أنتي عيونك سالفة سمعتها في ليلة سفر

1

أحبك
وأعترف أنني مهووسة بك ومصابة
بحبك
ها أنا الآن
لا أفعل شيء سوى التفكير بك
رغم الصداع
الشديد الذي يجتاحني الآن
~
~
بالشارع ، تحديداً عند مواقف السيارات
تاخذ خطواتها ريوف متوجهه لسيارتها وبإيدها جوالها تكلم ، تنطق بـ : عطيني شوي واكلمك اوكي ؟ يلا باي ريوف وهي تأشر بإيدها : عفواً ليش قاعد على سيارتي؟
يقوم يستند على السياره وهو يأشر عالسياره ينطق بـ : هاذي سياره مين؟
ريوف بستغراب : سيارتي أنا؟
سعود وهو يأشر على سيارته ينطق بـ : وهاذي سياره مين؟
تنطق وهي ترفع أنظارها لفوق وتسند كفها على سطح سيارتها : وأنا شدراني سياره مين !
ينطق وهو يشرح بإيده : ولما ما تعرفين سياره مين ليش مسكره علي؟
ريوف تاخذ نفس : وأنا شدراني أسفه إذا كنت مسكره عليك ممكن تروح عشان أمشي ؟
ينطق وهو يكرر كلامها يبين مدى إنغثاثه وإستحقارها بالكلام : أسفه وممكن تروح عشان
أمشي ! نص ساعه قاعد أستنى ! متى خلصتي محاضرتك ؟
ريوف : وأنتا شعليك !؟
یکرر سعود كلامها له : متى خلصتي محاضرتك ؟!
تنطق ريوف بحده وشبه أعلى صوت : أقولك لا تطولها وإهي قصيره لا الحين ا أوقف السياره
الحين وما أتحرك
يكرر كلامه لثالث مره وهو يقرب صوبها بخفه : متى خلصتي محاضرتك ؟؟
ترد عليه ريوف وهي تناظر أمامها : مو شغلك
سعود بإستحقار : مو شغلي
هزت راسها بمعنى اي
أخذ خطواته صوب سيارته ينطق مباشرتاً بعد هز رأسها : طيب أنا بدعم لك السياره الحين أدعمها عشان تعرفين إن الله حق وما تسكرين عالناس مره ثانيه
تشتت وهي تاخذ خطواتها تركب سيارتها بإستعجال تنطق بـ : استغفر الله يارب
ينطق وهو يسكر باب سيارته : أطفال
ريوف وبعجله تتوجه هي وسيارتها للبيت ...
~
~
في بيت فهد >
دخلت ريوف وهي معصبه
ام ريوف : السلام عليكم سلمي على الاقل
ريوف وهي تحك جبتها : وعليكم السلام اسفه ماسلمت كنت معصبه
ام ريوف : افا ليه ؟
ريوف : تخيلي ياماما انو أنا بالغلط سكرت على واحد وجيت وهو معصب مره ويتكلم معي بقلة ادب ! يقهر
ام ريوف : يختي معليك منه ، اسمعي عندي لك خبر
ريوف : وشو ؟
ام ريوف : اهل عمك عبد الإله بيجون اليوم لديره ويقولون انهم بيسكنون هنا عندنا
ريوف بشهقه : يعني منار راح تجي !
ام ريوف بضحك : ايوا
ريوف وهي تصارخ وترقص : اوفففف اشتقت لهااا ، الحين شلون انام ؟
ام ريوف : روحي نامي عشان بالليل كل الي بالديره راح يجتمعون تحت عند جدك لان راح يكون زواج بنت عمك اليوم لازم ننزل ولازم تكشخين أبيهم يشوفونك ويقولون ذي بنت مين ! حرفيا صار لك اكثر من 6 سنوات وانتي ماتروحين للعزايم ولا تنزلين ومحد شافك من مده وانتي تغيييرتيييي مره جبت لك فستان حللووو يطيح الطير من السماء من جماله
ريوف : يماما شوفي لو منار مو موجوده كان مانزلت لكن عشانها بنزل بروح انام ، تصبحين على خير
ام ريوف : وانتي من اهل الخير
~
~
الساعه 3 ونص في بيت ال يوسف >
كان الكل ينظف البيت حرفيا كبير وكلهم كانو يعيشون فيه ب أمر من أبوهم
" تحديدا في غرفة ريوف "
ام ريوف : ريوف ريوف اصحي !
ريوف بنوم : يمه نص ساعه وصحيني
ام ريوف اخذت كوب المويا الي على الطاوله وكبته على ريوف : ابشري
ريوف بصراخ : ياماماا ليه تكبين المويا لا تكفين باااررده المويه !
ام ريوف : احسن مين قال لك ماتقومين ؟! اخلصي الكل يتجهز إلا انتي نايمه
ريوف وهي تحك رأسها : طيب ابشري
صحت ريوف وتروشت ونشفت شعرها الي ل كتفها
ريوف نزلت الطرحه من كتفها وربطته على خصرها وهي تهز
ريوف وهي تغني
" اللومه اللومه اللومه
يا حلوه يا مضلومه
دخيل الله ودخيلك شوفي
شوفي الدنيا تناديك "
وكانت تهز كتفها وخصرها بحماس مع الاغنيه
جلست ريوف وحطت ميكبها بالأرض
دخلت ام ريوف وهي رافعه حاجبها : نعم نعم ؟ والتسريحه الي شريتها لك ؟ ليه قاعده بالأرض
ريوف : ياماما أنا احب احط ميكب بالأرض
ام ريوف وهي تعطي ريوف ضهرها ومتوجهه للباب : اوكي طيب اخلصي
قعدت تشغل اغاني ريوف وقعدت تحط ميكب جديد وحلو وبرزت ملامحها بشكل روووعه
وقامت اخذت الفستان الي امها شرتها لها كان لونه احمر عنابي بدون كم وضييق ومبين كل تفاصيل جسمها وفي فتحه من عند الفخذ لبسته وقعدت تتأمل نفسها مع الميكب والشعر الويفي من تحت ولبست عقد الألماس حقها وانحنت تلبس كعبها الفضي وكان شكلها روعه ججمميييلله
التفتت ريوف على جوالها الي يدق من امها : الو ماما
ام ريوف : المعزومين كلهم وصلو يلا انزلي
ريوف وهي ترفع حاجبها : العرس بيكون في قصر جدي ؟
ام ريوف : ايوا
ريوف : اوكي يلا نازله
ريوف وهي نازله بكل أناقتها وهي تنثر شعرها على كتفها وتلتفت تشوف خوالها الي بس تتهاوش معاهم يناظرونها بكل ذهول ومنصدمين انها تغيرت للأحسن والأجمل : ماما فين عماتي بسلم عليهم ؟
ام ريوف : تلقينهم جوا
ريوف تمشي بكل أناقتها وثقتها وجمالها متوجهه لعماتها تسلم عليهم
ام ترف : هلا والله بالزييين كله وش ذا الحلاوه !
ريوف ببتسامة : الزين زينك والله إلا بنتك تروف وينها ؟
ام ترف بتأمل : شوي وبتنزل إلا اقول لك تحصنتي ؟
ريوف : لا والله نسيت
ام ترف وهي تحط يدها على ريوف وقعدت تحصنها
ريوف بعد ماسلمت على كل الحاظرين وبابتسامة وهم يتهامسون يبون يعرفون ذي بنت مين ؟
" وصلت عائلة عبد الإله "
منار وهي تتأمل ريوف وتحاول تتذكر ذي مين
ريوف الي عرفت منار وراحت تسلم على عمها وزوجة عمها ولفت تسلم على منار : منوورري
منار وهي رافعه حاجبها : ريوف ؟!
ريوف بضحك : ايوا شدعوه نسيتيني ؟
منار وهي مُعجبه بشكل ريوف : يخرب بيت عدوك صايره مززيوونه ماعرفتك والله !
ريوف : والله انتي الي محلّوه اكثر من قبل بكل حالاتك حللووه
منار وهي تسحب ريوف : ماشاءالله قصر جدي تغير للأحسن
ريوف : اي والله يجننننن وحتى المزرعه تغيرت صارت تجنننن حق أغنياء والجلسات الي برا ! وكل شي صاير يجننننن جدي غير كل شي وخلا كل شي ررراقيييي جداً
منار : اوففف بالتغير يونس
ريوف وهي تغمز لمنار : ترا جهزت مكاننا
منار بضحك : جلستنا الي بالسطح ؟
ريوف : هالله هالله حطيت سناكات والاب توب حقي ومخدات وبطانيات واشياء تجننن وترا ها بنطقم أنا وانتي بالجايم !
منار : يييوهه جووويييي وأجوائي ! أحبك تفهميني !
ريوف وهي تنثر شعرها على ورا بثقه : أعجبك أنا !
منار : أحب نرجسيتك الزايده
ريوف وهي ترفع حاجبها : أنا ريوف يشيخه نرجسيتي وشخصيتي تكسر الدنيا ! أنا يضرب فيني المثل بقوة شخصيتي
منار بضحك : ماكأننا بعدنا عن بعض نفس شخصيتك وحركاتك الا بسألك خوالك ليه يناظرون لك كذا
ريوف وهي تلتفت تناظر لهم من فوق لتحت : اوف ذولا لو انهم مو اهل امي كان دعستهم
منار : هالله هالله صدق احسهم يفشلون حاقدين عليك عشان شخصيتك قويه ! يبغونك ضعيفه يعني !
ريوف : مدري عنهم ممكن لان جدي غني ؟ وحاقدين علينا عشان القصر ذا !
منار : شكله
جت منيره بنت خالة ريوف وهي معاها عصير وتمشي جنب ريوف جت بتسوي نفسها ماشافت ريوف وتكب العصير على ريوف ريوف وهي تدوس بكعبها على فستان منيره ومنيره تتعثر بفستانها وتطيح والعصير انكب على فستانها الأبيض وكان متوصخ مره ريوف وهي تمد يدها وتهمس لمنيره : لو أشوفك تعيدين ذي الحركات بدوسك احتراما ل امي ولا كان والله وريتك مين ريوف بنت فهد !
منيره وهي تشيل نفسها وحاااقده على ريوف
منار وهي تشمق لمنيره : ووعععع ذي وش فيها !
ريوف وهي ترجع شعرها لورا : شافتني جميله وتبي تخرب فستاني بس ماتدري اني ريوف بنت فهد وبدوسها !
منار بضحك : الصدق ينخاف منك !
ريوف : تستاهل أصلاً ماهزت فيني شعره وحده !
منار : شرايك نقوم نرقص أنا وانتي ونوريهم حفيدات يوسف ؟!
قامت ريوف ترقص مع منار وحرفيًا ما شاء الله رقصها وكل العيون عليها وهي تتمايل بخصرها وترقص وكان كل عيون خوالها عليها وهي ولا همها وترفع ضغطهم برقصها الاحترفي والي الكل يمدح جمالها ولبسها وجسمها وشعرها ورقصها كانت جممييله وكانت ترقص بكل أحترافيه لمحت الي تهاوش معاها في موقف السيارات بس مو متأكده وتقول بنفسها يمكن يتهيأ لها ولا ذا وش جابه عندنا ! ماعرفه ولا يعرفني