أنتي عيونك سالفة سمعتها في ليلة سفر

21

يا بعد من راح ومن قام وقعد
ياللي ما قبلك ولا بعدك احد
كنت انا وقلبي مع موعد غلاك
وانتي اغلى من الوعد لانك وعد
~
~
{ مرور زمني }
~
" عند ريوف "
كان الجو مليان حماس والشمس تغرب على مضمار السباق والناس متجمعين في كل زاوية مشدودين لأحداث السباق الكبير اللي كانوا ينتظرونه لكن وسط كل هالناس كانت ريوف قاعدة في زاوية هادية قلبها ينبض بشدة وعينها على الحصان قدامها الكل كان متوقع إنها ما راح تسوي شي خصوصًا إن هذي أول مرة تشارك في سباق عالمي

سعود كان واقف بعيد شوي عن المكان عينه على ريوف وكان يعرف إنها راح تسوي شي كبير : إن شاء الله ريوف بتثبت لهم انها خيالة قلبي قالها وهو يشوفها وهي تتحضر وزي ما هو متأكد هي كانت متحمسة ومستعدة تواجه التحديات

من بعيد أم ريوف كانت ماسكة يد أبو ريوف وعينها ما تفارق بنتها قلبها كان ينبض بسرعة : اللهم وفقها يا رب
فهد كان ثابت لكن قلبه كان مغطيه التوتر : خلاص يا وسن بنتنا قوية!وإن شاء الله بترفع راسنا
رد عليها وهو يشوف ريوف تجهز نفسها للانطلاق

منار كانت واقفة جنب سعود ومتوتره : أخاف عليها سعود ما تدري قد إيش أنا متوترة
قالتها وهي تراقب ريوف
سُعود : لا تخافين منار ريوف هذي غير وكل الناس اللي حولها غلطوا في تقدير قوتها
قال سعود وهو مطمئن هو كان يعرف إنها لو ما كانت واثقة في نفسها ما كانت دخلت السباق هذا من البداية

السباق بدأ والخيل كلهم انطلقوا بسرعة
منار : يمه بطنييي يخوفووون مره سريعين ما شاءٍ الله
وهي تشوف الخيول تتسابق مع بعضها الكل كان يركز على الخيول اللي عندها سنوات تدريب طويلة أما ريوف فكانت في البداية متأخرة شوي لكنها كانت قاعدة تلاحقهم

ريوف وهي تشوف أمامها الخيول السريعة كانت عارفة إن ما في وقت تضيعه : أوكي يا ريوف اليوم يومك إما تثبتين لهم إنك قدها أو تخلينهم يضحكون عليك
قالتها وهي تشد على لجام حصانها الحصان كان سريع لكن هي كانت أسرع في السيطرة عليه ريوف بدأت تتقدم خطوة بخطوة قلبها ينبض بشدة عيونها تركز على الهدف قدامها
سُعود : يا زينك يا ريوف يالله قدها !
كان سعود يهتف وهو يشوفها تتجاوز الخيول واحدة تلو الأخرى
سُعود : شفتوا؟ شفتوا كيف ؟
قالها وهو يبتسم والجمهور كله بدأ يشجع معاه
ناظرت ريوف لأمها وكانت تدعي من قلبها : اللهم وفقها  ربي خليك معها
أبوها كان ماسك قلبه لكن ابتسم : هذي بنتنا ما فيه شي يوقفها

ومع مرور الوقت بدأت ريوف تتصدر السباق
منار بفرح : شوفو ! شوفو ! والله إنها جابتهم !
سعود كان قلبه يعجز عن التعبير صار يشجع بصوت أعلى من قبل : ريوف ريوووف خليهم يعرفون مين انتي !
ومع كل خطوة تخطوها ريوف، كانت تثبت نفسها أكثر الناس صاروا يراقبونها بدهشة واللي كان يستهزئ فيها، بدأ يغير رأيه
: هذه ريوف ما هي أي وحدة !