أنتي عيونك سالفة سمعتها في ليلة سفر

18

وهل سأقارن عيون محبوبتي بالنجوم
عيون محبوبتي لا تسوى النجوم
محبوبتي عيونها نادره
لا سوا لحاجه بأنني أقارن عيون محبوبتي بنجوم
لأن فعلاً عيون محبوبتي تلمع
بشكل يجذب
~
~
طلع عبد العزيز متضاايق مسك جواله ودق : الو ؟
: هلا والله وينك مختفيي
عبد العزيز : ماني مختفي جهز السياره
: ليه ؟
عبد العزيز : ابغى افحط عندك مانع !
: لا لا ماعندي مانع ، ناسي حادثك ؟
عبد العزيز : مانسيته بس برضو مايخصك
نور : خير خير ! وين تفحط تستهبل انت ولا مجنون !
عبد العزيز : شدخلك انتي ؟ زوجتي ولا ايش !
نور : ولد عمي انت الضاهر
عبد العزيز : ما يخصك يا نور
نور : قسم بالله لو ماترجع للبيت الان وتنقلع ترقد ان لا اقلب القصر كله فوق راسك ياولد عبد الاله !
عبد العزيز بضحك : نور صحصحي شوي ، قبل شوي تبين الطلاق وطلقتك الحين وش تبين !
نور : ابغاك تنقلع ترقد واترك عنك السربته ذي
عبد العزيز : وان ماتركتها يا نور
نور بحده : بقلب القصر فوق راسك !
عبد العزيز : ودي اشوف الصراحة شلون تقلبين القصر فوق راسي
نور : عبد العزيز !
عبد العزيز : نعم ؟
نور : نعامه ترفسك انقلع ارقد لا اعلم جدي عليك تسمعني !
عبد العزيز وهو يتجاهلها ويتوجه للبوابة مايدري هي ليه ماتبغاه يروح دامها ماتحبه وطلبت منه الطلاق وبالثلاث ! : علميه
نور : قسم بالله لا اطلع عيونك يا ولد عبد الاله يامجنون !
عبد العزيز بضحك : عيون ولد عبد الاله يا مجنونه !
نور : يشينك شيناااه
ركب عبد العزيز سيارته ومشى
" في الصباح عند ريوف "
ريوف : نور صدق الي صااار !
نور بنوم : وش الي صار انتي الثانيه
ريوف : تطلقتي !
نور : يالليل انا عايشة ببيت ولا في اخبار !
ريوف : اتركي عنك السماجة تطلقتي !
نور : اي وبالثلاث
ريوف : يامجنونه خير ؟
نور : هو يحب لمار خله يتزوجها انا عائق بينهم ولا ابغى هالشيء !
ريوف : مين قال ؟ احسه يحبك فيييه احساسس
نور : مع نفسة المجنون ذا ، هو يحب لمار ياريوف افهميني ! شايفتهم بعيوني وهو يواسيها !
ريوف : وقدامك ؟ صدق بجيح
نور : مو قدامي بس قدام بلكونتي
ريوف ضربت جبهتها بخفة : نسسسييت ، تخيلي سُطام جااء
نور بستغراب : وش جابه ؟
ريوف ؛ مدري يبي ابوي
نور : غريب الصدق
" عند ابو ريوف ( فهد ) "
فهد : هلا والله فيك تو مانور البيت
سُطام : فيك ياعمي
فهد : وش بغيت ياوليدي ؟
سُطام : أنا جاي أنا وأبويه نخطب بنتك نور
ابو سُطام : نبي بنتك نور على سنة الله ورسوله لوليدي
فهد بصدمة : وش ؟
سُطام : ابي بنتك على سنة الله ورسولة
فهد : نور ؟
سُطام : اي
فهد : الشور شور البنت ، لكن البنت باقي...
دخل عبد العزيز بوسط نقاشهم وانصدم يوم شاف طاري نور : لحظة لحظة ؟ ياعم تستهبل معي صح ؟!
فهد : استهد بالله ياعبد العزيز
عبد العزيز : سُطام ؟ حاط عينك على زوجتي ياقليل الادب !
سُطام : مو انت مطلقها ؟
عبد العزيز : مالك دخل !
سُطام وهو يسفه عبد العزيز : ياعم انا ابي نور بسنة الله ورسوله
فهد : يصير خير نشاور البنت
عبد العزيز : ياعم تستهبل ؟
فهد : يا عبد العزيز حتى ولو تبي ترجع لها ماااتقدر ! استوعب هالشيء انت طلقتها بالثلاث!
عبد العزيز : ياعم ذا لا لا لا سُطام ما يستاهلها !
فهد : ليه وشفيه سُطام ؟
عبد العزيز : حاط عينه عليها وهي على ذمتي !
فهد : يا وليدي استهد بالله ، سُطام نشاور البنت ويصير خير
عبد العزيز : ياعم تكفى لا تزوجه نور لا لا لا
فهد : ياولد استهد بالله ، الشور شور نور مب شوري ولا شورك
عبد العزيز : قسم بالله يا سُطام ان لا اطلع عيونك ذي اصبر علي ل اعلمك من ولد عبد الاله!
سُطام : يصير خير
~
ادري ان بارتاتي قصيره بس انا ابغى انزل لكم مع اهل الانستا لو قعدت اجمع البارتات حق كم يوم بطول عليكم تبون كل يوم انزل لكم ؟ ولا تبون اجمع البارتات حق ثلاث ايام او اربع و انزله ؟