صحيح غيرك في العذارى مزايين لكن وش يجيب النجوم لقمرها

3

لينا : لمياء تعالي كيف بنروح السوق وابوي معصب وعايض بيجي يوم الخميس والاخ بيرجع آخر الليل
لمياء : يالله ليه يتهاوشون مب وقتهم
دخلت ام عايض ببتسامه : وش تسون
لمياء جلست جنبها : نبي نروح السوق بس ابوي معصب
ام عايض ضحكه بخفه : روحي المطبخ وخذي الصحن وديه للجيران الي جنبنا
لمياء : من هم؟
ام عايض : روحي اعطي البنت الاكل وروحي معها يالينا
لينا ببتسامه : الله يلا يلا
لمياء دخلت المطبخ وخذت الصحن ولبسو عباياتهم وطلعو

لينا : محد يفتح شذا
لمياء : اص اص
عمر بعصبيه شديده وهو يفتح الباب بقوه وناظر فيهم : نعم؟؟
لمياء : بسم لله نبي صاحبه البيت
عمر : اختي بالجامعه وش تبون
لينا : اجل خذ الصحن
عمر ناظر الصحن وناظر فيهم : يعطيكم العافيه
لمياء بهمس : تهقين يطلع كذاب بكرا نروح ونشوف صادق ولا كذاب
لينا : اي يلا سلام

-
دخلت الجامعه ببتسامه وهي تتذكر الموقف وتضحك بخفه وناظرت بصديقتها الي جايه ركض لها : حنينننن
حنين ببتسامه : يوه اشتقت لك وللجامعه
وهج ضحكه بخفه : كلنا والله كيف الحال والأخبار
حنين : كله تمامم بقولك شي
وهج عقدت حواجبها : وش
حنين : اول شي ناخذ قهوه ونجلس واقولك
وهج : تحمست شي حلو؟
حنين رفعت كتفها ( مدري )
وهج : تعالي ناخذ قهوه
حنين بدت تطلب قهوه اثنين وجلسو
وهج : اي وش
حنين : انخطبت
وهج توسعت عيونها وحطت يدها على فمها ببتسامه : امانهههه صادقه
حنين : اي والله ملكتي بعد اسبوع لازم تجين
وهج : ابشرييييي
وبدو يسولفون ويضحكون لين راحو للمحاضره

-
اما عند صقر دخل الكوفي وطلب له قهوه وحط الايباد على الطاوله وبدا يشتغل

-

( العصر في بيت ابو عايض ) :
لينا : يمه تكفيييننن الله يخليك بروح اشوف البنت تكفين يمكن حلوه
لمياء : مهبوله
ام عايض ببتسامه وهي تناظرهم : خلاص روحي بس انتبهي لنفسك
لينا : ابشرييييي
ابو عايض تنهد وناظر فيها : وقفي وين رايحه
لينا بتوتر : عند جارتنا
ابو عايض : ومن هي ذي
لينا : يبه تكفى بتعرف على البنت
ام عايض ناظرت فيه : والله انعجبت بالبنت حليله
ابو عايض : روحي
لينا توسعت عيونها لاول مره مايرفضها ولا شي وبسرعه دخلت غرفتها وقفلت الباب وحطت راسها على الباب بضحك ونطقت : يبه يبه مستحيللل

-
( بيت عايض ) :
التفتت وهي تناظره : عايض
عايض ببتسامه وهو يحب اسمه من لسانها : عيون عايض وقلبه
ابتسمت بخجل وناظرت بعيونه : ابي اخرج
عايض : بس ذا ابشري وسمي وامري وش تبين بعد ياعيوني
ريماس مسكت يده وناظرت فيه : تدري قد ايش محظوظه فيك
عايض : وانا محظوظ فيك احبك وش تبين دايم قولي لي انا مارح اقصر معك بشي
ريماس : اعرف انك ماتقصر اعرف انت عوضتني بكثير أشياء ماجربتها محظوظه فيك حيل
مسك راسها وحطه على حضنه وبدا يتأملها ببتسامه ونطق : احبه حب يضرب القلب بالقلب خلي خذا قلبي وانا اخذت قلبه.
ضحكت بخفه : خلاص يكفي
عايض : واضح الخجل فيك يلا قومي جهزي بوديك معي
عقدت حواجبها : وين وين
عايض ببتسامه وهو يناظر فيها من انعكاس المرايه : لا تخافين بس بوديك وبرجعك
هزت راسها وراحت تلبس سريع سريع وتطلع معه
عايض : البسي اي شي حتى لو مو ساتر
ريماس بحماس : يالله عايض وش تكفى
عايض : لا تقولين تكفى خليها مفاجاءه
ريماس : طيب
عايض : يلا مشينا

-
( عند لينا ) :
لينا بدت تمشي لين وصلت للبيت وبدت تدق الباب والجرس وهي فرحانه اخيرا بتشوف بنت جيرانهم وصدت اول ماسمعت صوته الي ينطق
عمر فتح الباب وعقدت حواجبه وضحك : يالله ادخلي ادخلي
لينا توسعت عيونها ونطقت بهمس : يع ماعنده سلام حتى
عمر : السلام عليكم يالجاره
لينا : وين المدخل
عمر : قدامك تعالي اوصلك
لينا بدت تمشي معه وهي تناظر البيت وش كبره وتناظر القطاوه وتناظر الحديقه حقتهم ونطقت بينها وبين نفسها : ماشاء الله معقوله بس هي واخوها ولا في ابوها بعد وامها
عمر : وهجج تعالي
وهج الي كانت لابسه الروز وشكلها حالة حاله فزت اول ماشافت البنت وصدت بسرعه
عمر بضحكه : معليك يالجاره الحين تجيك باحسن لبس
ضحكت بخفه وهي تجلس وتناظر البيت وحست بهدوء ومحد حولها
اما عند وهج ركضت للدرج وهي وجها مقلوب من الفشله الي صارت وراحت بسرعه اخذ شور سريع وعدلت شعرها ولبست لبس عادي وتعطرت ونزلت
وهج : حياك حياك
لينا ببتسامه : الله يحيك
وهج ابتسمت بخفه : اي جارتنا انتي؟
لينا : اي جنبكم عاد اول ماسمعت انه في جيران وفي بنت بعد على طول نقزت
وهج بضحك : عمر قال لي انه امس جيتي وكنت بالجامعه
لينا : اي
وهج : عرفينا علينا
لينا : انا لينا
وهج ببتسامه : اسمك حلو ماشاء الله وش اسم اختك يعني عرفينا على اهلك
لينا : اختي لمياء واكبر واحد في العايله عايض انتصر حبه هو والي يحبها من الطفوله وعندي صقر نشبه الصدق مره غثيث وعصبي شوي وبس
وهج : ماشاء الله الله يخليكم لبعض
لينا حبت تلطف الجو : مو حابه تورينا امك
ناظرت فيها وهج ونزلت راسها بهدوء : متوفيه
لينا حطت يدها على فمها ونزلت دمعتها على جفنها وناظرت بعيونها : وهج والله اسفه ماتوقعت والله الله يرحمها
وهج ببتسامه ماتبين الحزن : لا عادي شدعوه اهم شي هي راحت في مكان احسن
لينا : اي صادقه ماشاء الله بس انتِ وابوك واخوك
وهج : اي والله صح عمر عصبي شوي بس مايبان
لينا ناظرت بشعرها وناظرت العقد الي على رقبتها : اممم احس ورا العقد سر
وهج بضحك قوي : محطيه صورتي انا واهلي
لينا : الله وبعد شكل قلب وريني
وهج بدت توريها وبدو يسولفون ويدخلون ميانه مع بعض

-
(اما عند عايض & ريماس )
ريماس بطفش وهي تناظر الطريق : اوف ياعايض طفش وين موديني
ناظر فيها وضحك بخفه : وش فيك مستعجله الحين تشوفين
ريماس بدت تناظر غروب الشمس وناظرت فيه : تذكر يوم زواجنا صورنا مع غروب الشمس لاني احب الغروب
ابتسم بخفه وهو يمسك يدها ونطق :
‎معاك الدنيا شي ثانـــــــــــــي معاك الدنيا ذي احلى
‎ومهما كانت الدنيـــــــــــــــــا معاك احلى اكيد احلى
‎تخيل دنيا من غيــــــــــــــرك او لحظات من غيرك
‎انا ما اشوف في الدنيـــــــــــا وفي قلبي احد غيرك
ابتسمت ابتسامه تدخل القلب ونطقت : الله يخليك لي يااحلا عايض
عايض نطق : احبك
نزلت راسها بخجل والتفتت اول مانطق : انزلي
ريماس : اصبر ذا بحر
عايض : شوفي اليخت
ريماس توسعت عيونها : تمزح حلمي دايممم اركب كذاااا عايض احللفففف
عايض فتح لها الباب : والله ياعيون عايضض
حضنته بقوه والدموع تنزل : تعرف قد ايش احبببك
عايض : اعرف وذا قليل بحقك تعالي اوريك
وبدا يوريها المكان وهي تصور وفرحانه لان اخيرا تحقق حلم طفولتها

انتهى البارت💕😢
صلو على النبي
ادعموني بنجمه...