صحيح غيرك في العذارى مزايين لكن وش يجيب النجوم لقمرها

10

-
اما عند وهج الي دخلت البيت الساعه
دخلت غرفتها بتعب وخمول وهي تفصخ الكعب والعبايه وتتوجهه للمرايه تمسح الميكب ناظرت جوالها وناظرت بالرساله الغريبه ودخلت على الرساله وناظرت : سلام
توسعت عيونها بصدمه وشافت ولا ردت وقعدت تمسح الميكب سريع سريع وتروح تنام لاكن جوالها ماوقف اشعارات وقررت تبلك الشخص وبلكته وراحت تنام وبالها مشغول مين الشخص

-
( بيت ابو عايض )
لمياء ببتسامه : طيب شوفي زي كذا نسوي
ناظرت ريماس الجوال وضحكت : بالله عليك ذا نسويه لا مستحيل
لمياء : كل شي مايعجبك وش يعجبك اصلا
ريماس وهي تلف بالجوال : امممم شرايك يعني أنا أسوي لعايض يعني
لمياء : حلو وش بتسوين
ريماس : يعني اضبط البيت وكذا
لمياء حطت رجل فوق رجل ونطقت : بس ذا لاززززم تسوين شي
ريماس : يوهه شوي ويجي عاد مدري كيف اقول له بس شرايك كذا يعني اقول له بطني حيل يوجعني ابي المستشفى وهو بيوديني ومره وحده اخرشه
لمياء : والله جبتيها تم تمممم
لينا دخلت وعقدت حواجبها على ضحكهم : نعم وش تضحكون عليه
لمياء وريماس ناظرو في بعض ونطقت  لمياء : وش متى ضحكنا
لينا : معلينا عايض تحت وانتي يالمياء تعالي معي حسابك معي
ريماس ضحكت بخفه وهي تلبس عبايتها : وش بها غيرانه
لمياء بهمس : شكله
مسكت يدها لينا وتوجهو للغرفه

نزلت تركب السياره وفتحت الباب بهدوء ونطقت : اهلين
عايض التفتت لها وابتسم بخفه : هلا هلا وش فيك تقولين بطنك
ضحكت بخفه ونطقت : اي ودني المستشفى
عايض عقدت حواجبه : وش تقولين
حست انها بتخرب المقلب وصرخت بشويش : ودنييييي الحييينيننن
عايض بصدمه وهو يسوق ويسرع ويناظر فيها وهي تصارخ بمزح وداخلها ضحك قوي لاكن ماخربت المقلب وصلو المستشفى وهي وقفت صراخ شوي شوي ونطقت : ودني عند الدكتوره ... هي تعرف هي
عايض مسكها وراحو يتوجهون لها ودخلو بشويش ونطقت الدكتوره وهي تعرف الخطه : هلا هلا كويس جيتي قبل اطلع
عايض : دكتوره وش فيها زوجتي تكفييين
الدكتوره : لا مافيها إلا العافيه بس خليها تنسدح هنا
وانسدحت ريماس وسوت السونار وعايض يطالع بصدمه ويقول : وش النقطه ذي
ريماس ضحكت بشويش ونطقت : بتصير اب
عايض ضحك بصدمه وهو يناظر فيها ويناظر عيونها وشوي ويبكي : تمزحي صح اكيد مقلب
الدكتوره : ليه مقلب وذا قدامك
حضنها بقوه وهي منسدحه ومسكها بقوه وينطق : بصير اب بصيييررر
الدكتوره ضحكت وبدت تشيل الي على ريماس وريماس قامت وهو الفرحه شوي وتاكله ويحضنها ويبوس يدها وينطق : انتي بس امري ياكلي انتي
صدت بخجل وهي ماتعرف وش ترد
وهو كذلك استحى قدام الدكتوره لاكن الفرحه خلته كذا وفرحان وسعيد جداااا ويفكر لو كان ولد وش يسميه ولو بنت ويفكر في أشياء كثيره ويفكر كيف بيكون شكل ريماس وقت الحمل وكيف بتتعبه وناظر فيها ونطق : محلاكي
ضحكت بقوه وهي تناظر فيه بضحك : محلاك انت
ضحكو مع بعض وتوجهو للبيت وهم فرحانين مع بعض وماسكين يد بعض

-

( بعد اسبوع وبعد ماعرف اللكل بالخبر وفرح لهم وفرحه صقر غير من بينهم ) :

( بيت ابو عايض ) :
صحى من نومه بتعب وهو يلتفتت على جواله المرمي مسكه بغضب وحطه على السرير ودخل الحمام ( الله يكرمكم ) وبدا يلبس ثوبه وشماغه ويروح دوامه طلع من الغرفه وهو يسمع الضحكات والسوالف
ام عايض ناظرت الي نازل من الدرج وابتسمت بخفه ونطقت : هلا صباح الخييير
ابو عايض بغضب منه لانه تاخر : اي خير
صقر قبل راس امه وابوه وجلس يفطر معهم التفت على لينا الي ساكته ونطق : وش فيه الحلو ساكت
لينا ضحكت ونطقت : مافي شي
لمياء وهي تهمس : اكيددد!!
لينا : اكيدين
ضحك صقر على همسهم ونطق : يلا استأذنكم
ابو عايض : اي روح روح
ام عايض : الله يهديك خله على راحته
ابو عايض بغضب وهو يناظر فيها : اخليه على راحته وهو دايم يتاخر ليه
صقر صد من هواشهم وطلع بسرعه وركب سيارته
ام عايض : رجال خليه يمكن تعبان
ابو عايض اخذ نفس وناظر بناته الي منزلين راسهم ونطق : اطلعو فوق نامو
سمعو كلامه وطلعو كذلك لغرفتهم ينامون ويرتاحون
ام عايض كذلك دخلت الغرفه زعلانه من ابو عايض

-
( بيت ابو عمر ) :
عمر ناظر فيها وهي تفطر ونطق : الحين خلاص بتروح مني
تنهدت بضيق وهي تشرب المويه : شنسوي ياعمر ذي الحياه
عمر نزل راسه بضيق وهو يفطر بهدوء
وهج : مارح تروح دوامك؟
عمر : لا لا بكرا
وهج هزت راسها بتمام
عمر ناظر عيونها ونطق : تعبت ابيها ابيها
وهج بحزن على حال اخوها : مدري وش اقول لاكن قلت لك بتشوف غيرها واحسن بعد
عمر : لا هي مميزه ابيها هي
وهج : وش اقول لها تطلقي من سلطان عمر يبيك
عمر تنهد بضيق ونطق : يليت خطبتها قبل كل ذا
وهج : الشي ذا مو بيدك الحياه قسمه ونصيب
عمر ضحك بضيق : قسمه ونصيب لو الي ابيها تزوجت وانا ميت عليها كيففف حسي فيني ياوهج حسي
وهج : ماجربت الشعور بس كمل حياتك طبيعي
عمر قام من الكرسي ونطق : بروح انام
وهج : توه الوقت
عمر طنش كلامها وراح لغرفته ينسدح وهو يفكر ودموعه غرقانه لاكن نام

-
( بيت عايض ) :
طفشت وهي تتابع بالتلفزيون ناظرت عايض الي طالع من الغرفه والنوم ماكله ونطقت : وش فيك كذا بسم لله عليك
عايض ابتسم بخفه وجلس جنبها : وانتي
ريماس : بقعد
عايض : لا لازم تنامين
ريماس : غصبب؟
عايض مسك يدها وناظر فيها : اي نعم
سحبت يدها بخفه ونطقت : بكيفي
عايض : تمام بكيفك بكيفك
ريماس ناظرت التلفزيون وبدت تتابع وتناظر نظراتها
عايض : اي ياست ابي كبسه
ريماس توسعت عيونها : انااا
عايض : في غيرك
ريماس : لا مارح اكسر يدي على طبخ توني حامل
عايض : شدخل تكسرين يدك قومي يلا
ريماس تكتفت بعناد : ماني قايمه يلا
عايض ضحك بخفه : امزح معك خلاص
ريماس صدت عنه وناظرت الارض
عايض : بروح انام
ريماس : طيب
عايض بحركه سريع قبل خدها وراح وهي اكلها الخجل وضحكت

-
البارت قصير حاولت اكتب انشغلت حيللل باذن لله أعوضكم
حسابي تيك : anoo_70