القلوب تعرف من حبها يا غرامي

جزء 30

مامن اللغات فايده دام العيون تحكي .

________________
عوده للحاضر
________________

رفعت غرام راسها عن الشباك من لاحضت وقوف السياره امام البيت 
مصعب:انزلو يا بناتي انزلو
فتحت غرام الباب وهي ماسكه يد نهى يدخلون للداخل ويرقون الدرج يفتحون الباب ويلقون الكل متجمعين
قام جبر مستعجل  وهو ممسك بعصاته ينطق بصوت جاد:فين كنتو؟ البنات خافو عليكم
تقدم مصعب الي توه دخل وخلفه هدى ونطق:كانو معي
هيله:شصار شفيه وجيهكم ما تبشر بالخير
مصعب:خالد صار له حادث
شهقو كلهم ونطقت هيله باستعجال وهي تمسك يد مصعب:وي وشصار عليه؟!!!
هدى:بخير يا عمتي بخير صار له حادث بسيط ونقلوه للعمليات والحمدالله هو بخير بس نقلوه للعنايه المركزه وصار له كسر بيده وكم كسر ثاني ونقدر نزوره بكرا
تنهدت هيله بارتياح ونطق جبر:كل ذا صار واحنا مالنا علم؟!
مصعب:يايبه
قاطعه جبر ونطق:لاتبرر يا مصعب خلاص الموضوع تقفل والساعه اربعه العصر بنروح له زيارة للمستشفى وكلنا بنروح واتمنى ان ما احد يعترض
طلع جبر ينزل للحوش ما يدرون فين بيروح الا ان نطقت هيله:وين رايح يا جبر!
لف عليها جبر ونطق:اتنفس ليه حرام؟
خرج جبر ونطق سعود:روحو نامو ورانا بكرا يوم طويل
وبالفعل مشو جميعهم

______________________________
اليوم الثاني تحديدا الساعه "5:7"
______________________________

جبر بصوت عالي:ياقوم اخلصو تاخرنا
نوف:جايين يا جدي جايين
جبر:عماتس قدهم نزلو وركبو اخلصو قبل لا يخلص وقت الزياره
كانت غرام طالعه من الغرفه  والطرحه على كتفها ونطق جبر:طرحتك يا بنت سليمان طرحتك
ابتسمت غرام بفشله وحطت الطرحه على راسها بعشوائيه ونص شعرها طالع ونطقت:انا بنزل
جبر:يلا ويا نوف افزعي اهرجي للبنات ينزلون
نوف:ابشر
نزل جبر ومعه غرام ونطق :روحي مع سيارة تميم لان عبدالله احنا الرجال بها وتميم معه الحريم
غرام:طيب
ركب جبر لسيارة عبدالله وتحرك عبدالله يسبق تميم ونزلو البنات وركبو مع تميم ولحقو عبدالله

"بعد مده تحديدا امام باب غرفة خالد"
هيله:يلا يا مصعب افتح الباب 
مصعب :ليش انا
جبر:لانك ابوه يا التيس
مصعب:يبه تكفى لاتسب على الاقل مو قدام وراعيني
جبر:كلكم تيوس
فتحت غرام الباب تسحب على الجميع وتحط الورد على الطاوله ونطقت:الحمدالله على سلامتك يا ولد العم بالحديد ولا فيك وذي الورده مننا كلنا
خالد:الله يسلمك
دخلو البقيه ونطق جبر:الحمدالله على سلامتك يا وليدي
خالد:الله يسلمك
مصعب:الحمدالله على سلامتك بالحديد ولا فيك يا بكري
ابتسم خالد ونطق:الله يسلمك
هدى:كيف صار لك كذا ؟!! احتاج شرح مفصلل
هيله:يمه منك يا هدى تحمدي عليه بالسلامه بعدين سوي الي تبيه
ضحكت هدى بخفه ونطقت:الحمدالله على سلامتك يا ولدي
خالد :الله يسلمك
كمال:ترا علقت على الرد مافيه ردود ثانيه؟
ابتسم خالد ونطق بعباطه هدفه يعاند بكمال :الله يسلمك
ضحك جبر ونطق بمزاح:كمال خالد اهجدو لا اسطركم قدام خليقة الله الحين
شمق خالد لكمال وتكتف كمال ونطق مصعب:كيفك يا ولدي تحس بشي يعورك؟
خالد:لا
سكتو جميعهم لثواني وكان خالد يتآمل بغرام وغرام تحاول تتجاهل نظراته الى ان نطقت هيله:بايش تطالع يا ولدي؟
خالد:هاه! لا لا ما اطالع باحد
تقدمت هدى لخالد تحضنه بحب وحنان وطبطب خالد على ضهرها
ودخلت الممرضه ونطقت:للاسف وقت الزياره انتهى 
طالعو جميعهم ببعض ونطق جبر:يلا سرينا ويا خالد انتبه لنفسك
خالد :طيب
مشو كلهم وكانت غرام اخر وحده تطلع وقبل لا تخرج وقفت ولفت ونطقت :خالد
طالع فيها خالد ونطق:لبيه
استحت غرام وتوترت وطارت كل الحروف الي كانت تبي تقولها وبدات تتلعثم ونطق خالد بضحكه:على هونك
ابتسمت غرام ونطقت بصعوبه:على فكره ردي ما كان رفض لك بالعكس
اتسعت عيون خالد بفرحه يفهم من كلامها انها مو رافضته وبالعكس هي موافقه عليه وخرجت غرام مستعجله تلحق البقيه وضحك خالد بفرحه يقوم بقوه ولكن يتالم ويثبت بمكانه وينطق براحه:الحمدالله
"عند غرام"
خرجت غرام وهي وجهها احمر ودخلت السياره بعجله تركب بالخلف وتستند على شباك السياره تتنهد وهي فرحانه ومتفشله بأن واحد
نهى:اشبه وجهك احمر ؟ صار لس شي؟
غرام  :هاهه! لا لا ماصار شي
استغربت نهى من غرام وحست فيه شي بس تجاهلت الموضوع
"بعد يومين "
خالد:ياليل متى يكتبون لي خروج
حمد:اصبر كمال راح يسوي لك
خالد بحلطمه:افف
دخل كمال ونطق:كتبو لك خروج ارتحت؟
رائد:اخيرااا اشغلناا
قام خالد واعطاه عبدالله ملابس يلبسها وبالفعل لبسها خالد ونزلو يركبون السياره يتوجهون للبيت
"عند البنات"
كانو كلهم جالسين بالغرفه ونهى جالسه تمشط شعرها وغرام تنظف ومعها ليلى اما البقيه الي سادحه والي  تتسبح  والي يلعبو جكارو والي بجوالها
دخلت خلود ونطقت :خالد كتبو له خروج يا نهى
فزت نهى تصرخ بفرح وتحضن خلود بلا وعي وبادلتها خلود الحضن ومشت نهى لامها هدى الي كانت خلف خلود تحضنها وهي تبكي وكانت هدى نفس الحاله وابتسمت غرام بفرح تترك المكنسه تتوجه لنهى وهدى تحضنهم وتبارك لهم على سلامة خالد وجميع البنات سوو الي سوته غرام وجا جبر ونطق :يا هيله خالد بالطريق سوو القهوهه والشاهي
هيله:ابشر الحين الشاهي والقهوهه يجهزون
طلع جبر ونطقت هيله:يا بنات وحده منكم تجهز القهوهه والشاهي بسرعه
غرام :انا بسويهن انتو بنات رتبو البيت بايي
ركضت غرام للمطبخ تفتح الغاز وتغلي ماي وتفتح الدرج تطلع الترامس
"عند البنات"
شوق وهي تكنس وتتحلطم:افف الله يبلاك بحمى يا غرام شردت تسوي السهل وتخلي علينا الصعب
نوف وهي تضحك:استغفري ربك يابنت
شوق بحده وبدون نفس:استغفر الله
ليلى:اوففف اخيرا خلصت انا بروح اتسبح وانتي يا بثينوه روحي قولي لغرام دامها بالمطبخ تسوي معها بخور وتبخر باي
دخلت ليلى للغرفه ولحقتها شوق لانها خلصت
ومن بعدها نوف ونهى وضلت بثينه الي كانت تمسح الطاوله ومن خلصت دخلت المطبخ تغسل يدينها ونطقت :يابنت سليمان ليلوه تقولتس سوي بخور وبخري
غرام بحلطمه:ياليل طيب طيب ببخر
بثينه: انا بروح الحوش ارتب المخدات مع السلامه
غرام مع السلامه
طلعت بثينه وضلت غرام بالمطبخ تستنى القهوه والشاهي يجهزون وبالفعل جهزو وصبتهم بالترمس واردفت تحط الفحم على النار وطلعت للصاله تجيب مجمر وتحط الفحم فيه وتحط العود ويفوح ريحته بكامل المطبخ وتشيل الترامس بيد والمبخر بيد وتخرج من المطبخ وهي تغني اغاني الفنان القدير "محمد عبده" وتحط الترامس على الطاوله وتعلي صوتها من توصل للكوبليه المفضل لها للاغنيه وتلف للتلفزيون تشغله وهي ماسكه البخور وتتمايل بشعرها وتغني :