القلوب تعرف من حبها يا غرامي

الجزء 35

رجــل احـلامـي اوفــى بـوعــده ..

وبعد ما خلصت خرجت تشوف البنات وعماتها جالسين بالصالة وكانو يسولفون والبنات قاعدين حول بثينه وكانت بثينه ساكته ومشت غرام لهم وجلست ونطقت:شسالفه؟
سكتو البنات محتارين يقولولها ولا لا 
الى ان تدخلت هيله ونطقت:غرام تعالي يا بنيتي
قامت غرام مستغربه وتقدمت تجلس بجنب جدتها
ونطقت هيله:انتي وبثينه جوكم خطاب 
شهقت غرام ونطقت :مين؟
هيله:بثينه خطبها كمال وبتفكر اما انتي ..
سكتت شوي واكملت كلامها :خطبك خالد
سكتتت غرام ماتعطي اي ردة فعل هي من داخلها ماتدري تفرح ولا تستغرب ولا تعصب لانه ما استنى لين ما تتعافى يده زي ما قالت
حرفيا احتارت
هيله:وش ردك؟
غرام بهدوء مريب:بصلي استخاره واعطيكم الرد
قامت غرام تدخل الغرفه تخليهم باستغرابهم من برودها وهدوئها المريب
"عند غرام"
دخلت الغرفه تقفل الباب وابتسمت ابتسامه عريضه وحطت يدها على قلبها ونطقت : غير متوقعه منك يا خالد
ضحكت بصوت واطي ومشت تاخذ لها شاور سريع وطلعت تغير ملابسها ولمحت فستان امها وشماغ ابوها وعضت على شفايفها وتركتهم واخذت لبستها وقفلت الدولاب ولبست وكان بنطلون كاروهات احمر وبلوفر اسود بقبوع ولبست نظاراتها وجلالها وبدت تصلي
"عند البنات"
كانت بثينه جالسه ومحتاره وقدها صلت استخاره وارتاحت بس ماتدري ليه هي متردده توافق
شوق:يابنت اخلصي موافقه على اخوي ولا لا
بثينه:مدري
شوق:تراك صليتي استخارة مرتين وللحينك ما اديتينا رد قولي موافقه ولا رافضه
ليلى:هدي عليها شوي خليها تفكر
بثينه:خلاص خلاص موافقه.
ابتسمت شوق وحضنت بثينه ونطقت هيله بابتسامه:موافقه ؟
هزت بثينه راسها
وبدت هيله تزغرط وتبعوها الكل بالزغرطه
خلود:بثينه يا بنتي تعالي
قامت بثينه تحضن امها وطبطبت خلود على ظهر بثينه
"عند غرام"
خلصت صلاة وسمعت الزغاريط وعرفت ان بثينه موافقه وقامت تشيل الشرشف وتجلس على التسريحه وهي كانت حاسه بالراحة وموافقه عليه من الاول بس كان ودها تتأكد من نفسها ونطقت بهمس:موافقه
ضحكت تعبث بشعرها ونطقت:بس بسوي نفسي ثقيله وبقعد لين بكرا ما بديهم رد
قامت تسحب احدى دفاترها وفتحت الصفحه وبدت تكتب ونطقت:المهر ابيه
ضلت تفكر ماتدري وش من رقم تختار ونطقت:مية الف ؟
ضحكت غرام ونطقت:لا اوفر طيب 50؟
احتارت غرام ونطقت :قليل علي خمسين اجل ستين ومافيه غيرها خل نشوف يقدر ولا لا
نزلت غرام القلم ونطقت:طيب منين اشتري الفستان؟ واي قاعه اخذ
تنهدت غرام تعبث بشعرها ونطقت :دقيقه باقي الملكه اول حاجه بنملك والعرس بعد شهرين احسن ؟
سكتت شوي ونطقت بتذكر: دقيقه! بعد ثلاث شهور بتبداء الجامعه !! ياربيييي
تنهدت غرام ونطقت:خلاص اكيد بثينه بتكون ملكتها ذا الاسبوع بخلي ملكتي بعدها بيومين او ثلاث ايام وبعدها بشهر العرس وبعدين شهر العسل وبعدين بنكون قدنا وصلنا هنا وبيكون معي شهر اضبط وضعي للجامعه
ابتسمت غرام تنزل راسها تضحك تشوف قد ايش هي متحمسه ونطقت:ابوك يا الحماس الي انا فيه
عضت على شفايفها ونطقت:ليتكم هنا يا امي وابوي تحضرون عرسي
نزلت راسها ونطقت ودموعها بدت تنزل:ابيكم تشوفوني اتزوج واكبر واكون عائله
رفعت غرام رايها تمسح دموعها ونطقت:مو وقت الدموع يا غرام مو وقته
قامت ومسحت دموعها بمناديل وحطت القبوع وخرجت تشوفهم جالسين وعمها جابر وجدها واعمامها كلهم موجودين ويضحكون ويسولفون وبثينه الابتسامة شاقه وجهها
جبر:ايه يا غرام ربي جابك موافقه ولا لا ؟
نطقت غرام بهدوء:لسه افكر
طلعت غرام تنزل تتركهم باستغرابهم من هدوئها
"عند العيال "
كان خالد جالس بتوتر اما كمال مرتاح لان وصله خبر القبول
حمد:غير متوقعه كلكم خطبتو بنفس اليوم
عبدالله:صدق اخر شي توقعته يصير كذا
حمد وهو يدق كمال:ولهان على اختي انت؟ تبي العرس بعد اسبوع بكرا الملكه وبعده العرس يمه منك
ضحك كمال ونطق:مافيه وقت ابيها بسرعه
ضحكو العيال ونطق خالد:عقبالي
كمال:الا ليه خاطب غرام بالذات؟
خالد:وانت ليه خاطب بثينه بالذات ؟
عض كمال على شفايفه وسكت وسكتو العيال كلهم يجلسون بصمت الا ان قام خالد وطلع الحوش
"عند غرام"
جلست غرام بالحوش وهي بتطير من الفرح وتحاول تخفي فرحتها عشان تبين ثقيلة قدامهم وانفجعت من صوت الرجول الي وراها ولفت وشافت خالد الي متكتف يطالعها بصمت ولكن كانت نظراته كلها حب اما غرام احمر وجهها ولفت راسها ونطق خالد: متى بتردين ؟
سكتت غرام ولا ردت ونطق خالد وهو بدا يعصب:لاتتجاهليني
قامت غرام ولفت له ونطقت:مارح اعطيك الرد اليوم استنى لين بكرا ماحد قالك تتجاهل كلامي الي قلته مو انا قلتلك تقدم لي بعد شهر؟ ولا نسيت؟ شوف ملكه بنملك اما عرس مافيه الا بعد شهر
خالد: من كلامك واضح انك موافقه صح؟
تكتفت غرام تلف وجهها للجههة الثاني وكانت خدودها محمره ونطق خالد :قوليها
غرام :خالد! الرد واضح لاتحرجني
خالد:ابي اسمعها منك 
عضت غرام على شفتها ونطقت:موافقه
ابتسم خالد ونطقت غرام:بس مارح اعطي عمي رد الا بكرا فاهم؟ يعني اسكت ولا تعلم حد اني موافقه وزي ما قلت العرس بعد شهر والملكة بعد ملكة بثينه  فاهم!
خالد:شهر! لا كثير اسبوعين تكفي كمال ملكته بكرا والعرس بعد اسبوع واحنا بعد شهر ليه؟
مدت غرام بوزها بزعل ونطقت بدلع:كيفي
لفت غرام تروح تدخل تخلي خالد بهيامه فيها
"عند العيال "
حمد:بصراحه حتنى ودي اخطب
عبدالله:مين بعد من بعد رائد الكل هاج
ضحكو العيال ونطق حمد:لا لا من جدي والي ابيها ليلى احس كذا من اخوها انها محترمه ويعني لما اشوفها احياننا بما انها مو متغطيه بصراحه حلوه فا ابغاها
طالعو فيه العيال بأشمئزاز ونطق كمال:احمد ربك رائد ماسمعك كان قده جلس عليك وكسر يدك
ضحك حمد ونطق:ترا منجدي
تميم:خلاص دامها خربانه خربانه روح بسرعه قول لعمي وجدي
حمد :خايف اروح وحدي وبصراحه فشله ثلاثه يخطبون ورا بعض بنفس اليوم اوفر
عبدالله:اقول حتنى بخطب
كمال:لا ياعيال صلو على النبي مو لعبه هي
عبدالله:وانا صادق وبخطب اختك بعد
طالعوه بصدمه ونطق كمال:تستهبل صح؟
عبدالله:لا ولله ما استهبل ودام ذا اليوم خربان خربان بكملها عليه
قام عبدالله ونطق:باقي صامل على كلامك يا حمد ؟
حمد:اشبك متحمس لا مابي الحين باقي ما خلصت جامعه
عبدالله:يعني انا الي خلصت جامعه اقول امش بس
سحب عبدالله حمد يمشون للصاله وفتحو الباب ونطق عبدالله المعذرة والسموحه بس نبيك يا جدي وابوي واعمامي ضروري
جبر:وش عندكم ؟ 
عبدالله سكت شوي ونطق:دامها خربانه خربانه انا جاي ابي اخطب شوق
حمد بتردد :وانا ابي اخطب ليلى
كانت الصاله بحالة صمت وجا تميم وكمال ورا عبدالله وحمد ونطق جبر:وانت يا تميم معك شي بعد؟
هز تميم راسه بالرفض وجا خالد وراهم مستغرب شسالفه ونطق بهمس لكمال:وش قاعد يصير
سحب كمال خالد ونطق بهمس:اخوك خربها وخطب شوق قدام الكل وحمد سوا نفسه بس خطب ليلى
طالع خالد كمال بصدمه ونطق بهمس:صادق انت!
كمال بهمس:والحاله الي تشوفها قدامك وش الكل يحاولون يستوعبون اصلا
جبر:يالي ماتستحون تونا زوجنا واحد جيتونا اربع!
كمال وخالد وحمد وعبدالله كلكم بيوم يا المشافيح؟؟
نزلو العيال روسهم بصمت ونطق مصعب:لابارك الله فيكم من عيال
جابر:ابك كان استنيتو شوي نخلص من خالد وكمال الي صدمونا جيتو انتو زدتوها 
كانو للحين العيال ساكتين ووقف جبر ونطق :امشو امشو لا بارك الله بعدوكم
خرج جبر ولحقوه عياله والاولاد وقفلو الباب يخلون الحريم والبنات بصدمتهم
هيله وهي تضحك:اغرب يوم بحياتي هو هذا اليوم
قامت تروح لغرفتها تنام ونطقت هنوف وهي تحاول تغير السالفه:خلاص خلونا نروح ننام
هدى:لا الموضوع جدي لازم البنات يفكرون
لفت هدى راسها للبنات ونطقت:فكرو يا بناتي وادو ابأكم الرد مشت هدى ولحقوها اشواق وهنوف
حطت نوف يدها على راسها ونطقت:وش ذي اليله!!!!
بثينه:العيال انجنو رسميي
ليلى:بنات ذحين منجد افكر ولا لا؟
غرام:على كلام عمتي اي فكرو
شوق:حماسس بنتزوج كلناا سواا
غرام:وين الحماس بالموضوع
نوف:صح انتي وافقتي ولا لا
غرام:لسه افكر
شوق:من الحينه انا موافقه صراحه عبدالله كتكوت وحلو وتخصصه له مستقبل وما بقى له الا سنه نقدر نخطب ونملك وبعدين لما يخلص نتزوج  واهم شي زي ما قلت حلو يعني مافيه خوف على وراعيني
ليلى:انتي من كثر ما تنمرني على خلق ربي اشك ان عيالك بيطلعو طبيعيين انا متاكده واحد يشبه القرد والثاني راسه مدعوس والثـ
شوق:اصاااا لاتتفاولين على عيالي
بثينه:تزوجتي اصلا مستعجله على وش
شوق:اشبكم انتو؟ ولله مره فرحانه واحسه يناسبني
ليلى:بنات حمد يناسبني؟
غرام:مندون كلام اي
ليلى:بصلي استخاره اول
مشت ليلى تروح تتوضى
بثينه:اجل انا وشوق قبلنا
نوف:الحمدالله ماحد خطبني
غرام:لاتخافين الدور جايك انتي وتميم
نوف بخجل:لا ويننن
بثينه:شوفو شوفو استحتتت استحتتت
شوق وهي تضحك:قاعده اتخيل شكل اولادكم
ضربتها نوف بخفة ونطقت:اصص انهبلتو انتو مريضات؟
شوق بعباطة:اي
جات ليلى وهي لابسة الشرشف وحطت السجادة وبدت تصلي
"بعد ربع ساعة "
كانت هذي المره الخامس الي تصلي فيها استخارة ونطقت شوق:يبنتي خلاص قولي ما ابغاه وكان اشغلتينا واشغلتي عمرك
تجاهلتها ليلى ونطقت تبداء تصلي للمره السادسه :الله اكبر
ضحكت غرام ونطقت:يابنتي كاننن
نوف:خلوها خلوها مردها بتتزوجه بغت ولا ما بغت
قطعت ليلى صلاتها ونطقت:نوفوه!
نوف:اشبك امزح
تكتفت ليلى ونطقت: اصلا احسني ارتحت فخلاص موافقه
غرام:اخيرا يلاذحينه صرتو كلكم موافقات
شوق:بقى انتييي يلا قوليلنااا
غرام : ما بقوللل لسه افكررر
شوق:يليل المبزره اقول امشو رقدنا ترا بكرا الصبح بنروح نشتري فساتين لبثينه
غرام:توني بطلب فساتين لي انا وليلى ونوف ولو تمتت الطلب بكرا الظهر بتوصل
شوق:يا الخاينات!
غرام:لسا ما تممت الطلب تبون؟
بثينه:حطيلي معك
غرام :طيب
"اليوم الثاني تحديدا الساعه 9 اليل"
كانو كلهم بالفعل جاهزات واتفقو انه ليلى وبثينه وشوق كلهم بيعقدون بنفس اليوم
شوق:يمه بنات اسحب كلامي مابيي
غرام:نعم؟ مابي عقب ما وافقتي؟
نوف:سيبوكم منها نهى واصايل بياجون صح ؟
غرام:اي اشتقتلهم بناتتت
بثينه:كلنا يا غرام كلناااا
دخلت عليهم هنوف ونطقت:بسرعه اطلعو الضيوف كلهم جو
غرام:جايين يا عمه جاين
كلعت هونف وطلعو بعدها البنات يبهرون حميع الموجودين بجمالهم وانوثتهم ورقتهم .
جلسو البنات على نفس الكنبه جنب بعض ونطقت غرام بعمس:بنات احس لما فكرت بالموضوع كلكم خطبتو بنفس اليوم اخغس يضحك وحرفيا سالفتكم بتضل بلسان كل الديره بتكون سالفة السنه
بثينة بهمس:شعليهن عادي
ضحكت غرام بخفه ونطقت بهمس:ليه ما طلبتو شوفه؟
ليلى بهمس:نطلب شوفه وهم قد شافونا؟ اصلا كلنا ثلاث بنخطب وش يخلصون اثنين ويجون الي بعدهم ؟ بتصير نكته منجد
ضحكت غرام وسكتو من جت خلود وبيدها اوراق ونطقت:وقعو يا حبيباتي
توترو البنات ونطقت نوف:مو وقت التوتر وقعو
مسكت ليلى القلم توقع واعطت شوق واعطت شوق لبثينه ومن ذي اللحظه صارت ليلى لحمد وشوق لعبدالله وبثينه لكمال .
"بعد ما راحو الضيوف"
كانو البنات جميعهم بالغرفة واصايل وريه
ام وجنى وشموخ ونجلاء معهم
شموخ:بنات بالله حكوني اشصار مو معقوله كلكم بنفس اليوم!!
نهى:ما بعدت عنكم حتى نص شهر واضطريت ارجع ولما رجعت انصدمت ولا الي صدمني خالد وغرام والمشكله غرام لسى تفكر !! بهبدها يبناتتتت
شموخ:اي ولله ودي اسطرها باقي تفكرين الولد شزين فيه الكل يبغاه ولسى تفكرين؟؟؟؟؟
غرام:يوه بناتت خلاص خلونا ناكل الكيكه
جلسو البنات يتربعون وولا وحده فيهم فصخت فستانها للان
نجلاء:متى بتتزوجون ولا تقولولي ثلاثتكم بنفس اليوم لاني صدق بنهار وباخذها نكتت السنه
بثينه:انا بعد  ثلاث ايام بروح بكرا اخذ الفيتان انا والدلختين الي معي
ليلى:اول شي حدك ترا انتي دلخه معنا ثاني شي بعد التبنه ذي بيومين
شوق:بعد ليلوه باربع ايام
شموخ:حلو يبعالي ثلاث فساتين بروح بكرا اشتريها كلها
نجلاء:ياربي ماصدقت على الله اخلص من دايت عرس اصايل الحين بضطر اسوي دايت لاكثر من اسبوعين ونص! يارب رحمتككك
اصايل:بقول لغازي يوديني السوق فيه فستان يموتت باخذه
ريهام:قبل كنتي تقولي بقول لابوي وامي الحين غازي اخخ يا الزمنننن
ضحكو البنات ونطقت نهى:رائد منفس شكله بيهبد كمال وحمد لان ما كملنا شهر العسل
نوف:ابوك يا شهر العسل الي مره ترا المالديف وكل خلق ربي راحتها اهين ام ذوقه
نهى:قلتله ابي فرنسا قال ماعرفها
ليلى:اوف ما يعرفها مره وحده! كذاب ما يبيها اصلا
تنهدت نهى ونطقت:بس بصراحه ماتوقعته كويسه لذي الدرجه بصراحه طحت ولاحد سمى علي
رمت جنى المخده على نهى ونطقت وهي تاكل وكان كلامها مو مفهوم:كخي ثبن انثي وكـ (كلي تبن انتي وكـ)
بدت جنى تكح وضربت شموخ على ضهرها لين طلعت اللقمه الي كانت ماكلتها ونطقت :اههخخ حلقيي
ريهام:اشربي مويه
اصايل:صح غرام لو مثلا مثلا وافقتي متى بتخلين زواجك؟
غرام:قلتيها اذا وافقت واذا وافقت بقولك اول وحده ارتحتي؟
دخلت هدى ونطقت:غرام تعالي نبيتس شويتين بموضوع
قامت غرام تلحق هدى ويطلعون يجلسون بصالة الحريم ونطقت هيله: وش ردك
سكتت غرام ونطقت هدى:اشبك ساكته
تنهدت غرام ونطقت:ابي الملكه بعد تسع ايام خلونا مخطوبين بس
ابتسمت هدى ونطقت:يعني موافقه ؟
هزت غرام راسها بالموافقه وزغرطت هدى
ووصل زغرطة هدى للبنات وابتسمو البنات يقومون يطلعون وعرفو من وجيههم ان غرام موافقة
________________
شرايكم ؟ كلشي سريع سريع😭
المهم شكرا للي كتبو تعليقات 💗
ومعليش على البارت القصير بعوضكم ان شاء الله
قبلات اسلاميه خاليه من الفتن للجميع🫦🫶🏼
الكاتبه/جوجو ال منصور"ديجور"
(اعذروني على الأخطاء الاملائيه)