أنتي عيونك سالفة سمعتها في ليلة سفر

24

اللي يبيك يجيك لو دونك قيود
يكسر على شانك خشوم الصعايب !
واللي يبي فرقاك لو دربك ورود
ما جاك لو إنك من أدنى القرايب
~
~
" في يوم ملكة منار وصقر "
كانت الأجواء مليانة فرح وحماس والكل يركض يجهز لكل التفاصيل
ريوف وهي تنادي بصوت عالي : يا بنات وين الورد اللي طلبناه للسفرة
العنود وهي ترتب الطاولات : عند الباب خذيه وجيبيه معاك بسرعة
نور تطلع من غرفتها وهي تحط الحلقات في أذنها : بالله أحد يشوف لي شنطتي السوداء والله ضاعت
منار من داخل غرفتها بصوت مرتبك : العنود وين ميكب ارتست تأخرت
العنود وهي تجري صوب غرفتها : هدي يا عروسة جايه بالطريق توها دقت
ريوف تضحك وهي تطالعهم : يا بنات هدوا اللعب شوي كأنكم اللي بتتملكون
~
" بالصالة الكل يشتغل "
الأمهات بالمطبخ يجهزون الضيافة والعصاير والكاسات
الأخوات يزينون الطاولات ويحطون الكروت اللي مكتوب عليها أسماء الضيوف
نور وهي تتفحص المكان : الحين عيال خالاتي جايين بعد ولا
ريوف : الكل جاي خلينا نستعجل
~
في غرفة منار
العنود جلست جنبها وتحط لها الروج : يا قلبي انت يا منار شوفوا العروسة كيف طالعة ملكة اليوم
منار بخجل وهي تطالع نفسها بالمراية : الله يسعدك يا عنود قلبي يطق مدري من الفرح ولا التوتر
ريوف تدخل وهي معها علبة كبيرة : هذه الكيكة وصلت وطلعت جناااان فيها صورة لك ولصقر
منار وهي تغطي وجهها بضحك : الله يقطع سوالفكم ترى إحراجي اليوم غير شكل
الصالة مليانة ضحك وحكي وأجواء فرح
صقر يدخل وهو لابس بشت أسود وفخامته تملأ المكان
دخلت منار تطلع وهي بفستانها العنابي الكل وقف يصفق ويناظر جمالها
ريوف بصوت منخفض وهي تكلم العنود : والله شكلهم يليق على بعض ومنار كانها سيندرلا
العنود : صدقتي الله يهنيهم
جلسوا في الكوشة وصقر مسك يد منار بخفة الكل واقف ينتظر اللحظة
فتح علبة الدبلة وابتسم ابتسامة هادية وهو يلبسها لها بكل رقة
منار كانت تطالع الأرض بخجل ولما رفعت عيونها لقت نظرات صقر اللي ما نزلت عنها
ريوف تهمس لنور : يا ساتر نظراته تقول كلام!
نور بضحك : واضح إنه مغرم فيها من رأسه لرجله
صقر وهو يهمس لمنار بحُب : صرتي ملكي وحلالي !
منار بنفس الهمس : مب وقتك انا شوي واطيح من التوتر مشاعري ملخبطه
صقر : أحبك
منار : حبك بريعصي قل امين
صقر بصدمة : اعوذ بالله
ضحكت منار وهي تمسك خدود صقر : أموت عليك يابريعصي حقي
صقر بضحك : دامني حقك راضي اكون بريعصي
سّعود : مبروك ياعريس
صقر: الله يبارك فيك عقبالكم
" عند البنات "
نور : والله تعبنا بس النتيجة رهيبه
ريوف : تستاهل منار كل هذا وأكثر عروستنا اليوم ما مثلها أحد
العنود بضحك : وصقر يطالعها كأنه كنز ما يبي أحد يلمسه
منار وي ترفع فستانها شوي وتركض لنور : نور حبيبتي بالله فيه طلبيه لي روحي جيبيها برا
نور بستغراب : ابشري
طلعت نور برا وهي تتلفت مسكت جوالها الا الشخص الي سحبها : افا يانور ماتورين زوجك كشختك مو عشان قعدتي عند اهلك ماتوريني !
نور بضحك : الله يشل عدوك ياكلب خرشتني
عبد العزيز وهو يمسك يد نور ويرفعه فوق : دوري دوري
نور وهي تدور بدلع وبضحك : الله لا يحرمني منك
عبد العزيز تقدم وهو يبوس خد نور : ولا منك
نور : أحبك عزوزي
عبد العزيز : ادوووخ من عزوزي ذي تجيبني من اقصااي
نور ببتسامه : يلا بدخل
عبد العزيز : صبر لحظه
توجه عبد العزيز للكراسي الي بالجلسة الخارجية وهو يجيب بوكيه ورد بشال الكشميري
تقدم عبد العزيز وهو يعطيها لنور : ما احد يستحق الورد الا انتي ياحُب حياتي
نور : أحبببك عزوززز !
عبد العزيز : عيون عزوزك انتي لبيه امريني
نور : اخ أحبك
عبد العزيز : اموت عليك موووتت
دخلت نور وهي الابتسامه شاقه وجهها وتحمد ربها ان عبد العزيز لها وزوجها
~
" بالليل عند العيال "
عبد العزيز وسُعود وحمد وصقر
سُعود : ياولد طفشاان مررره
عبد العزيز : اي والله حتنى مووت طفش
سُعود : عبد العزيز سو لنا الشاهي حقك ، وانت يا حمد جب لنا البلوت وصقر جب لنا السماعه
صقر : زين
سُعود تمدد ورفع رأسه للسماء قعد يتأمل النجُوم والتفت لجواله بسبب اشعار
دخل لقى اشعار في تويتر ريوف : اوف يابنت فهد صاحيه بذا الوقت ولا بعد تغردين ؟
راح يشوف التغريدة