلهم بالصاله متجمعين وفتحت جوالها الي ما فتحته من رجعت تشوف اتصال جنى ودقت عليها من جديد وردت جنى
غرام:الو جنو
جنى:الو بدري تو تشوفين اتصالي
غرام:شسوي مشاغل الحياه
جنى:مشاغل الحياه ولا دقيتيها نومه؟
ضحكت غرام ونطقت:كيفها صولا معليش فركشت العرس شوي بس ما استحملت ولله وقوليلها اني اسفه
جنى:ويهه ياربي ماشفتي كلامها تخيلي ما كانت تبي تنزف عشانتس مب موجوده
شهقت غرام وهي تضحك ونطقت:احلفي
جنى:وربي اقولك بغينا ننجن وش الي ما تبين تنزفين قلنابها كذا و كذا واقتنعت باليالله وحتى غازي ماخلته يدخل يشوفها ما شافها الى بالزفه
غرام:ياربيي درج ذي؟ توقف عرس كامل عشاني مو موجوده! لا لا خليها بس ترجع واوريها الشغل الصح وارد لها عقلها
ضحكت جنى ونطقت:ايه اسمعي عندنا جمعه ببيت نجلاء الساعه عشر بنقعد شوي يعني تقدرين تقولين جلسة تحليل العرس
ضحكت غرام ونطقت:اول جلسة تحليل عرس بدون صولا
سكتت جنى وبدت غرام تسمع شهقاتها وونطقت وهي تضحك:ورعه اشبك هدي ماتوقعت اشتقتيلها كذاا
جنى وهي تبكي وتضحك:ولله اشتقتلها يا غرام لها وحشه تصدقين؟
غرام بصوت مهزوز تبي تبكي بس ماتبي تبين انها تبكي بس كانت مفضوحه تقريبا ونطقت:اي ولله لها وحشها ياجنو لها وحشه
نطقت جنى وهي تتنهد:اخخ يا غرام ريهام من امس وهي راقده وانا داريه انها مو راقده و مشتاقه لصولا وتبي تبكي بس ماهيب بعارفه كيف
ضحكت غرام ونطقت : ياروحي هييي خليها تصبر بس نجي واعطيها احلا هق
جنى وهي تضحك:اقول بعدي عنا انتي وهقاتك المعوقه اعوذ بالله منك انتي واحضانك الله يبعدنا عنها بالله لما تتزوجي كيف
غرام باستهبال:بحضنه لين ينفص
ضحكت جنى ونطقت غرام:يلا بروح اجهز واعلم البنات قدها صارت 9:49
جنى بصدمه:كذابههه الوقت سريعع
غرام وهي تضحك:شنسوي يلا باي
قفلت غرام الخط تقوم تلقى البنات جالسين يلعبون اونو ونطقت:دقت علي جنو تقول الساعه عشره بنروح بيت نجلا بنسوي جمعه تحليل العرس اجهزو بسرعه
نوف:ياز*ق ليه توك تقوليلنا
مشت غرام تسوي سكب لكلام نوف تفتح دولابها تاخذ لها بدي اسود وجاكيت حرير بياقه وازارير وشفاف ولونه بنفسجي ولبسته ولبست جينز  اسود غامق وسوت شعرها ذيل حصان وطلعت غرتها الي وصلت فكها ولبست نظارتها وعبايتها واخذت شنطتها تطلع تجلس بالصاله تلبس حذيانها"اكرمكم الله" وتقعد على جوالها تستنى البنات لين ما يخلصون
"بعد دقايق"
بثينه:خلصنا مشينا حد من العيال بيوصلنا ولا نروح مشي؟
ليلى :لا خايفه اروح بتالي اليول ذي وبيت نجوله  الحاره الي ورانا بعيد شوي
نهى:بلا دلع امشو بس
نوف:لاترا يخوف بنات تكفون نادو واحد من العيال
غرام:تنادون واحد من العيال وانا موجوده؟ معكم ملكة السياقه اقول خلونا ناخذ شاص جدي  وانا بسوق وتوكلنا على الله
ليلى:منجدك انتي؟ انخبلتي ؟؟
بثينه:خلوكم منها ذي خبعه
غرام:اي منجدي ولاني خبعه انا بسوق وثنتين جمبي والبقيه بالحوض
نهى:قدام
بثينه:ايوا وانتي يا نهى تجلسي جنب غرام واحنا؟ تصير ريحتنا غنم ونياق
غرام :اجل وحده فيكم تاخذ مفتاح اخوها ونسري
ليلى:ولله ماروح
نهى:تخسون بوجيهكم اعطيكم وحده من سيارات اخواني
شوق:لاتطالعوني
بثينه:اقول سرينا بالشاص حقت جدي عادي اشبها ريحة الغنم؟
ضحكت غرام ونطقت وهي تحط شنطتها وتفسخ حذيانها"اكرمكم الله" ونطقت:يلا بروح اسرقه واجي
مشت غرام لغرفة جدها وجدتها بشويش وكانو نايمين وسحبت مفتاح السياره بهدوء وخرجت تسكر الباب وراها وطلعت للبنات وكانو يضحكون مصدومين من جرائتها وعدم خوفها
ونطقت نهى:ولله ومانتي سهله يابنت سليمان
ضحكت غرام ونطقت :يلا يابنات سرينا
ليلى:دقيقه ولا مره بعمرك سقتي سياره كيف بتسوقي الحينه؟
غرام:اوف اوف اوف ولا مره بعمري سقت! تراني ماقلت اني ملكة السياقه عبث ناسيه ان جدي كان ياخذني معه لسوق الخضار عشان يونسني ويعلمني اسوق معها؟ نسيتي! اخس عليك يا ليلوه اخس عليك اقولك انا ملكة السياقه ملكتههه
شوق وهي تضحك:لدرجه صدمتي الزباله
ضحكو البنات ونطقت غرام بعباطه واستهبال وهي تضحك:كان عمري 16
نهى وهي تضحك:اقول امشو
مشو البنات غرام ركبت تشغل السياره ونهى وبثينه جنبها بعد ما ازعجتهم بثينه تحلف ماتركب الحوض وركبو البقيه بالحوض وهم كلهم قرف وشغلت غرام السياره وشغلت وحده من الاغاني وكانو يغنون وكمان البنات الي بالحوض معاهم ووصلو لاحدى الكوبليهات وعلو صوتهم بصراخ: