أنتي عيونك سالفة سمعتها في ليلة سفر

15

وانا على وعدي
ما احب غيرك لو الكون
يحبني
~
~
مسكت ريوف جهاز سُعود وهي تكسره بقوه
سُعود تقدم وهو يمسك عُمر وهو يضربه : تعال يا ابن الكلب
طاح عُمر بالأرض وهو يحاول يقوم من قوة الضربة استغل سُعود الفرصه وربط عُمر
سمعو عبد العزيز وصقر ان سُعود مسك احد وراحو للغُرفة الي فيها صوت الجهز ولقو سُعود وريوف في الغُرفة وعُمر رابطينه
عبد العزيز : وين نور ؟!
ريوف : مدري مدري ! ماخلوننيي أشوفها جرحها انفك
عبد العزيز بخوف : سُعود انا بدورها انت اربط ذولا كلهم بغرفة وحده ولا تروحون عن بعض!
تقدم سُعود وهو يحضن ريوف : خوفتيني عليك !!
ريوف : اخ قسم بالله اول مره اخاف زي كذا الموضوع يخوف !
سُعود وهو يتصل بالفريق : حول حول تعالو للغُرفة الي بابها اسود لقينا اربع اشخاص وجهزو لي فريقين للمُداهمه باقي مامسكنا مروج المُخدرات في المكان ذا كله مُخدرات
: ابشر طال عمرك
صقر : خير ان شاء الله!!
سعُود : شتبي ؟
صقر : ناسي جرحك! شلون بتدخل للمُداهمه ذي ؟
سُعود : انا ولد عبد الاله محد يهزُمني غير الله !
صقر : والله ماتروح لحالك انا وعبد العزيز معاك
سُعود : يصير خير
صقر : غصب عنك تفهم؟!
سُعود : يالليل يالنشبة ! خلاص طيب
~
" في جهه ثانية من المقر "
نور : سُطام !!
سُطام : اص ولأ كلمة في احد في المقر! بروح اشوف لا تتحركين لين اجي تسمعيني؟!
نور بخوف : انتضرك ، لا تتاخر
سُطام ببتسامة : ابشري
طلع سُطام وهو يطلع تقدم بشويش وهو يشوف المكان هاادي مسكه عبد العزيز من ورا وجلسة بالارض : مين انت؟؟!
سُطام : انت الي مين ؟!
عبد العزيز : اص ولا كلمة ، وين نور؟!
سُطام : ليه مين انت؟
عبد العزيز : انا زوجها !!
سُطام بهدوء : هن...
قاطعت كلامه نور : اتركه! ذا ساعدني مو منهم !
عبد العزيز تقدم وهو يحضن نور بخوف وشوق ولهفه مشاعر ملخبطة : خوفتيييني عليك !
نور وهي تدف عبد العزيز : انا؟ ولا لمار!!
عبد العزيز بتلعثم : اكيد انتي؟ ذا سؤال بالله
نور : عبد العزيز ادري انك كنت تحبها وهي تحبك ! ادري ادري لا تستغفلني! عشان كذا رراافض فكرة زواجي انا وانت! أكرهك أكرررهك ، بكره ياعبد العزيز بكره ورقتي تووصل لين عندي تسمع؟!
نور تركته ب افكاره سرحان : انت شسمك؟
سُطام : انا سُطام
عبد العزيز : بحاول اطلعك من هنا بس عشانك ساعدت نور ولا عاد تسوي هالحركات تسمع؟!
سُطام : زين
~
" عند سُعود وريوف "
سُعود : خذو ريوف ونور للقصر وانا بشوف ذولا
عبد العزيز : صقر ودهم انا لي كلام ثاني مع بنات اللذينا
لمار : ولا كلمة !
عبد العزيز : عسى ماشر ؟! شتبين
لمار : والله يا عبد العزيز، ماسويته غبث فيني كنت مُهدد! هددتني منيره وانت اكثر شخص يعرررف اهلي!
عبد العزيز : المصيبه اني اعرفك ! هاذي المصيبه
لمار : بسألك شلون تنساني بكل هالسهوله؟ شلون ؟؟! مو انا حبيبة قلبك؟! مو انا إلي دائما تقولي أحبك بالهمزه؟ مو انا الي دائماً تحاول ماتكلمني عشان تخلي علاقتنا حلال؟! شلوون تنساااني
عبد العزيز : تتركيني ؟ وتبيني اجري وراك؟! اذكرك بكلامك !! ما أحبك انا ابعدي عني بخيرك وشرك يا لمار ! مصيرك تروحين للسجن لكن عقوبة اخف بسبب انك مُهدده لو تقربين من زوجتي مره ثانيه ياويلك ياويلك
لمار بصوت بكي. : حلووه ذي ! كذب الكذبة وصدقها ، مو انا المفروض اكون زوجتك ؟ مو انا الي دائما تتصدق على امل يدعون لنا ؟ انت ياعبد العزيز ماعادك الحبيب الي اعرفه
" نسيت مين انا ؟
انا الحُب الي كان
الي نسيتو اوان
من قبل الاوان
نسيت اسمي كمان ؟
نسيت يا سلام على غدر الانسان! "
~
" عند صقر في السياره "
نور ببكي : يعني يوم حبيته يطلع يحب ! الله ياخذه المجنوونن
ريوف وهي تهدي في نور : مايستاهل دموعك ! ولمار حزنتني شوي هي مالها شيء ولا سوت شيءٍ الغلط كله على منيره!
نور : اخ ياريوف مدري وش اقول لك الصدق !!
~
" عند المقر "
تقدم سُعود وهو يمسك جوال منيره ويدق على نواف : كلميه قدامنا وقولي له يجي للمقر
منيره : طيب
نواف : الو؟ منيره
منيره : نواف تعال المقر
نواف : اي زين
منيره : لا تتاخر طيب
سُعود وهو يقفل المُكالمة : لو مايجي بقتلك هنا تسمعين !
منيره : كل تبن
سُعود وهو ماسك اعصابة : منيره! ولا كلمة تسمعين
" عند نواف "
: الوو
نواف وهو يتجهز : هلا
: لا تجي للمقر ترا فيه مُداهمه !!
نواف بستغراب : منيره داقه علي؟
: هي مُهدده لا تجي لا تجي
نواف بحقد : طيب قول ل مُساعديني يروحون لمزرعتي !
: ابشر طال عُمرك
نواف وهو يقفل الخط : طيب ياسُعود هين أوريك انا منهو نواف !
تقدم نواف وهو يشغل سيارتة ويتوجه لمزرعته
" في المزرعة "
نواف : يكفي الي خسرناه من البضاعة والسبب هي منيره وسُعود ولازم يتعاقبببون
: ابشر طال عُمرك ، عندك فكرة ؟ تبينا نطبقها
نواف : الفكرة هي ك التالي
: بس يا يانواف الخطة قووية ، وعقابها أعداام
نواف بعصبية : تراددني؟
: لا بس..
نواف : ولا كلمة الي اقوله يتنفذ تسمع!
: ابشر طال عُمرك
~
" عند القصر "
دخلو ريوف وصقر ونور
ام ريوف وهي تحضن بناتها : خوفتوني عللييكم
ريوف : ماما قسم بالله اول مره أخاف كذا حسيت بضعف وخوف وخاصة ان كلهم عيال ! يخوف الوضع
ام ريوف : عساهم بصاقعه تصقع تسبودهم
نور بخفوت : امين
منار وهي تحضن ريوف : ريوو وحشتيينييي
ريوف : اخ اكثرر قسم
ريوف نور الحقيني
نور وهي تلحق ريوف
" في غرفة ريوف "
ريوف : كلامك قاسي نوعًا ما
نور : احسن يستاهل
ريوف : تحبينه؟
نور : لا يخسى مايستاهل حُبي والله
ريوف : أجل ليه زعلانة يوم كان يحب لمار؟
نور : كنت أحبه الحين يخسى
ريوف : للحين تحبينه بس تكابرين اعرفك
نور : امحق يشينه شيناه مابقى الا هو !
ريوف : نشوف
دخلت منار : سُعود وعبد العزيز وينهم؟
كشرت نور من طاريه : باقي ماخلصو
منار : الله يحفظهم
نور : ريوف ، سُطام وش بيصير عليه؟
ريوف : اضن ان عبد العزيز بيخليه يروح
نور : الحمدلله زين
~
" عند المقر "
سُعود : خذو كل العينات والمُخدرات
: أبشر
سُعود وهو يفتح المُكالمة : سم طال عُمرك ، وش بغيت؟
ناصر : ابغى عبد العزيز مايرد علي وينه؟
سُعود وهو بمد الجوال لعبد العزيز
ناصر : انا ما أثق إلا فيك لانك من زمان اعرفك برسل لك موقعين وتقسمو في فريق برا اقسمهم مع الي عندك نص معاك ونص مع صقر
عبد العزيز : بس طال عُمرك صقر عند اخواته وماضنتي يمدي ، سُعود يروح بدال صقر
ناصر : لا لا سُعود توّه مبتدي ماينفع
عبد العزيز : سُعود عن الف شخص مُحترف
ناصر وهو يتنهد : ماعندنا الا اصلا خلاص خله يروح ، لكن يتحمل عواقب أخطأه لو أخطىء
عبد العزيز وهو وده يتكلم بس ماسك نفسه : اي زين
ناصر : اي صح نسيت اقولك ، ريوف ونور لازم يرجعون للمقر ولا يتحركون
عبد العزيز : على اي اساس
ناصر : نحتاجهم ، ولا شلون بنمسك رئيس العصابة ؟
عبد العزيز : زين ، سُعود دق على صقر يجيب نور وريوف معاه
سُعود وهو يدق على صقر : الو ؟
صقر : هلا وش بغيتو ؟
سُعود : جيب نور وريوف للمقر
صقر : ليه عسى ماشر؟
سُعود : أوامر، عشان يمسكون رئيس العصابة
صقر : زين