أنتي عيونك سالفة سمعتها في ليلة سفر

3

لو تشبهين الورد يبقى الأختلاف
الورد يذبل . وانتي دايم فاتنه ..
~
~
في غرفة ريوف >
ام ريوف : ياررييووفف
ريوف بنوم : ها يمه
ام ريوف : اقول قومي تجهزي انتي ومنار علشان عندنا عزيمة كبيره
ريوف : اخ يمه مابغى انزل
ام ريوف : مو بكيفك أصلا مراح اخليك تختفين زي آخر مره
ريوف : يممممههه كان ررراااحة ذولا تستس مايصلح انزل لهم مايستاهلون
ام ريوف : اقسم بالله لو ماتقومين الحين وتتجهزين اني لا اصفقك بالخيزرانه
ريوف : يمه مانا بزران علشان ذي الخيزرانه
ام ريوف : أنا علمتك وانتي بكيفك معك نص ساعه وبس !
منار : ررييووو جبت لك فستان ولا غلطه يييجنننن بطلع لايق عليك
ريوف : وريني
منار وهي تطلع الفستان : وش رايك
ريوف فتحت عيونها : اح وش ذا ححلللووووو! طلعتي ذويقه
منار بضحك وهي تقلد ريوف : طبعاً ذويقه أنا منار بنت عبدالإله
ريوف بضحك على تقليد منار : مناروووه
منار : يلا قومي خلينا نتجهز
صحت ريوف وتروشت استشورت شعرها هي ومنار وجلسو بالأرض وحطو الميكب وقعدو يتمكيجون
لبست ريوف فستانها الأسود فيه فتحه لين الفخذ ولبست سلسلتها الألماس ولبست كعب فضي
ولبست منار فستانها الأبيض ولبست اكسسواراتها ولبست كعبها الأبيض ونزلو للضيوف
" عند الضيوف "
سلمت ريوف ومنار على الضيوف
لمار : وش هالزين ؟ تههببلووون ماشاءالله
ريوف وهي ترفع حاجبها : شوفو مين يتكلم ؟! وش هالجمال ماشاءالله جممييلله ذكريني ازرف فستانك الأزرق ذا
لمار بضحك : يفداك والله
قعدو يسولفون البنات
منار : ريييوف ! ذي مو منيره ؟!
ريوف : إلا والله ! خيييير وش جابها هالقليلة ادب !
مشت ريوف متوجهه لمنيره
منيره بخبث : السلام ريوف
ريوف : وعليكم السلام يالتستس ياقليلة ادب وش جابك ! ماعندك كرامة ! تبغيني امسح في الارض
منيره وهي تمثّل البراءة : اوه وش فيك زعلانه لهدرجة وجودي يضايقك !
ريوف : اسمعي يامنيره والله لو ماتذلفين لا امسح فيك البلاط هالمره اقولها وبسويها وعيونك تشوف !
منيره وهي تقرب تهمس بأذن ريوف بخبث : أتحداك حبيبي
ريوف وهي مايمنعها شي تمسك منيره مع شعرها وتمشي وطلعتها للجلسات الخارجيه : يلا اذلفي ولا عاد تتحدين ريوف بنت فهد علشان ماتتوطاك يامنيره
منيره : على فكره مهما سويتي راح ادمر حياتك ياريوف بنت فهد
ريوف بضحك : شوفو مين يهدد مهما سويتي بلعن شكلك وانقلعي يالمريضه لازم أوديك مستشفى المجانين
كان سعود جالس بالجلسات الخارجية والتفت على صوت هواش منيره وريوف
جاء سعود : منيره ! وش تبين هنا ؟ هذا البيت مايتشرف فيك ! يلا اذلفي
منيره : مالك دخل أنا بطلع من نفسي
طلعت منيره وهي تتحلف فيهم
سعود وهو يناظر ريوف من فوق لتحت
رفع حاجبه بتعجب ونطق بنبره حاده : رايحه للضيوف كذا ؟!
شدت على شفتها بتوتر ورفعت نظرها له : اي وش فيها !
قام من محله وارتجف قلب ريوف من خطواته المقبله لها قرب منها وارتطم جسدها في حافه الكراسي
كشرت بملامحها من حست بألم
حاصرها بيده ونطق وهو يرص باسنانه : غيري الفستان ذا
رفعت حاجبها : لا والله م بقى إلا تتحكم في لبسي؟ مين انت زوجي ؟ خطيبي ؟ حبيبي ؟ اخوي ؟ ابوي ؟
لف وجه ياخذ نفس وبنبره هاديه : ريوف م اعيد كلامي غيري الفستان ذا وخلصنا
رفعت وجها ل مستواه ونطقت : لا تعيده أصلا ومالك دخل بلبسي البس الي ابي وبكيفي !
سعود : طيب ليه طالعه كذا !!!!
ريوف ببرود : كذا كيف يعني ؟؟
سعود : لا تحرقين اعصابي ليه لابسه كذا وماتبين تغيرينه !!
ريوف : يهمك يعني !!
ناضرته بخووف من منضره..! كانت عروق رقبته بارزه بشكلل يخووف وتدل على عصبيته...
سعود شدها للجدار بقوه وهمس : كلك تهميني !!
ريوف وهي تدفه : يالسخيف أوجعتني وش ذي الحركه وبكيفي البس الي ابيه انت وش عليييك !
سعود بعصبيه ومن غير ادراك : لاني أححببببك ااافهمميييني !
ريوف تجمدت بمكانها : ايش ؟!
سعود : كل ذا ومافهمتي ؟ اقولك أحبك آحبك ارفقي ففييييني ! حسي فيني !
ريوف بصدمة دخلت جوه منغير اي رد
" عند الضيوف "
دخلت ريوف وبالها مو معاها و اسألة بالها ماتسكت شلون يحبني ؟ وشلون اساسا اعترف ؟
وقعدت تسترجع شريط ذكرياتها بالطفوله
" في الماضي "
ام ريوف : يلا ياريوف البسي ملابسك انتي وأخواتك الي حطيتها على السرير علشان نروح المخيمات الحين ولا تنسين الجاكيت ترا الجو بببباااردد وانا بروح اجهز اخوانك
ريوف : ابشري يمه
لبست ريوف هي وأخوتها واخذت جاكيتها وراحت ركض تركب السياره
فهد : ياوسن وين موقع للمخيم ؟
وسن : ارسلت لك الموقع
حركو ووصلو للمخيمات
ريوف بحماس : واوووو جمميمييله
نور : اييي مره حلوه
راحت ريوف ركض تحجز لها مرجيحه وقعدت تتمرجح
عزام : قومي هذا مكاني !
ريوف : مالي دخل أنا لقيت كذا
عزام : قومي !
ريوف : تخسى وتعقب لا في مرجيحه جنبي اركبها
عزام : لا أنا ابي هذا
ريوف : وع سخيف تفكيرك متحجر
تقدم عزام وأخذ المُرجيحه الحديد وصقعها في ريوف وهرب
ريوف نزلت تلحق عزام لين راح قسم الرجال
رجعت ريوف للمخيم عند امها وهي تبكي : يمه يدي توجعني
ام ريوف : ليه وش بلاها ؟
ريوف : يمه ذا عزام القرد اخذ المرجيحه وصقعها فيني
ام ريوف : المرجيحه ذي ذي ماغيرها الحديد !
ريوف ببكي : ايوا وجيت الحقها انحاش قسم الرجال
ام عزام : ولدي ضربك ؟
ريوف : ايوا
ام عزام : الحين ادق على أبوه يربيه معليك
ام ريوف : اقعدي على الاجهزه مع البنات
ريوف : تمام
راحت ريوف وجلست مع البنات وتشوفهم يلعبون بالأجهزه
سعود : ريوف تعالي
ريوف جت : هلا ؟
سعود : انتي ليش تبكين ؟
ريوف : الزفت عزام ضاربني
سعود : طيب اقعدي مع البنات
ريوف هزت راسها برضى وقعدت مع البنات
سعود : صقررر
صقر : هلا
سعود : امش نصفق عزام في قسم الرجال
صقر بستغراب : ليه؟
سعود : ضارب اختك ريوف
صقر : نعنبو هالوجه امش امش
راحو سعود وصقر لقسم الرجال
سعود : عزززام
عزام : هلا ؟
سعود : وش عندك ضارب ريوف ؟!
عزام : وانت وشدخلك
سعود : كيف وش دخلني ! لي دخل يالحمار
واشتدت الهوشه بينهم واعتل اصواتهم وصلت للقسم النساء
طلع حمد يفرق بينهم : وش السالفه !
صقر : ذا البزر فارض عضلاته على أختنا ريوف !
حمد : يلعن شكلك يالمتخلف
وبدال مايفرق بينهم قام ويصفق عزام
" في الواقع "
ضحكت ريوف وهي تتذكر الموقف : ااخ كان قاهرني هالعزام
منار : ريو
ريوف : هلا؟
منار : وش فيك ؟ احسك مو على بعضك ؟ في احد مُزعج؟
ريوف وهي متردده تقول لمنار عن الي صار ولا ؟ : منار بقولك شي
منار : وشو
ريوف : أخوك سعود
منار بستغراب : وش فيه
ريوف بتردد : قال لي انه يحبني !
منار بضحك : شفتي ذاك اليوم يوم تهاوشنا تبيني اقولك كنت شاكه ان اخوي يحبك طيب وش فيك
ريوف : معرف بس يوم قالي احس في مشاعر قويه داهمتني احس اني من زمان أحبه واحس معرف
منار : تعوذي من بليس والي ربي كاتبه بيصير أحسكم احلى كوبل ههههههههههه
ريوف بصحك : مو وقتك يامنار صدق احس اني أححبببه بس معرف !
منار : اقولش أنا واضح أنش تحبينه بس تكابرين
ريوف بضحك : يختي خليك كذا عجبني اللهجه
منار : وش قومش يعني ماتعجبش لهجتي قبل؟
ريوف : بببموووت بطني ااخ