أنتي عيونك سالفة سمعتها في ليلة سفر

4

" كلّ ماضاقت بك الدنيا تعال
تدري ان قلبيِ على جيتك وسيع "
~
~
" في المجلس "
الجده مريم : يابنات يلا قومو وشيلو الصواني وحطوها في المطبخ وكثر الله خيركم
ريوف : تبشرين ونبهي الخدم لا ينامون والبيت وصخ خليهم ينضفونها من الألف للياء
الجده مريم : قلت لهم وقومي انتي ومنار غيرو ملابسكم وامسحو الميكب
ريوف وهي تشيل الصواني متوجهه للمطبخ : يلا ابشري توصين على شي ؟
الجده مريم : سلامتك
دخلت ريوف المطبخ وحطت الصواني وراحت لغرفتها
" في غرفة ريوف "
ريوف : اوف مالي خلق امسح الميكب
منار : والله حتى أنا زيك
تروشت ريوف ولبست بجامة
وتروشت بعدها منار ولبست بجامة نفس بعض
ريوف : لا تروحين لغرفتك انتظري بروح اجيب لنا شي نأكله ونتفرج
منار : بس هالمره عشانك ولا أنا ميته نوممم
ريوف وهي تعطي منار بوسات في الهواء : يلبييييه تم مراح اطول ثواني وانا عندك
" نزلت ريوف للمطبخ "
طلعت ريوف البرجر وحطته بالزيت يقلي وحطت البطاطس وخذت الكولا وحطتها في الفريزر عشان يبرد على ماتسوي العشاء
ريوف وهي تشغل السماعه وترفع الصوت وتحط السماعه بالطاوله تغني :
" جيت احبك من زمان جيت من اخر مكان
جيت ادور في عيونك بيت واحباب وحنان
ما وصلت الا وانا كلي جروح وعنا
اللي ما تشبنهي غيرك بس انا ما هو انا "
سعود وهو رافع حاجبه : الله الله
ريوف : شبغيت لا تخرب مزاجي
سعود : سوي لي معك
ريوف : طيب
سعود اخذ الكرسي وقعد في المطبخ
ريوف : وش قاعد تسوي اطلع بروق
سعود : روقي مين ماسكك
ريوف : سعوددد! اطلع خلني اسوي الاكل
سعود : لا ماني بطالع
ريوف : كل تراب
سعود : حطي البرجر حقي في الزيت
ريوف وهي تتحلطم : طيب يالسخيف
ريوف وهي تحط البرجر انكب الزيت على يدها
ريوف : ااااااا يييديييي الزييييتت حارر
نقز سعود بخوف وهو يمسك ريوف : وريني اياها !
ريوف وهي ماسكه البكيه توجهت للفريزر تطلع الثلج
سعود وهو يسحب ريوف من يدها : وريييني رررييوووفف!
اخذ سعود الثلج وبدأ يكمد الحرق وجلسها على الكرسي
سعود : خليك هنا لا تسوين شي بطبخ أنا
ريوف هزت راسها برضى وسكتت وكان بينهم هدوء
سعود وهو يجهز الاكل وطلعها وقعد يسويها ويحط الخبز البرجر والبطاطس وأخذ الكولا وحطها في صينيه وهو يدق على منار : الو منار انزلي تحت في المطبخ
منار : هلا يلا جايه
نزلت منار للمطبخ
سعود : خذي الصينيه وروحي انتي وريوف
منار وهي ماسكه الضحكه : تمام
راحت ريوف ومنار للغرفة وشغلو الفلم وبدو يصورون الجلسه وقعدو يتفرجون
منار وهي فيها نوم : بقوم انام
ريوف : نامي عندي اليوم
منار : تمام
~
~
في الصباح >
الجده مريم : قومي قومي يانور
نور : بعديننن فيني نووومممم
الجده مريم : يابنتي قومي قام حظك !
نور وهي تحك راسها : طيب قمت قمت
صحت نور وغسلت وجهها توضت وصلت ونزلت عند جدتها
الجد يوسف : نور ؟
نور : لبيه
الجد يوسف : لا رحتي لدوامك جيبي لي أغراضي الي بسيارتك وانتي راجعه
نور وهي تقوم : تبشر
الجد يوسف : ها ها على وين ؟
نور : رايحه لدوام ؟
الجد يوسف : تعالي افطري معي
نور : ابشر
الجد يوسف : يلا اقعدي على مايجون الباقين
نور : تمام إذا تاخرو ترا بروح
الجد يوسف : طيب
ريوف : اوف مجتمعين بدونيييي ! يالخاينات !
منار : مجتمعين بدونا ؟ مايبونا نطلع؟
ريوف : يلا امشي نطلع مايبونا
نور بضحك : بطططنيييي يالزعولات
ريوف وهي تمد بوزها تمثل الزعل : اص انتي
نور : أنا جديي ناداني خصيصا اكل معاها يعني أنا مُميزه عنده
ريوف : افا يأجد خلاص زعلت منكم كلكم بروح
نور : وي وي يازعولي تعالي اجلسي عندي
ريوف : أحبك طيب وانت ياجدي حسابك عندي ها أنا اوريك
الجد يوسف بضحك : أنقذوني تهددني
منار وهي تقرص نور بمزح : اوف ياحبيبة جدي ! يالمُميزه
نور وهي تبي تقرص منار : اوقفي ياابنت!
منار بضحك وهي تركض : لا طبعاً بتجلديني
~
~
" في الصالة "
لمار : اسمعو بنات وش رأيكم نطلع للملاهي؟
منار : اوف جوي ابغى اروح للملاهي من زمان ودي فيه
ريوف : تم بس لو تجي منيره بلعن شكلها وبلعنكم معاها !
منار بضحك : مين يبغاها ذي ؟
نور : ها لا تنسوني بجي معكم ترا
ريوف بضحك : ودوامك ؟!
نور : بروح له في المساء
ريوف : تمم ، نجود والعنود بيجون معانا ؟
نجود وهي توها صاحيه : وش فيها نجود ؟
ريوف : بتروحين معانا في الملاهي ؟
نجود توسعت عيونها : اكيييدد بروح أنادي العنود
منار : تراك بتودينا ياريوف بسيارتك لانها كبيره وتوسعنا
ريوف : تم
قامو البنات وتجهزو لبسو عباياتهم طلعو للسياره وركبو
ريوف وهي تشغل السياره : اوووف يليل السياره مو راضيه تشتغل !
منار : بروح اقول ل اخوي عبد العزيز يودينا
ريوف : اوكي استعجلي
" توجهت منار للجلسات الخارجيه "
منار : عبد العزيز
عبد العزيز : لبيه سمي ؟
منار : شرايك تودينا الملاهي أنا والبنات ؟ سيارة ريوف ماتشتغل
عبد العزيز : من عيوني تبشرين كنت بروح أنا وسعود اساسا للكوفي يلا بوصلكم مع دربي
سعود : مشينا ؟
عبد العزيز : يلا
شغل عبد العزيز سيارته وركبو البنات ورا وسعود وعبد العزيز قدام
توجهوو للملاهي
نزلو البنات
عبد العزيز : منور
منار : لبيه ؟
عبد العزيز : حولت لك فلوس لا احتجتي شيء اخذيه
منار وهي تتقدم تبوس خده : الله لا يحرمني منك أحبك
سعود وهو يهمس لمنار : قولي ل ريوف تغطي شعرها بالطرحه !
منار بضحك : ليتك نايم
سعود : منار !
منار : خلاص ابشر
" عند البنات "
منار وهي تهمس لريوف : حبيب القلب يقول غطي شعرك !
ريوف : كليزق انتي وهو لا طبعاً وبعدين وشهو حبيب القلب ! م أحبه أنا من قال !
منار توسعت عيونها بذهول بضحك : لا شدعوه من قال اجل !
ريوف : كان بوقت جهل لا م احبه
نور : وشفيكم تتهامسون
منار : ولا شي يختي
نور : يلا امشو علشان نحجز البطاقات
منار : تم
ريوف بضحك : ريوف تعااالي دامك لبستي النعول خلاص بيدخلونك
منار قامت وهي ما تعرف شسالفه : وين بتوديني أنتي ؟
ريوف : سبرايززز والله بتفرحين مره ودخلت وهي تسحبها من يدها ولفت تشوف الناس تركت يدها وهم بوسط الساحة ومشت تمشي وتدور وتتزلج ولفوا علييها الناس و الأنظار صارت كلها عليها من شافوها فنانه صرخت بوناسه منااارر يلا قومي على حيلك
منار بصراخ : رريوف انتييبي شلونننن تدخلينيبي هنااا الحين اطيح واتكسر
ريوف وهي بعالم ثاني وجالسها تلعب واردفت : بعديننن أجيكِ ي كسوله جوكِ مو حلو لفت من سمعت صراخها وصوت الناس الي بعضهم يسمي عليها وبعضهم يضحك تقدمت تشوف من وين يجي الصوت وراحت لها ووصلت عندها واردفت بضحكه منار ما تعرفين !!!! ليه م قلتي لي انتبهت لشكل منار وطاحت تضحك بقووههه
وبصوت قوي منار بقهر : أنا أوريك وهذا بدال م تخافين علي !
جت وحده تساعدها تقوم ونزلت النعول وراحت لها قامت تمشي ريوف بسرعه
منار : أنا الحين أوريك اجل تضحكين !! ها
ريوف بضحك : انقلعي
" عند البنات في الجهه الثانيه "
لمار : اسمعو وش رأيكم نلعب القطار ؟
العنود بخوف : لا أنا اخاف
نور بضحك : إلا إلا وش الي تخافين عجوز هاكبرك وتخافين ؟
نجود : نفسي فيه من زمان تكفون خلونا نلعبه
نور : أنا موافقه
نجود : وانا بعد ، العنود لا تخربين علينا
العنود بخوف : اوكي ياعجوزات قريح
لمار وهي تتوجه للقطار : لو سمحت نبي ندخل احنا الاربعه
راعي القطار : بطاقات ولا أساور
لمار : لا أساور
راعي القطار : وروني وادخلو
كل وحده ورته الاسواره ودخلو وكان الترتيب لمار ونور قدام وراهم على طول نجود والعنود
لمار بصراخ  : واووووو ييييجننننننن
نور وهي متمسكه في لمار : أنا وش الي خلاني اطاااوعكمممم
العنود : حسبيييي الله عليييييكممم ! جعلكن الصاقعه ببببموووتتتتت
نجود : فضحتينا انتييييي قصري صوتك
العنود وهي تقرص نجود : على تراب انتي الثانيه حسبي الله علييييكم ياعجوزات قررريييح
نور : تكفيييييين لماااررر احس اني بطيييييح وش الي خلاني اركب القطار؟! وش الي خلاني اركب قددااامم ؟!
العنود : أشهد أن لا إله إلا الله، أشهد أن محمدًا رسول الله  ، تشهدووو يابنات
لمار وهي تصرخ ب اقوى م عطاها ربي : ااااجمممممللللللل شيييييي ركببببتتة بحياااتيييييي
وقف القطار والعنود تبكي ونور معصبه ونجود تضحك ولمار مبسوطه
العنود : الله ياخذ عدوكم والله يأخذني ان طاوعتكم مره ثانيه !
نور وهي تدق على ريوف ومنار : الو ؟ بنات تعالو عند القطار
ريوف : يلا الحين جايينكم
نور : ننتظركم استعجلو
جت منار وريوف عند القطار وراحو مع البنات
منار وهي تدق على عبد العزيز : الو ؟
عبد العزيز : عيوني أمريني ؟ ، امركم ؟
منار : أفدا أنا عيونك ، اي يلا تعال
عبد العزيز : عانيني لاف عليكم
وصل عبد العزيز للملاهي وركبو البنات للسياره ورجعو للقصر