صحيح غيرك في العذارى مزايين لكن وش يجيب النجوم لقمرها

6

( عند لينا ) :
التفتت بتوتر وهي تدخل المجلس وتحاول تبين الابتسامه
ابو عايض : تعالي يابنتي
جلست جنبه وهي منزله راسها
ابو سلطان : والله يالينا ولدي يبيك لو مايبيك ماخطبته لك لاكن بتكلمين دراستك عادي وبتدخلين الجامعه وهو بيساعدك مدام انه يفهم بالجامعات
هزت راسها ( تمام ) ببتسامه
ابو عايض : يعني موافقه
نطقت : الي يريحك
ابو عايض ببتسامه : توكلنا على الله
طلعت من المجلس بفرحه وتوتر ورجعت غسلت وجها كامل وتضحك

-
( عند البنات ) :
ريم بضحك : عاد ذاك اليوم يموتتتتت
لمياء: ايييي حسبي يالله
وهج ابتسمت بخفه وهي مو فاهمه وش يقولون
ريم : وين اختك طولت
حور وهي تطقطق بجوالها مو مركزه معهم
ريم ناظرت فيها من فوق لتحت : انتي بس على الجوال اتركيه تكلمين مين
حور بتوتر وهي تقفله : ولاشي
وهج بشك
ريم ابتسمت بخفه : وين اجوان مالها حس
وهج : اعوذو بالله انشاء الله ماتجي
ريم : ترا بقي بنتين بيجون بكرا
وهج : مين؟
لينا فتحت الباب بضحك : هاي
ريم : وين طسيتي
وهج : خاينه
لينا : انااااا؟
لمياء : وش بها ذي الفرحه شوي وتاكلها
لينا : بنات خلاص وين تغريد
وهج : بالمطبخ تساعدهم
لينا : اها كم الساعه
ريم : وش عليك من الساعهه الوقت متأخر أصلا
لينا : غريب ليه للحين صاحيين
ريم : صح امشو نرقد والصباح نفطر
رتبو الفرش وبدت كل وحده تدخل بالنومه ماعاد وهج الي تهوجس ولا جاها النوم فتحت جوالها ودخلت السناب تشوف ستوريات البنات ببتسامه وناظرت الساعه وطلعت من الغرفه بهدوء عشان محد يقوم وراحت المطبخ وهي نست تجيب الطرحه
ناظرت المطبخ وبدت تطلع التوست والجبن وتحط
صقر الي كان جالس : بسم لله
وهج صرخت بخفه : اعوذو بالله من وين جيت انت وخير داخل علي ياقليل الادب لا تناظر صد
صقر : لا إله إلا الله صاد
وهج : افف نعممم وش تبي ناشب
صقر ابتسم بخفه : ابي معك توست
وهج ناظرت يده : وريني يدك
صقر رفعها لفوق
وهج : قوم سوي لنفسك
صقر عقدت حواجبه وسوا لنفسه وناظر فيها : وهج
وهج توسعت عيونها بصدمه كيف يعرف اسمها : ايشش؟
صقر : انا صقر يالاخت
وهج : اهاا صقر
صقر ببتسامه : تعالي نجلس
وهج : ومن انت عشان اجلس معك بروح الغرفه ارقد
صقر : براحتك فرصه سعيده
وهج ناظرت فيه من فوق لتحت وطلعت
صقر بضحك  وهمس : مهبوله

-

( الصباح الساعه 7:20 )
ريم وهي تلفتت تناظر البنات وجسمها متكسر وناظرت لينا الي نايمه ورجولها فوق وجه وهج ضحكت بخفه : يالله بناتتتتت
لمياء فزت : يمه اعوذو بالله وش بك
ريم : يلا بسرعه الفطور عجلو عجلو
بدو يرتبون المكان ماعاد وهج الي غاطسه مو حاسه على نفسها
لينا ضحكت : حرام خلوها تعبانه شكله
ريم : بلا دلع قومي قومييي
وهج بصوت نايم : ها وش تبون
ريم : قومي نبي نفطر
وهج غطت وجها بالشرشف : مالي نفس
ريم : الي يريحك يلا بنات

-
( بالمقلط )
محسن بصراخ : ياعياللل يلاااا
عايض : بسم لله اعوذو بالله لا إله إلا الله بسم لله على قلبي وقلوب الي جنبي يارب
محسن : ختمت كل شي علينا اهجد يلا فطور
صقر بنوم : مانمت زين
سلطان ضحك بخفه : يلا وربي يجي عمي يسطرنا كلنا
وبدو يقومون وكل واحد بدأ يرتب نفسه وكذالك عند البنات

-
( بالمطبخ ) :
ام عايض : حطي ذا
ريم وهي تمسك الملح : ياخاله احس ذا مافيه ملح
ام سلطان : يويليييي حطينا ملح
ريم : اوبب سوري
ام محسن بضحك : حور قومي ساعديها
ريم : الحين الفطور وين نحطه عشان احط الاغراض
ام عايض : بالمجلس الكبير عاد كلنا بناكل من بعض
ريم : اي صح بس وهج كيف؟
ام عايض بوهقه : نايمه عادي نبقي لها
ريم : اي صح صح
لينا ببتسامه وهي لابسه السماعه وتفتح اغنيه وتغني بهدوء وتكمل طبختها
ريم بغمزه : شفيه الحلو يهوجس
لينا فزت : بسم لله وش تبغين
ام عايض: اي ياام سلطان مبروك على عيالنا
ريم عقدت حواجبها بصدمه : شسالفه
ام عايض : سلطان خطب لينا
التفتت بسرعه على لينا ونزلت منها السماعه : قليلة ادببب خير ماقلتي ليييي
لينا : يمه بسم لله مجنوونه انتي
ريم : انخطبتي
لمياء : نعم!!!
ريم : حتى الاخت ماتعرف ليه تخبين عننا
لينا رفعت راسها للسقف : يارب صبرني
ريم طنشتها وبدت تحط الاغراض توديها للمجلس

-
( بالمجلس ) :
ابو سلطان : اي والله الاجواء ذي رهيبه
ابو محسن : يعني شوي شوي بيبدا البرد القوي
ابو عايض ابتسم بخفه : اي ومتى الملكه
ابو سلطان ناظر سلطان : ياعم الملكه باذن لله بعد المخيم
ابو عايض : حلو حلو
دخلت ريم ومحد انتبه لها
ابو عايض : بسم لله انتي من وين جيتي
اللكل التفت لها
ريم ضحكت بخفه : توني دخلت
صقر : اقول اطلعي وش تبين جايه هنا
ريم ابتسمت بخفه : مافيها شي لو جيت هنا كلهم عمامي
صقر : والعيال!!
ريم : ياي مالك دخل فيني وابشرك اليوم الفطور كلنا بنقط بالسفره
صقر طنشها ونطق : خلاص طيب اطلعي
ريم ناظرت فيه من فوق لتحت وطلعت

-
( بجهه ثانيه عند وهج ) :
صحت من نومها بتعب وتحس رجولها مو شايلتها التفتت على جواله وبدت تدق على لينا تساعدها شوي
لينا : هلا
وهج : تعالي الغرفه
لينا : يلا يلا
وهج ناظرت الباب الي انفتح : لينا
لينا : هلا وش فيك
وهج ابتسمت بخفه : مافيني شي بس تعبانه شوي
لينا : سلامتك من التعب قومي افطري معنا
وهج هزت راسها ( تمام ) وراحت غسلت وجها وحطت ميكب خفيف وطلعت معها

-
( بالمجلس ) :
ام عايض : يلا يلا اجلسو
الكل بدأ يجلس ويفطر ماعاد صقر عيونه على البنات يدورها من بينهم ووده يقول وينها بس سكت
ام عايض : صقر وش فيك افطر
صقر : تمام تمام
ريم : ياخاله وين لينا
ام عايض : مدري عنها
لينا دخلت ببتسامه وبدت تفطر بهدوء ومالاحظت العيون الي عليها
ام سلطان بهمس : وين وهج عاد ماكلت شي
ام محسن : شكلها نايمه
ابو عايض : منهي الي نايمه وش بكم كذا
ام عايض : محد محد
ام محسن بهمس : حرام البنت
ام عايض بهمس : عادي نعطيها فطور أصلا حطيت فطور بالمطبخ اكيد راحت تاكله يعني
سلطان الي يناظر لينا ببتسامه ولينا ماتنتبه له وهو وده يقعد جنبها بس سكت وبدو ياكلون بهدوء

-

سبحـان الله والحمـدلله ولا اله الا الله
والله اكبر ولا حول ولا قوة الا بالله🤍

البارت قصير لاني انشغلت🧚🏻‍♀️💗.