صحيح غيرك في العذارى مزايين لكن وش يجيب النجوم لقمرها

20

( العصر في بيت ابو عمر ) :
فتحت الباب وهي تناظر فيه واول مره تشوفه وناظر فيها ونطق وهو يصد : سلام عليكم
طنشته وهي تنادي ابوها ونطقت : يبه هشام يبيك
ابو عمر عقدت حواجبه بستغراب وهو يقوم يستقبله ونطق : ياهلا ياهلا تفضل
هشام : لا والله ياعم بس ابي اقولك كم شي
ابو عمر : وشو
هشام : والله ياعم انا جاي وغصبن عني لان الصدق ابي  الزواج قريب
ابو عمر :  اشوف البنت وارد لك واشوف الوقت المناسب
ابتسم بخفه وهو يطلع وناظر الشخص المتلثم وهو يتجهه له تكتف على باب السياره وناظر فيه : نعم اخوي؟
صقر ابتسم بخبث : وين بيت ابو عمر
ناظر فيه من فوق لتحت : وش تبي فيه
صقر تقرب منه وهو يناظر فيه بنظره خبث : اول مره أشوفك هنا
هشام : اها زوج بنته
صقر : عنده بنت توني ادري الصدق
هشام ابتسم بخفه : اي بس تبي الصدق مابيها
صقر ضحك : كيف يعني
هشام ناظر جواله الي يرن : عندي شغل خذ رقمي
عطاه الورقه وصقر يناظر فيه من فوق لتحت وركب سيارته وضحك بقوه ونطق بستهزاء : زوجتي ياربي يضحك
أوريك كيف

-
( بالديره ) :
دخل ابو عايض وهو يناظر لمياء وجلس جنبها وهي مستغربه والكل مستغرب ونطق : كيفك
لمياء : بخير وانت
ابو عايض : الحمدلله
ناظر الكل وهو ينطق : جاء واحد طلب يدك
لمياء توسعت عيونها وهي تدمع ولا نطقت بحرف ناظرت ريماس الي تناظر بذهول ومتوتره ونطق : اي نعم واضح ولد ناس وأسلوبه حلو
لمياء : بس مابي
ابو عايض : دقيقه خليني اتذكر اسمه ياربي
ريماس بهمس لحور : يمه تتوقعين مين
حور : مدري بس حماسسسس بيصير عرس يونس
تغريد : بنات اهجدو أصواتكم
ابو عايض : ايييهه فهد بن مصعب شي كذا
فتحت فمها بصدمه وذهول من اسمه وقامت من مكانها ودخلت المجلس وهي تناظر شكلها بالمرايه ووجها الاحمر ونطقت ببتسامه وفرح : مسسستحييييللللل
فتحت جوالها وهي تتنفس بسرعه وناظرت الرساله الي من امس : بتصيرين لي قريب💍
ضحكت وهي ترد : ماتوقعت منككك اخخخ شوي وابكي
رمت جوالها والتفت لريماس الي دخلت وناظرت فيها من فوق لتحت : اجل فهد
لمياء قربت منها وهي تناظر في عيونها : نعم وش تبين
ريماس ضحكت بستهزاء وهي تجلس وتحط رجولها فوق رجولها اليمين ونطقت : تكلمين فهد
لمياء : ماعرف فهد منهو أصلا
ريماس : لا تسوين نفسك مجنوونه قريت كل كلامكم
طلعت من المجلس وهي طنشتها ولمياء الي في حالة صدمه وحطت يدها على جبهتها وحست بحراره قويه

-
( لندن ) ؛
فتحت عيونها وهي تناظر شكلها وفزت وناظرت سلطان الي نايم ومادرى عنها فتحت الدولاب وهي تطلع لها بلوزه وبنطلون ودخلت الحمام
وفتح عيونه لاكن ناظرها وهي طالعه من الحمام وصدت عنه ونطق : ليه تصدين عني جاوبيني
لينا طنشته وهي تطلع برا الغرفه وجلست بالصاله وفتحت جوالها
ركض لها بسرعه وبغضب سحب منها الجوال وهي مرعوبه ونطق : مره ثانيه اكلمك وتصدين مره تطنشين شوفي وش بيصير لك
دخل الغرفه وخلاها مرعوبه كثييييررر وطلع من الغرفه وهو يطلع من الفندق وتركها ونطقت بخوف : الله ياخذك
اخذت جوالها بسرعه وهي تشغله وقفلت باب الغرفه بالمفتاح اكثر من مره ودخلت الغرفه وناظرت شكلها ببتسامه وهي تطلع الفستان الاحمر الي ودها تلبسه من زمان لبسته وهي تتأمل تفاصيل جسمها الي طالعه وانسدحت وبدت تغفى شوي شوي