صحيح غيرك في العذارى مزايين لكن وش يجيب النجوم لقمرها

18

( عند صقر ) :
دخل الرياض وهو يوقف عند الاشاره ويتنهد بضيق وناظر جواله الي ماوقف اتصالات مسكه ورماه على المقعد الي جنبه وكمل طريقه وهو مايشوف قدامه
وناظر جواله الي يرن وناظر الاسم وابتسم بخفه ونطق : هلاااا سعيد
سعيد : وينك مختفي يارجال
صقر اخذ نفس وهو يغمض عيونه وفتحها : وينك انت
سعيد ناظر عز : بالاستراحه
صقر : من في
سعيد نطق : عز
صقر قفل الخط وهو يتوجهه للاستراحه

-
( لندن ) :
فتح لها باب السياره ونطق ببتسامه : يلا انزلي
لينا نزلت وهي تناظر المكان : وش المكان ذي
سلطان : سر
لينا : انت ماغير سر سر سر
سلطان ضحك بخفه وهو يمسك يدها ونطق : غمضي عيونك طيب
لينا : غمضت
سلطان حط يده على عيونها عشان يتأكد وبدا يمشي وهي ماسكه يده عشان ماتطيح فتح الباب ونطق : افتحي
فتحت عيونها وتوسعت ببتسامه وهي تناظر المكان الي كله ورود وناظرت الطاوله الرومنسيه الي كان عليها ورود كذلك وشموع واكل وناظرت فيه ببتسامه : مستحيللللل كل ذا ليهههه
سلطان ابتسم وهو يتجهه للكرسي ونطق : يلا ياقمر
جلست وهي تبتسم وناظرت فيه وناظرت بالارض الي مكتوب Lina & sultan
ضحكت ببتسامه وهي تناظر فيه : ليه تسوي ذا كله ياعمري انت
سلطان ناظر عيونها بهيام ونطق : احبك
صدت عنه بخجل وهي تتصد منه وهو يضحك ونطق : ماودك ناكل
لينا ناظرت بالاكل واخذت الشوكه والسكين وهي تقطع الستيك وتاكله

-
( بالديره ) :
دخلو البنات وهم يجلسون بالجلسه الصغيره ونطقت لمياء : بنات وش الطفش ذا الديره الصراحه كئيبه
ريم : مسويه اول مره تروحين لها
ناظرت حور الي تهوجس ونطقت بضحك : شعندها المزه تهوجس
حور فزت وهي تحاول تبتسم ونطقت : وش فيه
لمياء : معلينا وش نلعب يلا
تغريد : مسكينه ريماس تعبها الحمل شوفيها قاعده مع الحريم وراسها يوجعها
لمياء : ياعمري عليها والمشكله بعد توها بتدخل الرابع
حور : ما شاء الله مرت بسرعه
لمياء : ايي يحمس بنعرف جنس الجنين بعدييينن
ريم ضحكت وهي تناظر فيهم : لو بنت سموها ريم
لمياء ناظرت فيها من فوق لتحت ونطقت : لا بعدين تقول الصراحه زرافه
حور ضحكت بقوه وهي تنطق : الصراحه زرافه
تغريد : بنات معليناااا شرايكم نروح الحين مدام الوضع شوي عند الرجال يعني والحريم كذلك نطلع للاسطبل
لمياء وهي تحط يدها على راسها : اي يراسي اي يراسي تعرفين وينه الاسطبل يالخبله
ريم : فكره حلوه منجد قومو قومو
لمياء : لا والله بعيد
ريم : بنات تكفففوننن يلااااا
حور اخذت البلوفر الاسود والبنطلون الآسود كذلك والبنات كلهم كذلك نفس الشي واخذو معاهم اغراضهم ونطقت ريم : بنات نروح من الباب الخلفي
لمياء : اي اسمعو جبتو الشاحن
حور ناظرت شنطتها : اي معي
تغريد : وانا معي المويه والاكل والفرشه
لمياء : تماممم يلا ننطلقققق
ريم وهي تركض ووراها لمياء وبدو يضحكون ونطقت ريم : بنات تعالو تعالو
لمياء وهي تمشي : بنات كملو مشي
ريم : يالليل
مشت وراهم وهي تناظر حولها بخوف ونطقت : بنات يخوف
لمياء : اسكتي وصلنا
ريم : ماحسيت الصراحه كالعاده لازم سياره
لمياء : من كلامك
ضحكت وناظرت فيهم وهم يدخلون الاسطبل ودخلت وراهم وتغريد ناظرت المكان واخذت جوالها وبدت تصور صور حلوه وناظرت بحور : حوري جيبي الحصان الابيض يهبببل
ريم : اي يهبببللل
لمياء جلست وهي تناظر فيهم وتضحك وبدت تصور لوهج ووهج تناظر المقاطع وتضحك ونطقت لمياء : كل وحده حصان
تغريد : كلنا نعرف صح
حور : يبنات يخوف ماحبه ريحته اوععععع
لمياء مسكت ذراعها وهي تركض : بالله انطمي الحين اعلمك السنع
حور وهي تصارخ متقرفه كذلك
ريم ضحكت عليهم : حور خوافه اول مره اشوفك خوافه
حور : طسي انتي والخيل الأسود يخرش
ريم ركضت بالخيل وتتوجه لحور وحور تركض والخيل رفسها من ظهرها وحور طاحت بالارض والبنات يصارخون ووقفت ريم وهي عيونها تدمع ونطقت : حور اسفهههه والله ماقصدي والله
لمياء بصراخ : ريييمممممممم
تغريد ركضت وهي تجيب المويه وترشها على وجهه حور وحور مغمى عليها ونطقت لمياء : كيف نشيلها الحين دقووو على اي احد
ريم اخذت جوالها وهي تدق على سعود