أنتي عيونك سالفة سمعتها في ليلة سفر

14

" كل شي بيه يسألني حبيبي عليك
عيوني تشتهي تشوفك
واذوب بلمسة جفوفك
حبيبي من البعد صدق
انا مليت تعال لحضني دفيني
وعوض عمري وسنيني
اموت من الحزن بعدك اذا ما جيت "
~
~
" في المركز "
طلال : سعود
سعود : هلا
طلال : امسك مجموعة المداهمات أنت
سعود : وأنت؟
طلال : أنا راح امسك المجموعة الثانيه مكانهم كبير مجموعة وحده مارح تكفي
سعود : يعني أنا امسك المجموعة الأولى!
طلال : سعود! تبي ترجع زوجتك! امسك المجموعة الأولى وداهمهم!
أبيك تصير مجنون لايدرون من طب عليهم!
دق تحيه سعود : ابشر
طلع لصقر وعبد العزيز
وجا واحد من المجموعة يأخذ أوامر سعود
سعود : تجهزو رح نمشي الحين! وأبي سلاح وابي قناص
عبدالعزيز : شسالفه؟
سعود : أنا رح امسكهم وطلال المجموعة الثانيه
صقر : ما اعطاك المسؤولية هاذي إلا وهو يدري انك قدها
عبدالعزيز : امش وحنا وراك
انطلقو اخر اليل للمصنع القديم
وصلو سعود وعبدالعزيز وصقر وبعدهم وصلو مجموعة المداهمات
كلم سعود واحد من الرجال
سعود : بندخل حنا اول لما أعطيكم أشاره ادخلو
وقل لطلال نفس الكلام ينتضر إشارتنا
: بس هم اكثر عدد وأنتم ثلاثه
سعود : معليك منا اسمع الأمر مهما صار ماتدخلون لين تشوفون الاشاره
دخلو المجانين الثلاثة لمنطقة العصابه وكلهم دمهم يغلي
صقر : كيف ندخل
ناظر سعود للمكان
سعود : نطب عليهم من السطح
عبدالعزيز : كيف نرقى
سعود : كذا
طب سعود فوق شاحنه مكسره ونط على الجدار وتسلق الدرايش لين السطح
ضحك صقر : والله انه مجنون
لحقه صقر ووراه عبد العزيز
سعود : درايش السطح مقفله
قلب عبد العزيز سلاحه وكسر القزاز
عبدالعزيز : اربطو حبالكم وطبو
~
" عند نور "
صحت نور فزت بسرعه
سطام : اقعدي لا ينفك جرحك
نور : وين ريوف!
سطام : في غرفه ثانيه
نور : سويتو فيها شي!
سطام : محد لمسها
نور : أبي أشوفها
سطام : مقدر أوديك لها
نور : وش بتسوون فينا!
سطام : ولا شي
نور : خاطفينا مزهريات!
سطام : هم يبونكم
نور : مسوي طالع منها أنت!
سطام : هاذا مو شغلي! شغلي سرقه تهريب ما قد خطفة بنات!
نور : والي تسوية ترا مب أهون من الخطف!
سطام : خلاص أنا ساعدت أختك عشان تدافع عن نفسها ورح أطلعكم من هنا
ناظرت له نضرات شك نور : كيف اوثق فيك؟
سطام : تبين تطلعين انتي وأختك ولا لا؟
نور : شف أنا زوجت عبد العزيز لو خنت ثقتي مارح افكك !
سطام : يا بنت الحلال مارح أخون ثقتك
طلع وتأكد محد قدامه
كانت تمشي وراه وهي متوتره
سطام : امشي بشويش وامسكي جرحك
نور : معليك امش انت
سمع سطام صوت احد جاي رجع ورا نور وطلعت منيره
منيره : صحيتي شوفي من جات عشانك
طلعت وراها لمار
نور : لمار! انتي مو مجنونه زيها! ليش انتي معها هنا أصلاً!
دزت منيره لمار بكتفها
لمار : انتي خربتي حياتي خذيتي عبدالعزيز! وهو قتل اخوي! أكرهكم اثنينكم! بس الحين كلكم تحت رحمتنا
نور : انتي أصلاً تحبين عبد العزيز؟!
لمار : اي قبل ماتجين انتي وأختك وتخربون كل شي
منيره : وين ماخذها؟
سطام : نواف قالي أحطها بغرفة غير يبون الغرفه ذيك
منيره : ليش مهي مربطه!
سطام : عشان جرحها لازم تمسكه وهي تمشي
منيره : اها خلاص ، بروح اكلم نواف ذا بسالفة الفلوس
تنهدو سطام ونور
نور : يمه تعرف تمثلللل
سطام : موهبه خذيتها بسبب التهريب
نور : اهم شي ما تمثل علي
سطام : يليل خلاص يا بنت شوفي هاذاك غرفت ريوف
نور : مره بعيده!
~
دخلو الثلاثه وسعود على اتصال مع طلال الي وصل اول مادخلو
سعود : تفرقو اي واحد يطيح يكسر جهازه عشان ندري
عبدالعزيز وصقر : تم
تفرقو وعبد العزيز يسمع صوت تخبى ورا الجدار وهو يسمع منيره
منيره : اخخخ كل شي مشى تمااام
وسمع عبد العزيز صوت لمار وانصدم أنها معهم لمار : احس كذا كفايه نرجعهم
منيره : ويين تو مابديت فيهم اخيرا ريوف بين يديني تحت رحمتي
لمار : خلاص كسرتيهم وتشمتي فيهم وش تبين فيهم بعد!
منيره : اول شي مقدر أرجعهم كذا الموضوع مو سهل ثاني شي الوضع عاجبني بعدين لا ترفعين صوتك علي
سكتت لمار وهي خايفه من الي بيصير
انجن عبد العزيز وطلع وسكر فم منيره ولمار ودفاهم على الجدار
عبدالعزيز : ماتوقعت انك مع الخسيسه ذي يا لمار قسم لو ماني رجال كان كسرت ضلوعكم
انصدمت لمار بوجود عبدالعزيز الشخص الي حبته وحبها الحين يهددها بكت لا ارادياً وهي تشوف نضرات الكره لها في عيونه الي كانت تحبهاحاولت منيره ترفسه بس هو ثبتها
عبدالعزيز : وين نور!
ضحكت منيره بجنون : انفتح جرحها مره ثانيه وغيرو غرفتها
حس عبدالعزيز بدوخه من قوت الخوف الي جاه : وينهي!!
منيره : ما ادري دورها
عبدالعزيز : امسكهم!
طلع صقر من مخبأه ومسكهم وربطهم وحطاهم في غرفه
وراح عبدالعزيز ومعه صقر يدورون نور وريوف
كلمهم سعود من الاسلكي : لقيتو شي؟
عبدالعزيز : لقينا لمار ومنيره وقفلنا عليهم وحده من الغرفه
سعود : الملعونه جايبه لمار بعد
صقر : سعود امسك احد واستجوبه
سعود : تم
عند سعود في الدور الثالث كان في رجال معه سلاحه متوجه لاحدا الغرف سحبه سعود لوحده من الغرف وجه سلاحه على رأسه
سعود : اجلس على الأرض وارم سلاحك بهدوء
نفذ الرجال كلام سعود
سعود : وين المخطوفات
: أنا حارس ماني منهم
سعود : انت حافظ هاذا المكان وين ممكن يحطونهم
: اضن حطوهم في غرفت المؤنه لأنها غرفه حديديه وتحجب الصوت
سعود : وين
" عند ريوف "
كانت ريوف تبكي من الخوف وتحاول تهدي نفسها سمعت صوت فتح القفل
دست الخنجر ورا ضهرها ودخل عمر
عمر :صاحيه؟
ريوف : مهبول انت كيف انام هنا !
عمر : معليه
ابتسم بخبث وقرب منها
بعدت عنه لين لصقت بالزاويه
عمر بخبث : شفيك تبعدين قربي!
مسك ذراعها وسحبها له وهي طلعت الخنجر وطعت كتفه
طاح على الأرض وهو يصارخ ماسك كتفه قام بعصبيه
مسك معصمها ورفع ذراعها وأخذ الخنجر منها
قرب منها
جا سعود بجنون ورفس الباب الحديد
فتحه ولقى عمر ماسك ريوف
انجن سعود سحبه ورجعه ورا وجا بينه وبين ريوف
عمر بضحك : انت سعود والله من هين يارجال
سعود : أوريك كيف تضحك
رمى سعود جهازه لريوف
سعود : اكسريه!
ريوف : بس كيف...
سعود : اكسريه بسرعه!