أنتي عيونك سالفة سمعتها في ليلة سفر

5

في عينيك بحر عميق،
يحمل سر السعادة وفي قلبي
وطن ينبض بحبك دوما أحبك
كلمة وشعورا بلا مقارنة
أو حدود فأنت محبوبي المحب
فلتكن أنت فرحي وحنيني
الدائم .
~
~
دخلت ريوف وهي ميته ضحك على منار
وما انتبهت على سعود الي جالس في الحديقه مع جدهم يوسف ويشوف ريوف الي تضحك ومسك ابتسامة
الجد يوسف: يا جعل هضحكه دوم
ريوف: سلام
الجد يوسف: وعليكم السلام هاه انبسطتو
لمار: اييييه كان مره وناسه
العنود: تكلمي عن نفسك
نور: اي والله
نجود: يا نفسيات للحينكم زعلانات
الجد يوسف: افا زعلانات
ما صدقو العنود و ونور إلا ويشكون لجدهم
ريوف: حرام كان وناسه
سعود: ترا جدتي تقول إذا جو البنات خلهم يجوني يعلموني وش سوو
ريوف بضحك: لا يكون مجلستكم هينا عشان تنتظرونا
الجد يوسف بمزح: شايفه
نجود: خلاص ننزل عباياتنا ونروح لهم
نور: يلا
راحو البنات إلا ريوف أخذت جوالها وطلعت للحديقه وما كان فيه احد
فجاة يد تسحب جوالها وتلتفت إلا هو سعود يحط جوالها بجيبه
ريوف: سخافه رجعه
سعود: واذا قلت لا
ريوف: بعلم جدي
سعود: علميه وعلميه عن ذا بعد
ويقرب منها ويبوس خدها
وشاف وجهها صار احمر من الخجل
ريوف: يعع
مسك خصرها وحط عينه بعينها
سعود: شكلك استانستي هناك
ريوف: ايه
سعود: أتوقع ما غطيتي شعرك زي ما قالت منار
ريوف: وأنت شدخلك
سعود: ريو تكابرين على حبي؟
سكتت وهي تشوف عيونه
ريوف: س سعود
سعود: لبيه
نزلت راسها
سعود ريو؟
وبدت تبكي
سعود: ريوف!
مسك أكتافها
سعود: شفيك ارفعي رأسك !
رفعت رأسها ودموع مليه عيونها
ريوف ببكي: سعود أنا مدري شسوي اسفه
دايم تدافع عني من يوم كنا صغار احس إني أزعجك بس
ضم سعود ريوف ورأسها على صدره
سعود: خلاص هدي مدري كيف فكرتي كذا إذا ما دافعت عنك
عن من أدافع؟
ريوف: خلاص هديت
رفع سعود رأسها وشاف عيونها وخشمها الحمر ومسح دموعها
سعود: خلاص روحي للبنات وريحي بشوفك بعدين
باس رأسها ومد لها جوالها وراح
دخلت ريوف غرفتها ورمت نفسها على السرير
" في غرفة ريوف "
منار دخلت للغرفه : ريوف؟
ريوف : هلا ؟
منار : وينك بنسهر احنا والبنات ؟
ريوف : مالي خلق الصراحه
منار : غصب عنك اقول والله تقومين!!
ريوف بضحك: ابشري يلا بقوم
منار : ايوا اسمعي اخلصي وانزلي
ريوف : تم خلاص
قامت ريوف وسوت لها سكن كير ولبست شورت لين نص الركبه وبلوزه علاق ونثرت شعرها على كتفها واخذت جوالها ونزلت للبنات
" في الجلسات الخارجيه "
ريوف بضحك : هاي صبايا
منار فطست ضحك : صبايا ؟ اااخ بطنييي بمووت
ريوف وهي تكمل على الغنج : لا تدقدقي على اسلوبي هاي طبيعي ما اتغنج اناا
نور بضحك : تدقدقي؟ تطقطقي صارت تدقدقي؟ حلوه ذي
ريوف بمزح : يعني ماتبوني أوريكم أنا بروح لجدي يهزئكم
جلسو البنات وقعدو يسولفون بالساعات ومرر الوقت وماحسو بنفسهم إلا وقد اذن صلاة الفجر
ريوف : قومو يابنات خلونا نصلي وننخمد وياويلك يانور مارحتي لدوامك
نور وهي فيها نوم : يشيخه هو قالي اجي اليوم العصر يعني تعتبر اجازه
قامو البنات وصلو صلاة الفجر ونامو
" في الصباح الساعه 7:24 "
الجده مريم : يالله صباح خير يا بنات اصحوو ! شعندكم غريبه نايمين كلكم عند ريوف ؟ ونور دوامك ؟
نور : ياجده الله يسعد لي امك اسالتك كثير فيييني نوم توني نمت الفجر
الجد مريم وهي تحط يدها على خصرها : ليه تنامين الفجر ودوامك ؟
نور بنوم وخمول : ياجده دواامي في العصر ببننااامم
الجده مريم : وانتي ياريوف ؟ صارلك كم يوم مو مداومة لجامعتك ؟ كيف بتصيرين دكتوره وانتي كليوم نايمه؟ ماتداومين ولا هم يحزنون؟
ريوف : ياجده الاسبوع ذا كله ماعندي شييي بنام
الجده مريم وهي تتخصر : علشان أخليكم تتأدبون أشوف وحده نايمه الحين يلا قومو كلكم واصحو !
ريوف فزت من نومها بصدمه : وش تقولين ؟ ياجددده تكفييييننن فيني نووومممم
الجده مريم : اقول ولا كلمه بسرعه كلكم أصحو الحييين !
ريوف وهي ترجع تتلحف بالبطانيه : والله م اقوم ان ذا مكاني لا خلصتي ياجدودي طفي النور
الجده مريم : حلو ذي شكلك ماتعرفيني ثواني بس
ريوف وهي تتجاهل جدتها ونامت
الجده مريم طلعت برا الغرفه وراحت جابت الخيزرانه
نور فزت وبصراخ : لا لا ياجده خلاص صحيييتت
ريوف وهي تسوي نفسها ماتسمع شي وتكمل نومتها : جدودي خليني بنام
الجده مريم وهي تمحط ريوف : اقول بلا دلع سرعه قومي !
ريوف بصراخ : اح يييووجععععع والله اعلم جدي عليك
الجده مريم بضحك : وش يعني ؟
ريوف : هين هين اصبري علي ياجده
الجده مريم : تهدد ذي ؟ قاعده أتعرض لتهديد
ريوف بضحك : جده تكفين فيني نوم وربي خلاص توووبه بس خليني انام هالمره
الجده مريم وهي تستعبط : امم افكر افكر
ريوف : جددده فيني نوووممم
الجده مريم بضحك : خلاص هالمره بس ترا !
ريوف وهي تنقز تبوس راس جدتها : أحبببببكك
الجده مريم : عيووني انتي يلا انخمدي انتي والبنات ذولا الي على كثر الصوت والنور ماصحى احد غير نور
ريوف وهي ترجع تتلحف بالبطانيه : طفي النووور مع دربك
الجده مريم بضحك وهي تتوجه للباب وتطفي النور وتطلع : الله يهديكم يارب
~
~
" عند الشباب "
عبد العزيز وهو يطلع زقارته ويبدا يغني : هجرت الوقت والدنيا وجيتك هقيت انك مثل روحي وداري
سعود وهو يعزف : رسى موج البحر من يم بيتك كانه عن هوا الايام داري ااا وقفت
اسألك لكن مادعيتك اخاف الشوق وحدود انكساري
عبد العزيز : سالت الشوق عنك واحتاريتك وراح الليل كله منت داري
نساني الحال ياخلي عطيك ولكن للاسف فاجعت داري
حمد هوجس على اصواتهم : الله عليكم تجيبون الهواجيس
صقر : وشرايكم نلعب بلوت ؟
حمد وهو يلتفت لسعود وعبد العزيز : قدام تلعبون معنا ؟
عبد العزيز وهو يرمي الزقاره : اكيدد
سعود بكذب : لا مابغى
حمد التفت لسعود بصدمه : هو قال لا ولا يتهيأ لي ؟
صقر : مايتهيأ لك لحالك
سعود بضحك : شدعوه
حمد : انت يلي اكثر شخص تحب تلعب البلوت ترفض ؟
سعود ب استعباط : يمكن كرهتها ؟
حمد بذهول : مستحيييل
سعود بضحك : امزح امزح يلا جيبو البلوت خلونا نلعب
حمد التفت لعبد العزيز : انقز سو لنا شاهي خلنا نروق ونكسر رأسهم
سعود بضحك وتحدي : اتحددداكممم أنا سعود بن عبد الإله مافي احد يفوز علي
صقر بتحدي : يخسون هالبزران أنا وانت بنفوز معليك
قام عبد العزيز للمطبخ
عبد العزيز وهو يغني : عيني أنا في عينها والقلوب بعادد
أخشى هدب عيني يلامس هدبها م اقوى الحكي حينها
والقلوب ما أعتاد على لقاء اللي حبها من عرفها
سخّن المويه وقعد يدور اللبتن
العاملة : بابا وش تدور هينا ؟
عبد العزيز : اللبتن حق الشاهي وينه ؟
العاملة : دقيقه بابا
فتحت الدولاب وطلعته
عبد العزيز : كيف قبل شوي دورت هنا
العامله : انت مافي دور كويس
اخذ عبد العزيز اللبتن وسوا الشاهي
دخل عبد العزيز وهو معه الشاهي
سعود : حي الله الحامل والمحمول
عبد العزيز بخبث : بسرعه كلكم رحبو فيني ولا والله ماتذوقون الشاهي
سعود قام وجاب الطبل وقعد يطبل وصقر جاب السماعات وشغل
فزي له يا أرض لاجاك بشويش تمايل
هو مو قصده ولكن كذا ربي خلقه
مشى يمشي على ضلوع صدري
ولاني طايل لا سماء ولا ارض ربي عساه يوفقه
قامو العيال يرقصون سعود وهو يتمايل
عبد العزيز بضحك : وع الغنوج
سعود بضحك وهو يربط الشماغ بخصره وياخذ السماعه ويشغل الاغنيه
قوم نادي ع الصعيدي وابن اخوك البورسعيدي
والشباب لسكندراني اللمه دي لمة رجال
وأنا هاجي مع السوهاجي والقناوي والسيناوي والمحلاوي
اللي ميه ميه والنوبه الجمال ماتوصيش السوايسه
الدنيا هايصه كده كده
قامو العيال يرقصون ويهزون أكتافهم وكان كل واحد يضحك على الثاني
طفى عبد العزيز الأغاني : والبلوت والشاهي برد !
سعود : وع قاتل المتعه
عبد العزيز بضحك : اقول نزل الشماغ ذا وخلنا نلعب بلوت
سعود كشر وهو ينزل الشماغ وحطه على كتفه : يلا وزعو
بدأو يلعبون وكان هواش وصراخ ولعب وضحك
فاز سعود وصقر وخسرو عبد العزيز وحمد
صقر : صبرلي الشاهي
عبد العزيز : هاتلي كاستك
مد صقر الكاسه : خذها
هبد العزيز اخذ الكاسه وصب لصقر ومدها له
سعود : اسمعو وشرايكم كذا على المغرب نروح نهجول؟
حمد : اي والله تمتممم