أنتي عيونك سالفة سمعتها في ليلة سفر

6

ما تمنيتك لانك كنت
ابعد من خيالي ماخطر
في بالي مره اني ممكن
أوصلك كنت أشوفك مثل
نجم في السماء ساطع
وعالي يا بعيد وجابك الله لين عندي وصلك .
~
~
" عند البنات "
ريوف : ابعدي لو سمحتي وين المساحه الشخصيه ؟!
منار تقدمت وحضنت ريوف : افا تبعديني ! بعدين انقلعي هالايام ساحبه علي ياحيوانه !
ريوف بضحك وهي تبادل منار الحضن : شدعوه منور انتي عيوني
منار وهي تنسدح على فخذ ريوف : العبي العبي بشعري من زمان عن حركتك ذي
ريوف وهي تلعب بشعر منار : منور ؟
منار : عيون منور انتي امريني ؟
ريوف بضحك : وشرايك نروح الملاهي ؟
فزت منار بصدمه : عيدي عيدي ؟ والله م اروح لو تنقص رجلي وخاصه معاك مستحيييلل
ريوف : شدععوووه منور ترا مادريت انك ماتعرفين تلعبينها
منار : اممم طيب وشرايك نروح لدبابات او نروح للخيول او نروح للسينما ؟
ريوف : اممم ابغى الخيييووولل
منار وهي تناظر لريوف : تعرفين تركبينها ولا تورطينا ؟
ريوف : الصراحه معرف لها مره لكن خلنا نروح نتعلم ! مو كل شخص يصير خيال فجاه صح ولا لا
منار وهي تبوس خد ريوف : امم تم لكن اول شي قومي تجهزي عشان تروحين لجامعتك
ريوف : يوووه ننسييتها يلا بقوم واتجهز قولي للخدم يجهزون فطوري
منار : ابشري يلا
قامت ريوف وتروشت ولبست وسوت شعرها وفطرت
منار ببتسامه : وش هالزززييين يادكتورتي ؟
ريوف : أحبك منورري ، سجلتي بالجامعه ؟
منار : اييي
ريوف : ييونسس وش تخصصك ؟
منار : محامية
ريوف بفرحة : حبببيييت يدي تداوي ويد تدافع
منار : يلا يلا على جامعتك لا تتأخرين
ريوف وهي تلتفت : اوف تذكررت
منار : وش ؟
ريوف بتحلطم : نسيت اودي سيارتي للورشه اوف
منار : سهالات خلي نور توديك
ريوف : صح نور قامت ولا باقي ؟
نور : صباح الخير
ريوف وهي تلتفت لنور : لو اني طالبة المليون ابرك
نور بضحك : اقول بلاش دلع بوصلك لجامعتك يلا
ريوف : منور قولي لصقر يودي سيارتي الورشه إذا جاء
منار : ابشري
نور : ترا اخرتيني على دوامي بسرعه امشي
ريوف : اقولس انتي هيه علامس علي ؟
نور بضحك : عيدي عيدي ؟
ريوف : اقولس علامس علي !
نور : امشي امشي لا ارنك بالشنطه الي بيدي
~
~
" في الجلسات الخارجيه "
منار : عزوز
عبد العزيز : لبيه ياعيون عزوز امريني ؟
منار : أبغاك توديني للاستطبل حقنا
عبد العزيز : تبشرين ، بطلع مع العيال اليوم بالليل وبكرا نروح يصير ؟ ولا براحتك إذا تبين اليوم تبشرين اترك الطلعه والعيال لعيونك كم عندي منور أنا ؟
منار وهي تبوس راس عبد العزيز : أحبك عزوز لا اطلع مع العيال وبكرا يصير خير انتبه لنفسك ها لا أوصيك
عبد العزيز بضحك : تبشرين والله وانتي بعد انتبهي لنفسك
" عند العيال الساعه 8 الليل "
حمد : خلصتو نمشي ولا باقي
عبد العزيز : يلا مشينا مشينا
ركبو العيال وتوجهوو لبرحة بععييدده عن بيتهم
سعود : يويلي ويلاه كل ذولي جايين عشان يشوفون عبد العزيز وحمد وهم يفحطون ؟
عبد العزيز بضحك : ياساتر ياساتر أنا عبد العزيز بن عبد الإله اكيد كلهم يصفوون قدامي
سعود : والنعععممم انتبه لنفسك لا أوصيك
عبد العزيز : لا توصي حريص
ركب عبد العزيز وحمد السياره
حمد : يلبيييه وناسه من ززماااننن مافحطت آخر مره ايام الثانوي
عبد العزيز : اربط حزامك يلا بنبداً
ربطو حزاماتهم وبدو يفحطون
حمد : كفوو اسررع أسرع اكثر
عبد العزيز بفرح وهي يدوس على البانزين ويسرع ويفحط يمين ويسار
حمد وهو رأسه يمين ويسار : رجيت راسي يارجال فحط زين
عبد العزيز بضحك : ذي البداية لا تخاف تونا
حمد بصدمه : هيه انت اهجد كل ذا وتونا مابدينا !
عبد العزيز وهو يسلك لتحلطم حمد ويسرع والعيال يشجعونه
كان يفحط عبد العزيز ب احترافيه جااهللل تماماً سيارته الي قاعده تولع من تحت
وقف عبد العزيز ونزل حمد : ابك والله توبه اركب معاه
سعود : الععبعبببب تفحيطك فناننننن
عبد العزيز : ذا خو ا ف
ركضو العيال لسيارة سعود الي اشتبت نار وعبد العزيز بداخلها
سعود : عبد العزززيييززز ! تكفى كلمني رد عليييي رد عليييي عزوزززز! وش هالمزح لا تمزح معي اصحى كلمني رد علي ياولد ! رددد !
صقر وهو يبعد سعود : سعوددد ااببعددد خل الولد يتنفس
سعود : طلعوووههه طلعوووهه من السياره
فزو العيال وطلعو عبد العزيز من السياره ووصلت سيارة الإسعاف
الممرضه : بس واحد يركب مو كلكم
سعود : انااا بركب معاه أنا ذا اخوي !
صقر : بسرعه ياحمد اركب بسيارتي خلنا نلحقهم للمستشفى
فز صقر وركب السياره هو وحمد مستعجلين وقعدو يلحقو سيارة الإسعاف
~
~
" في الكوفي "
ريوف : نورييي
نور : عيونها ؟
ريوف : اسمعي دامك تحبين الخيل ودي تعلميني عليه
نور بضحك : تبشرين والله بعيوني
ريوف : إمم ابي خيل لي خاص
نور : ابشري عاد توني شاريه واحد جديد كنت ببيعه بس والله حلو مره
ريوف بضحك : إمم بسميه مُلهم لانه بيكون إلهامي بهالدنيا
نور ب أعجاب : واو الاسم أسطوري تصدقين مره حللووو
ريوف : اسمعي بكلم صقر بشوفه ودا سيارتي ولا ؟
نور : يلا
ريوف وهي تدق على صقر : الو يانظر عيني ؟ وينك
صقر بصوت مبحوح : بالمستشفى
ريوف شهقت : وش تسوي بالمستشفى فيك شي ؟
صقر بحزن : لا الحمدلله كلنا بخير ، بس عبد العزيز سوا حادث وهو الحين في العنايه المركزه
ريوف بصدمة : عبد العزيز ؟ منور تدري ؟ احد يدري ولا بس انت؟
صقر : محد يدري
ريوف : في اي مستشفى انتم ؟!
صقر : في مستشفى *** لا تجين
ريوف : طيب ومنور ؟! اكيد بتدري لازم أنا اعلمها واكون جنبها
صقر : نصيحه ريوف لا تجيبينها لا تجيبينها عبد العزيز كله كسور وجروح وحروق تكفين لا لأ تجون
ريوف بصدمة : والبنت ؟ منور مستحيل تنام بدون اخوانها يرجعون البيت من بعد وفاة أبوها !
صقر : ريوف حاولي تلهينها على الاقل اليوم مايصير تجي ابداً
ريوف بضيق وتفكير بمنار : طيب انتبه لنفسك
نور : وش السالفه وش فيها منار وش قاعده ترطنين مافهمت ولا شي
ريوف بضيقة : عبد العزيز سوا حادث
نور : ايش ؟ تستهبلين ؟!
ريوف : والله
نور : ياعمري على منار ! وعمتي اخ
ريوف : مشينا مشينا البيت حاولي ماتبينين لهم
نور : طيب يلا امشي
~
~
" في الجلسات الخارجيه "
دخلت ريوف ونور
ريوف : منور وش مجلسك هنا ؟ والجو بارررد؟
منار تنهدت بضيقه : عبد العزيز وسعود مايردون علي ؟ وهم مايكمل اتصالي ثانيه إلا رادين
ريوف تلعثمت : تلقين ماعندهم أبراج او طفى جولاتهم ؟
نور : إي أنا داقه على صقر ويقول المكان الي بيروحون له مافيه أبراج ف يعني لا تحاتينهم
منار : طيب خلاص بقعد هنا انتظرهم يرجعون
ريوف : منور قومي معي لا تقعدين هنا
منار : لا بقعد هنا
ريوف : منور ! اقولك قومي
قامت منار وراحت لغرفتها وراحت ريوف لغرفتها
نور : ريوف اسمعي ادخلي محاضرتك الي عن بعد وبعدها روحي شوفي منار لا تخلينها لحالها
ريوف : تمام وانتي نامي عشان دوامك ترا بدري بكرا
سوت ريوف لها قهوتها وقاعده تحضر محاضرتها
" بعد نص ساعه "
دخل صقر متوجهه للمشب بياخذ أغراض عبد العزيز وسعود
اخذ صقر أغراض عبد العزيز وسعود التفت للجلسات ومشى بهدوء اتجاهها
صقر بصوت خفيف : اوف ياريوف وش قلت لك أنا !
نزل صقر فروته الي عليه وغطى منار الي ترجف من البرد و نايمه في الجلسات تنتظر اخوانها
صقر وخر شعر منار عن وجهها المحمر من البرد
صقر وهو يدق على ريوف : ريوف ! انزلي الان وخلي منار تدخل داخل الجو بارد ! والبنت واضح انها تعبانة عطيها شي حار او شوربا
ريوف وهي تضرب جبهتها : اوف كيف راحت عن بالي والله كنت بالمحاظره نسيييتها
صقر : تعالي قوميها وخليها تدخل جوه
~
~
" في المستشفى "
دخل صقر وتوجهه للعيال : سعود خذ الفروه حقك تغطى فيه الجو بارد وانت ياحمد بعد تغط بفروتك
حمد : وين فروتك انت ؟
صقر : نسيتها بالبيت ماعلينا انت ياسعود علامك ماترد على البنت ؟!
سعود : مين ؟ اساساً جوالي مو معي
صقر : منار تتصل عليك وماترد عليها جوالك وينه
سعود : يوه منار تلقاها الحين خايفه علينا أنا كيف نسيت م ارد عليها
صقر : جوالك بسيارتي ؟
سعود : لا بسيارة حمد وسيارة حمد في البرحه ، عطني جوالك ياصقر خلني ادق عليها اتطمن
صقر : سم خذه
اخذ سعود جوال صقر واتصل على رقم منار
ريوف : صقر ؟ شعندك داق
سعود رفع حاجبه بستغراب : جوال منار معك ؟
ريوف استغربت من الصوت : سعود ؟!
ابتسم سعود غصب عنه على الصدفه الغريبه : اي سعود منار وينها ؟
ريوف : منار نايمة عندي
سعود : تمام لا صحت خليها تدق على جوال صقر وبكلمها
ريوف : وجوالك وينه ؟
سعود : سالفته سالفه بس مو معي
ريوف : تمام بغيت شي ؟
سعود : سلامتك