أنتي عيونك سالفة سمعتها في ليلة سفر

7

اغلى منك مالقييت
ولا ودي القى
لو تحببك الدنيا بأهلها
م يحبك احد
كثثرري
~
~
" في غرفةً ريوف "
قفلت الخط ريوف وحطت جوال منار على الطاوله ناظرت في منار الي نايمة تقدمت ريوف وغطت منار باللحاف : استودعتك الله ياروح روحي
حطت ريوف بطانيه لها بالأرض وخلت منار تنام على السرير طفت النور راحت اخذت لها شاور ولبست شورت وبلوزه سوداء وقصت شعرها لكتفها وسوت لها شاهي لها ول لمار
" في الجلسات الخارجيه "
لمار فزت : يساااتررر ! قصيتي شعرررك ؟
ريوف بستغراب : اي ليه؟ ترا ماكان مره طويل كان لتحت أكتافي بشوي
لمار : مدري مدري بس حلو شكله
ريوف بضحك : جبت لك شاهي يحبه قلبك
لمار : يلبيييه بشغل الحطب
ريوف : بساعدك دقيقة
شبو النار وقعدو يسولفون لين اذن الفجر وصلو ونامو
~
~
" في المجلس "
ام منار : هلا ؟ مين معي ؟
الممرض : انتي والدة عبد العزيز بن عبد الإله؟
ام منار : اي ، وش فيه ولدي ؟ وينه
الممرض : ولدك في العنايه من امس سوأ حادث ماقدرنا نوصل لكم إلا قبل شوي لقينا ارقامكم
ام منار بصدمة : ولدي ؟ ولدي متاكد ؟ في اي مستشفى؟!
الممرض : في المستشفى ***
ام منار قفلت الخط ولبست عبايتها وهي طالعه
منار : يمه وين رايحه ؟
ام منار تلعثمت : بروح شوي وارجع
منار وهي تمسك يد امها : يمه اقولك وين رايحه اخواني فيهم شيء وجهك ليه اصفر ؟!
ام منار : عبد العزيز
منار بستغراب : وش فيه عبد العزيز ! يمه وش فيه
ام منار بحزن : بالمستشفى
منار بصدمة : يمه مو وقت مزحك ! تكفين قولي لي وش فيه اخوي
ام منار : اخوك امس سوا حادث
منار وهي تحس بدوخة
ريوف وهي تمسك منار : منننوررر منوررر هي صحصحي
ام منار بخوف راحت تجيب مويه : اشربي اشربي
منار وهي تمسك راسها : مافيني شيء بروح البس عبايتي سريع واجي لا تتحركين بروح معاك !
ام منار هزت راسها بالرضى
منار راحت فوق لغرفتها جت ريوف معاها : منور لا تروحين
منار رفعت حاجبها : وانا اقول وش فيك امس غريبه ؟ طلعتي تدرين ان اخوي صار له حادث ولا قلتي لي!
ريوف : عشاني خفت عليك يامنور
منار وهي تدق ريوف على قلبها : بس هاذا اخوي اخوي ! هذا قلبك قلبك ؟ مايحس !
ريوف : منور ماكنت اقصد خفت عليك
منار : لا تخافين علي ولا هم يحزنون ابعدي عن وجهي !
ريوف بعدت عن منار ونطقت : براحتك انتي زعلتي علي عشاني خفت عليك ؟! برررراااحتك والله
لبست منار عبايتها وراحت هي وامها للمستشفى
" في المستشفى "
ام منار : وين غرفة المريض عبد العزيز عبد الإله ؟
الممرضه : ممنوع الزيارات وعبد العزيز بالعنايه
ام منار : أنا أم عبد العزيز وين ولدي ؟!
الممرضه : تعالي معي
ام منار ومنار راحو معاها
الممرضه : شوفيها هناك العنايه المركزه ممنوع الدخول
ام منار تقدمت للعنايه : سعود ؟ صقر ؟ حمد ؟ وش تسون هنا ؟
سعود ركض وحضن أمه : يمه تكفين خليني بحضنك يايمه
ام منار وهي تبادل سعود الحضن : بسم الله عليك ياوليدي وش فيك ؟
سعود : يمه تعبان تعبباان أنا أنا السبب أنا ليه وافقت ليييه
ام منار بستغراب : وافقت على ايش ؟
سعود بضيق : يمه أنا وافقت اننا نفحط أنا السبب أنا أنا
ام منار : مو انت السبب هذآ قضاء الله وقدره مالنا إلا الدعاء
صقر : يالغاليه روحي للبيت احنا بنقعد عنده
منار وهي تلتفت لصقر : انت مجنون ولا وش ؟! اخوي ذا تنكسر رجلي ولا اروح ! تستهبل معي !
صقر : طيب روحو اجلسو بالانتظار
منار تقدمت وجلست جنب باب العنايه : ها جلست مابتحرك لين أشوف اخوي طالع من هالغرفه !
صقر وهو يهمس لحمد : اعوذ بالله عنيده ذي تحب العناد
حمد : لا تلومها شافت أبوها يموت قدام عيونها اكيد بتخاف على اخوانها
صقر بضيق : بروح للمسجد بصلي لي ركعتين وبدعي ل عبد العزيز لا صار شيء دق علي !
حمد : ابشر
" في قصر الجد يوسف "
دخلت ريوف لغرفتها تروشت وسوت لها قهوه فتحت كتابها المفضله وقعدت تقراها قعدت في سريرها مسكت صورتها هي ومنار وقعدت تتأمل كيف كانت اللحضات تُمر بسرعة وابتسمت وحطت الصوره على الطاولة قامت ولبست لها بنطلون أبيض وبلوزه سودا وجاكيت أسود ولبست بوت أسود لبست عبايتها وحطت الطرحه على شعرها المُتناثر على كتفها ركبت سيارتها وتوجهت للمستشفى
" في المستشفى "
دخلت ريوف وتوجهت ل اخوها صقر : ها وش صار ؟
صقر تنهد : على نفس الحال ماتغير ، إلا ليه تقولي ل منار وامها ؟
ريوف وهي بعيونها دموع تذكرت موقفها مع منار وكلام منار لها
لاحظ صقر لمعت عيون ريوف وأقترب صقر وحضنها باس راسها ونطق بصوت خفيف : أسف والله
ريوف وهي تبادل أخوها الحضن وتضربها على راسه : مالك دخل انت
ضحك صقر غصب عنه : اي ذي أختي الي أعرفها أحبتس
ريوف بضحك : كل تراب ، ابوي وامي سافرو قبل امس بالليل ترا وبيرجعو اليوم درو عن الموضوع بس ها انتبه جدتي تدررري ! او جدي لاحد منهم يدري عن حادث عبد العزيز
صقر : ابشري
ريوف فزت من صراخ سعود بخوف : بسم الله لا يارب لا لا
صقر رفع ثوبه وركض لسعود وشاف الدكاتره مجتمعين : وش وش فييييه ؟!
سعود طاح على رجوله وبصوت مخنوق : لا تكفى لا ياخوي لا لا تروح لا تروووححح! اااحتتااااجك اناااا
دخل الدكاتره على عبد العزيز الي نبض قلبه تنخفض
الدكتور : جيبو الانعاش سريع
الممرض ركض وجابها : هاك
الدكتور مسك الانعاش وبدا ينعش قلب عبد العزيز المره الاولى فاشله والمره الثانيه فاشله
" في الممرات "
طلع الدكتور من العنايه
سعود فز : ها دكتور بشر
نزل راسه الدكتور : مع الأسف
سعود بصدمة : وش ؟!
الدكتور أبتسم : الحمدلله أخوك عايش ووضعه بالسليم بعد شوي بننقله لغرفه عادي
سعود بفرحه : منجد؟ اخوييي عاايش؟!
سعود التفتت وحضن امه : يييممه عبد العزيز عااايششش عزوززز عااايش
ام منار بدموع : يالله لك الحمد والشكر
سجد سعود وصقر سُجود شكر
حضنت منار سعود ببكي : خفت خفتتتتت انه يرووحح
سعود سكر فمها : لا تقولين هالكلام اخونا عبد العزيز الحمدلله بخير
ريوف همست ل صقر : مدام عبد العزيز بخير أنا أستئذنكم بروح القصر عند جدتي وجدي وبنتظر امي وابوي يرجعون من السفر
صقر : انتبهي بالطريق !
ريوف : ابشر ، توصي على شيء؟
صقر : سلامتك ، لا وصلتي دقي علي أتطمن
ريوف : أبشر
منار انتبهت لريوف تقدمت منار وحضنت ريوف : أعتذر على الي سويته معاك والله تعرفين اني فقدت ابوي وقدام عيوني وماقدرت أنقذه ماااقدررت خفت على اخوي ادري ان مالك ذنب وأنك خبيتي علي عشان مصلحتي لكن يشهد ربي انها طلعت مني من غير قصد كانت بلحظه زعل وخوف على اخوي اعذريني واوعدك م عاد تتكرر انتي أختي وعيوني ودنيتي م أرضى اني أزعلك
ريوف بادلت منار الحضن : عاذرتك ياروح روحي انتي أنتبهي لنفسك أنا برجع للبيت تجين معي ؟
منار : لا والله بنتظر اخوي يطلعونه للغرفة العاديه
ريوف : تمام ، انتبهي لنفسك توصين على شيء؟
منار : سلامتك ياريو
طلعت ريوف وركبت سيارتها متوجهه للبيت