( بيت ابو عايض ) :
فزت من نومها من كابوس مرعب حطت يدها على قلبها ودموعها خدها وتتنفس بسرعه
دخلت لمياء بصدمه : بسم لله شفيك انتي
لمياء جلست على طرف السرير : قاعده اتكلللللم
لينا بغضب وهي تدمع : انقلعبيبي
لمياء ضحكت بخفه : اكيد كابوس
لينا بكت بقوه ومسكت يدها : لمياء شفت عايض يطيح
لمياء : يطيح وينن!
لينا برجفه : ماعرف ماعرففففف دقي عليه خايفه
لمياء عقدت حواجبها ومسكت جوالها تدور رقمه ودقت مرتين ورد : عايض
عايض بصوت نايم وهو يلتفت على ريماس : لبيه
لمياء : خذ كلم لينا
لينا وهي تأشر لها ( لاا)
لمياء : خذي كلميه خوافه
لينا وهي ترجف وتبكي : عايض انت بخير طمني عليك تكفى وين قاعد إذا في البيت تعال انت بخير انت كويس ولا فيك شي
عايض مسك قلبه : بسم لله علي بخير بخير وش فيك يابنت الحلال
لمياء بصوت عالي : كابوسسسس
عايض : اجل كابوس روحي ارقدي
لينا ببكاء وهي تنطق : عايض حلمت انك تطيح م
عايض : دايم اطيح وش الجديد!
لينا : تطيح من الشباك
عايض : لا إله إلا الله تخوفين تراك جاي الحين
قفل الخط والتفتت على ريماس الي تناظر وعقدت حواجبها : تكلم مينن؟
عايض : شف الثانيه اختي اختي
ريماس : ورني
عايض : تشكين فيييني!
ريماس ضحكت بخفه : ماغار يعني
سحبت الجوال ولقت مكتوب لينا وضحكت
عايض: مهبوله بروح الحين بتجين معي ولا
ريماس : طبعا بشوف وش صايير
عايض مسك يدها وقبلها بخفه : يلا
ريماس ابتسمت بخجل وهي تقوم من السرير وتدخل الحمام ( الله يكرمكم )
عايض كذلك دخل الحمام ( الله يكرمكم ) لاكن الثاني
وبدو يتجهزون
-
( عند وهج بالمول ) :
وهج وهي تدور فستان مالقت فستان يناسبها وبدت تدور بالمحلات ونصها مقفله والتفتت على فستان سكري ضيق ومناسب لجسمها ابتسمت بخفه وتدخل المحل : لوسمحتي الفستان ذا بكم
: السعر .... حابه تشوفينه
وهج : أي إذا ممكن والمقاس كذا
راحت تجيب لها الفستان وعطتها : ذا هو في غرفه قياس
وهج التفتت عليها وراحت تدخل وتجربه وبعد ماجربته حطت يدها بخفه على خصرها وابتسمت : يجننن اهخخ والشعر ويفي بعد
قررت تاخذه مدامها لقته مناسب لها ودفعت وراحت تتمشى
شافت دانكن من بعيد وراحت متوجهه له وفرحانه وماسكه جوالها تصور لحنين
عقدت حواجبها يوم حست بالكيس الي طاح وناظرت بالرجال الي اخذ الكيس ونطق : تفضلي
وهج ناظرت عيونه وتوسعت عيونها بصدمه ومانطقت بحرف وخذته
صقر عرفها بسرعه وابتسم بخفه وناظر فيها وهي مصدومه لاكن ماهتم ويبي يفتح معها سالفه : تذكريني؟
وهج ضحكت بتسليك ونزلت راسها : اي
صقر : وش جابك هنا الصباح
وهج : احس مالك دخل
صقر ميل شفايفه وغضب بخفه : طيب
وهج مشت من عنده وهي تتافف وتكلم نفسها
صقر : وهج
وهج ابتسمت وهي تسمع نطق اسمها من لسانه التفتت بثقل : نعم؟؟؟
صقر : اي مسويه ثقيله وقبل شوي تبتسمي
وهج صدت بخجل وهي تروح بسرعه تاخذ من دانكن التفتت يوم مالقته موجود نطقت : يوه الحمدلله نشبه
وراحت خذت القهوه والدونات وترجع البيت
أنت تقرأ
صحيح غيرك في العذارى مزايين لكن وش يجيب النجوم لقمرها
Actionروايتي الأولى وخياليه ومبتدئه🩶🩶.
