صحيح غيرك في العذارى مزايين لكن وش يجيب النجوم لقمرها

2

نبدا روايتنا :

-
تحديدا في بيت ( ابو عايض )
لينا : اففف طفشت وانا ارتب المجلس
صقر التفت لها : ياي رتبي بس
لمياء : بعدين محد فاضي لاخوياك
صقر : بسرعه عجلو قبل يجون
لينا : صقققققررررر خلاص وربي مارتب بخليه كذا من زينهم عاد خليهم كذا
صقر توسعت عيونه : أنا اخلي اخوياي يدخلون البيت كذا
لمياء : اي ياروحي يوم تتزوج براحتك بس هنا مافي شي اسمه ترتيب
صقر : يلا يلا انتِ وياها يلا
لينا بهمس : لمياء ذا زودها دوري له عروس وجع
لمياء ضحكت بخفه : اهجدي بروح السوق اليوم بشتري اغراض تجين معي
لينا : اي بجي معك
صقر : خيييررر يلا رتبوووو
لمياء : شرطططط
صقر حط يده على خصره : وش الشرط يالاخت
لمياء وهي تناظر لينا : اممم تودينا السوق بكرا
صقر :اذلفي خلي عايض
لينا : تكففففىى تكفففى
صقر : خلاص روحو طيب الحين بيجون
لمياء ببتسامه : شفتي مارح يردنااا
لينا : اكيددد
 
-
عند بطلتنا :
التفتت على ابوها : يبه طفشانه
زايد : تعالي تعالي وش تبين وين اوديك
وهج : ماعرف طفشانه
زايد ببتسامه : وش تبين اجيب لك
وهج : ابي شوكلت
زايد : ابشري ابشري يلا روحي غرفتك وانا بروح اجيب لك الي تبينه
وهج قربت تقبل راسه

-
( بيت ابو عايض ) :
صقر وهو يرتب المكان التفتت على صوت الباب ونطق : حي حي حي
سعيد : مهبول ذا
صقر : نعممم
عز : بدري
صقر : توه الباب يدق تعالو تفضلو
سعيد وهو يجلس : وش الكشخه ذي
صقر ابتسم بخفه : زوجوني
عز : مهبول صدق
سعيد بضحك التفتت على صقر ونطق : ايه عندي لك وحده صاروخ
عز : اوببببب
صقر توسعت عيونه : قلة ادب مايهم الجمال اهم شي الاخلاقق
عز : اتفق اتفق
سعيد : ياشيخ روح انت وهو من زينكم مين بيطالع بوجيهكم
صقر رفع حاجبه اليمين : شف وش يقول ياشينه
سعيد : أنا؟
صقر : لا انا
سعيد : اي عطني الحلا ذا شكله لذيذ
عز : مو مشتهي كل انت
صقر : اي ياعيال وش تبون
عز رفع عيونه : بنام عندك
صقر : صدق؟
سعيد : هي عندك خوات وش ننام عندك
عز : صح صح
صقر ببتسامه : اهخ ياعيال طفش
سعيد : شراييييكم نروح البقاله نشتري
صقر : قداااامممم امش امش امش
عز : لا إله إلا الله طيب

-
زايد دخل البقاله الي جنب البيت وبدا يدور الشوكلت الي هي تبيه
صقر بصوت عالي : محمدددد عطني عطني ذا
التفتت عليه زايد وناظر فيهم
عز بهمس : شف شف ذا يناظر فينا معجب
صقر : اوح ياعيال شايب بس مز شذا ماشاءالله عيونه خضراء على عسلي وغمازته
سعيد تنحنح : ايييييي وش تبون ياعيال
عز : جب جب لي بطاط وايسكريم
صقر : يحسب نفسه ورع
زايد ببتسامه : خليه الحياه مره وحده
صقر ببتسامه : تسلم ياعم اي مساعده؟
زايد وهو يناظر الاغراض الثقيله وناظر في عيونه : اي لو فاضي
صقر بدأ يساعده والعيال كذالك وبدو يمشون للبيت
زايد : اي ماتقصرون بس دخولها معي
عز : ابشر ياعم
صقر  بهمس : شكله عايش لحاله
عز : ماتوقع شاري شوكلت وحليب شوكلاته واشياء ورعان
صقر : تلقى حق بنته
زايد : وهج تعالي
صقر التفتت عليها وهي نازله من الدرج وشعرها يتطاير كلهم صدو ماعاد هو يناظر فيها
زايد بتوتر : شكرا لكم
صقر :  العفو ماسوينا شي
وهج توسعت عيونها : يبه ليه ماقلت لي
زايد : يابنتي تعبان والله
وهج : سلامتك من التعب بس مره ثانيه قول لي عشان اتغطى

-
صقر : ياعيال شفتو شي
عز ناظر فيه وتقعدت حواجبه : ليه شفت البنت
سعيد : اكيددددد
صقر وهو يحاول ينسى : خلاص اسكتو تكفون

-
وهج : يبه شكرا
زايد : العفو ماسويت شي يلا بروح انام تصبحين على خير
وهج ببتسامه التفتت على صوت الباب : عمر
عمر ناطر فيها : اوبببب ابوي جاب لك ذا عطيني
وهج : لا لا حقي
عمر : مابي اصلا تعبان بروح اريح
وهج : طيب
عمر : روحي
ابتسمت بخفه وتناظر الاغراض وشالتها لغرفتها وبدت تلعب لعبتها المفضله وتاكل وتضحك وتسولف

-
حط راسه وهو يفكر فيها ويفكر كيف منجد البنت دخلت قلبه بسرعه والتفتت على اخوياه الي نايمين صدق وناظر السقف وبدا يهوجس وبدت تجيه الافكار لين غفى

-
( الصباح  7:00 )
صحى من نومه وناظر جواله وناظر الساعه ونطق بهدوء : عز عز
عز بعصبيه : نعممم خير
صقر : عييني عينك بيتي وتقول نعم
سعيد وهو يدخل : بدري
صقر : بسسم لله وين كنت
سعيد : بالحمام الي برا أنا بروح عاد
صقر : الله معك
عز التفت له بسرعه وهو يجلس : صقر تكفى اشرح لي شكل البنت
صقر : اعقبببب وربي ماشرح لك
عز بتأفف : بدينا غيره
صقر وهو يجحد : ماغار بس وش تبي بالبنت الله يستر عليها
عز : اجل يلا سيوووو
صقر : سلام وش سيو
عز بضحكه خفيفه

-
( عند بطلتنا )
صحت من نومها وبدت تاخذ شور خفيف وطلعت من دوره المياه ( الله يكرمكم ) وبدت تنشف شعرها وتتجهز للجامعه وبدت تلبس لبسها وطلعت عبايتها البنفسجيه وتعطرت وطلعت
زايد ببتسامه وهو يناظر فيها : يلا عمر ودها
وهج : لا يبه باخذ سيارتي واروح
زايد : براحتك
عمر : انتبهي لنفسك اي شي دقي علي
ابتسمت بخفه وطلعت

-
( بيت ابو عايض )
ابو عايض بعصبيه شديده وهو يناظر المقلط الي كله اكل : صققققرر
صقر فز من مكانه اول ماسمع صوته وعلى طول دخل المقلط بخوف : سم سم
ابو عايض وهو يمسك كتفه بقوه : نعممم انت وياه جايب اخوياك بدون علمنا وبعد مقعدهم هنا وينامون
بلع ريقه بخوف ورجفه : والله طفشان يبه والله
حط يده على وجه اول ماحس بالكف الي جاه وطلعت عروقه
ابو عايض طلع من المقلط بعصبيه شديده ونطق بصراخ : ليناااا
نزلت من الدرج بخوف : هلا هلا
نطق : قومي رتبي المقلط بسرعههه
لينا : بس..
ابو عايض : لا بس ولا غيره قومي يلا
ام عايض ناظرت بهدوء ماقدرت تنطق شي
ابو عايض جلس وتنهد
لينا والدموع على جفنها : كله بس أنا لينا لينا طفشت
صقر ناظر فيها : روحي رتبي
لينا توسعت عيونها وهي تشوف الكف وبدت تلمس خده بصدمه : ابعدي يدك
لينا : يمه وش الكف ذا
صقر بعصبيه : قلت ابعدي يدك روحي رتبي
لينا هزت راسها وهي تبلع ريقها بينها وبين نفسها : وش بلاهم ذول علي
صقر ركب سيارته وتنهد بضيق وناظر بيت زايد ونزلت دموعه على جفنه وبدا يحرك وناظر البنت الي ركبت السياره وعيت تشتغل معها
طلع من سيارته بسرعه وهو يوقف جنبها : ا.ا تبين شي
وهج ناظرت بعيونه عرفت ملامحه : نعم
صقر : تبين مساعده
وهج : السياره
صقر : اها
وبدا يساعدها وهي بس تناظر عيونه كانها بعالم ثاني وناظرت فيه وهو ينطق : خلصت
وهج ببتسامه : شكرا ماقصرت والله يا..
صقر : صقر صقر
وهج : شكرا لك حيل
صقر : عادي ماسوينا إلا الواجب
ركبت سيارتها ببتسامه
وركب سيارته كذلك ببتسامه كانه ماصار شي

-
انتهى البارت الجميل ادعموني🧚🏻‍♀️💗.