أنتي عيونك سالفة سمعتها في ليلة سفر

12

عسى النصيب يصيب وأشوفك حلالي
~
~
" في القصر "
راحو المعازيم تقدم سعود لريوف : لبسك ذا ماني راضي عنه ترا !
ريوف بعناد : جوي جوي العناااد
سعود وهو يحاوط خصر ريوف : عشقك العناد وانا عشقي انتي تعرفيني ما امسك اعصابي ياريوف !
ريوف وهي تقرب وجهها من وجه سعود : انا ريوف بنت فهد ياسعود يكون بعلمك
سكت سعود : اعرفك زين يا بنت فهد
ريوف وهي تقرب اكثر وتلعب ب اعصاب سعود وبحركة سريعه بعدت عن سعود بضحكة : اعشق الي يعرفوني
سعود : ياخي اقسم بالله انك وصخة تلعبين ب أعصابي وتضحكين ؟
ريوف وهي ترجع شعرها لورا : ريوف بنت فهد شعرفك ؟!
سعود ببتسامة : روحي روحي لا تخليني اتهور فيك يا بنت فهد
ريوف وهي ماره لفت على سعود : ياولد عبد الإله
سعود ببتسامة : عيونه
ريوف : جدي يقول بتوديني للخيل
سعود رفع حاجبة : عسى ماشر من متى تركبينه؟
ريوف : يووه صار لي شهر ونص وانا اتدرب فيه كل مارجعت من الجامعة !
سعود : ايوا ؟
ريوف : عندي مُسابقة بعد اسبوع او شيء قلت اعطيك خبر
سعود : تمام
" في غرفة ريوف "
دخلت ريوف : عسى ماشر شفيكم متجمعين ؟
العنود : ااء نور مختفية ومنار مالها حس
ريوف : منار في الجلسات ؟ ونور وينها
العنود : ما ابي اخرب عليك لكن صارلنا ساعة ندق عليها اخر شيء جوالها طايح في غرفتها وانتي تعرفينها ياريوف ماتعيش بدون جوالها
ريوف بخوف : محد يعرف وينها ؟
العنود : لا
دخلت ريوف الحمام وانتم بكرامة وهي تغير لبسها وحتى ما مسحت ميكبها ركضت لمنار
" في الجلسات الخارجية  "
ركضت ريوف لمنار : مناار
منار بتوتر : هلا هلا وش
ريوف : منار انتي ماتقعدين في الجلسات الا اذا فيه مصيبه وين نور ؟
منار وهي تشتت نظرها عن ريوف : طالعة مع عبد العزيز شوي وبيرجعون
ريوف وهي ترفع راس منار : ناظري بعيوني وقولي كلامك ذا يامنار
منار بدموع وهي تضرب راسها : والله كانت تعبانة ومابغيت اخرب عليكم رحت قلت لعبد العزيز كانت تستفرغ دم كانت تستفرغ دم وكانت تعبااانة !
ريوف وهي تحضن منار تهديها : قولي بسم الله ان شاء الله بخير بتكون بخير اعرف نور انا اعرفها اعرفها قوية بتصمل تلقينه شيء بسيط ماعليه سهالات
منار وهي تبكي : عبد العزيز
ريوف : وش فيه
منار وهي منهاره : مايرد علي وراح للمستشفى بسرعة جنوونية خايفة عليهم والله
ريوف : بدق على عبد العزيز انا وبعرف منه السالفة انتي الحين روقي مو زين عليك الضيقة والبكي !
منار وهي تمسح دموعها : طيب
ريوف وهي تبعد عن منار وتتصل على عبد العزيز : الو؟
عبد العزيز : هلا
ريوف : وين نور؟
عبد العزيز : معي موديها مشوار وبرجع
ريوف : عبد العزيز بلا كذب عاد وشفيها نور
عبد العزيز : منار قالت لك ؟
ريوف : اي قالت لي وشفيها اخلص
عبد العزيز : فيها نزيف حاد بالمعده
ريوف : لا تقولها !
عبد العزيز : والله للاسف
ريوف : والسبب ؟
عبد العزيز : نوع من انواع الاورام هو السبب بالنزيف
ريوف : طيب انتم ب اي مستشفى؟
عبد العزيز : لحد ييجي !
ريوف : عسى ماشر خير
عبد العزيز : ريوف لا تجين ابدا وامسكي منار هديها وخليها تنام واذا احد سالك عن نور قولي له مع عبد العزيز طالعين مشوار وبيرجعون ، وقولي لهم لا ينتضرونا
ريوف : تمام اذا صار شيء دق علي
عبد العزيز : ابشري
" في المستشفى "
طلعت نور
الدكتور : الانسة نور بنت فهد ، هي حاجتين لا اكثر يا مُحاولة انتحار او بالغلط
عبد العزيز : لا بالغلط اكيد مُستحيل بتنتحر
الدكتور : بكتب اصابة بالاوراق
عبد العزيز شكرا يعطيك العافية ، وين ودوها ؟
الدكتور : وودوها غرفة الافاقة
عبد العزيز : يصير ادخل ؟
الدكتور : اكيد زوجها تقدر تدخل
عبد العزيز : في اي غُرفة ؟
الدكتور : غرفة رقم 23
عبد العزيز : يعطيك العافية
الدكتور : وياك
دخل عبد العزيز لُغرفة 23
شاف نور وجهها شاحب وتعبانة ونايمة من المُخدر
عبد العزيز تقدم وهو يجلس على رجوله عند نور مسك يدها وهو يبوسها : آسف يا ابوي انتي انا ادري الغلط علي وانك ماتبيني صدقيني لو بيدي شيء بسويه بس مابيدي شيء وانا ما ابي اظلمك معي والله
بعد يوم صحت نور ورجعت للقصر ومحد درى غير ريوف ومنار وصقر بس شاك
~
{ في مكان مهجور فيه عصابة }
منيره : ها شصار على موضوعنا ؟
نواف : شوفي من الحين اقولك ترا الموضوع كبير الفلوس جاهزه ؟
منيره : الفلوس جاهزه وكلّ شيء متى تبدون ؟
نواف : متى ماتبين
منيره : ابغاه اليوم بالليل !
نواف : انتي تعرفين أن سعود قوي وبرضو الحين هو من المباحث اي شيء يصير مُمكن يعرفون مكاننا ويداهمونا واحنا مكاننا كله مُخدرات وفوقه بنكون مسوين خطتنا يعني عقوبة قوية وممكن مُابد
منيره : وين سعود ذا غبي توه داخل ترا ماصار له الا ست شهور توه مُبتدى
نواف : زين زين
لمار : نبغى نفس الي قلناه لك
نواف : ماعليك خلي الموضوع عندي
منيره جت بتطلع نواف وهو يناظر : هيه انتي الفلوس !
منيره : ماني سراقة الفلوس تجيك اول ماتسوي الخطة
نواف : اول ماتصير الخطة تعطيني اياها ولا والله ماتسلمين مني !
منيره : اوف خلاص قلنا بعد الخطة تجيك الفلوس لين عندك
نواف : زين
~
" في القصر " وتحديدا عند نور
ريوف : نور
نور : هلا؟
ريوف : وش سبب النزيف؟
نور بتوتر : مدري ورم اي اي ورم
ريوف : نور
نور : نعم
ريوف : متاكده ورم ؟
نور : اي ذا الي قاله الدكتور
ريوف : لو يطلع شيء ثاني ياويلك
نور : شدعوه مافيني شيء ترا
{ مرور زمني }
" بالليل في القصر "
فزو كلهم من انقطع الكهرباء عليهم
سعود : وش السالفة؟!
عبد العزيز : بروح اشوف البنات
اصوات رصاص عاليه تنطلق حوالينهم
سعود بستغراب : وش هالاصوات
عبد العزيز وهو ياخذ سلاحه : سعود بسرعه !
سعود وهو ياخذ سلاحة ويلحق عبد العزيز اللي راح لقسم الحريم
" عند الحريم "
ريوف : يمه وش ذا الاصوات الي قاعده تتصقع !
صرخت نور بخوف من حست بشخص يمسكها بقوه
لفوا انظارهم لناحيتها بسرعه وام ريوف تحاول تبعد الشخص عنها
صرخت نور بخوف : ابعد عنننييي !
لف الفلاش ع وجهها وهو يشيلها : وين ريوف بنت فهد !
نواف بغضب وهو يصرخ : ويين بنات الفهد !!
شهقت ريوف بخوف نواف لف لها من حس بشهقتها وسحبها قام رفعها فوق وشالها : امشوو !
لفوا عبد العزيز و سعود وهم يشوفون اربع رجال يركضون للباب وعلى كتفهم بنتين
صرخ عبد العزيز بغضب : اتركهم !!
قرب سعود بيطلع الا الرصاص الي ينرمي حواليهم : حيووواننن !
ضرب عبد العزيز كتف سعود بقوه وهو يشوفهم يبتعدون : بسرعة !!
ركض عبد العزيز وهو يحاول يلحقهم وسعود خلفه
بعدى عن القصر كثير وهم يحاولون يلحقونهم بالسياره بدون فائده ،
طاح على الارض وهو يضرب سلاحه بالارض بغضب
سعود وهو يركض بسرعه لناحية القصر
دخل سعود عندهم وهو يشوفهم يبكون
سعود باستغراب وهو يشوفهم كلهم موجودين : من اللي كانت معاهم اجل !
منار وهي تبكي : ريوف ونور!
سعود بخوف وعصبية ركب سيارته وساقها بسرعة جنوونية
~
" عند ريوف ونور بالسياره "
ريوف وهي جالسة ترفسهم صرخت من سُطام وهو يرجعها للمقعد
لف سُطام وهو يرمي عليها العبايه : البسيها !
جلست ترفسهم ريوف : انت وياه يالكلاب تدرون انا بنت من !
عُمر بسخريه : بنت فهد ال غبية !
رفسته برجلها ع وجهه : ابعد عني يالكلب ! انا ريوف بنت فهد تعرف شمعنى هالاسم !
عُمر وهو يشوف الدم من وجهه من قوة رفستها اللي كسرت وجهه : امسكها يا سُطاام لا تصير مزهريه عندي !
شد سُطام قبضته عليها وهو يرجعها للمقعد غصب
مسك المنديل المخدر وهو يتألم من ضربها جلست ترفس فيه لين حس با انها ارتخت عظامها
عُمر وهو يمسح الدم الي بوجهه : حشى مب بنت !
سُطام : هذي هي زوجة سُعود !
عُمر : حلوه بنت الذينا
سُطام : وذولا وش يبون فيها
عُمر وهو يناظرها : منيره ولمار يبونها هذا اللي فهمته !
سُطام : هييه !
عُمر : حلووه طيب !
رفسه سُطام وهو يبعده ويحط العبايه على ريوف : قم لا اكلم نواف !
زفر عُمر وهو يرجع لمكانه يكلم سُطام
سُطام : والثانيه غريبه ما صارت زيها ؟!
عُمر وهو يناظر لها : هي مُغمي عليها ولا يتهيا لي !
سُطام بخوف : مدري ! نواف يبيهم سليمااااتت
عُمر وهو يقرب من نور ويشوفها ماتتحرك وماسكه بطنها رفع البلوزه على مكان الجرح : البببنت مجروحة ! الجرح انفك
سُطام : يخررربب بيتك تلقى انه بسببنا ! يوم اننا صقعنا فيهم
عُمر : نوديها لمقرنا ونجيب لها دكتور نواف الخاص
سُطام : اخاف تموت ! نواف يبيهم حيات يُرزقن
عُمر وهو يسوق بسرعة جنونية : خلنا نوصل ونشوف وش يصير