صحيح غيرك في العذارى مزايين لكن وش يجيب النجوم لقمرها

26

( عند الحريم ) :
ابتسمت بخفه وهي تنطق : عاد ذا لذيذ
ريماس : ايه يجننن ذقتههه
ريم : ماتحسون طفش من القعده امشو نمشي
وهج : وين نروح ودي نطلع طلعه بس مافي وقت
لينا ناظرت الساعه : اممم نروح كلنا بسيارتك
لمياء : توني عروس وش بيقول عني داشره
لينا : صح ماينفع خلاص نروح حنا ونجيب لك معنا
لمياء : لا والله بجي معكم
وهج : لو مكانك بجلس مع زوجي ياشيخه روحي اجلسي معه
لمياء : اخاف الطلعه تكون حلوه
وهج : معليك بنلقم مخالفه بس
ضحكت لينا وهي تنطق : ابي بطيخ وايسكريم اشتهيت اكله
وهج ناظرت فيها : وش وششش وش
ريم : الحين الوحام يخليك تشتهين أشياء كذا غريبه مستحيل
لينا : شسوي مشتهيه كذا
وهج : ابشري خلاص قومو يلا نخرج
لينا : يلا وحده تجيب العبايات من المقلط حق الرجال
وهج : بقوم أنا وكذا ولا كذا باخذ شنطتي
قامت من مكانها وهي تتوجه المقلط الصغير وفتحت الباب بهدوء وهي تناظر انه مافي احد وناظرت العبايات وهي تاخذها وناظرت شنطتها الي بالزاويه واخذت الشنطه ووقف مكانها يوم سمعت صوت : وهج؟
وهج التفت وهي تناظره واخذت العبايه وغطت نفسها : نعم تدخل علي كذاااا
صقر  نزل راسه : مو قصدي بس ابي اكلمك
وهج بغضب : مابينا كلام أخطبني بعدين كلمني
طلعت من الغرفه بعصبيه وهي تتوجه للبنات

-
دخلت لعندهم وهي وجها مقلوب نطقت لينا : شفيك؟
وهج : مافيني شي يلا مشينا الحين
ريماس : شفيك تكلمي ليه وجهك كذا
ريم : مريضه ذي
وهج ناظرت فيها وهي تقوم من مكانها ونطقت : أنا مريضه؟
ريم : ايه نعم
قربت وهج وهي تشد على شعرها بقوه والبنات يصارخون : عيدي مين مريضه بالضبطططظ
ريم بصراخ : فكينييييي انقلعي شعريييي
ضحكت بخبث : شفتي شعرك ذا بنتفه تنتيف
وبدت تشده اقوى لين سمعت صراخ الرجال الي داخلين المجلس وابتعدت ونطق ابو عايض. : سلامات فاتحين في بيتنا مصارعه خير
وهج الي كتمت ضحكتها وهي تصد ونطقت ريم ببكاء : اوريك يامشترسه
وهج ناظرت فيها بضحك : الصراحه شكلك يضضضححك
ابو عايض : ما شاء الله وش قاعد اقول من اول انااااااا وش الصراخ ذا كله وانتي ارجعي بيتك يلااا لا اشوفك في بيتي
اخذت شنطتها وهي تاخذ المفتاح وناظرت بالبنات وابتسمت بخفه وطلعت من الباب
صقر الي لحقها على طول وهو يقرب منها بسرعه وحاوط خصرها نطقت : صقر
صقر ناظر عيونها : عيون صقر وقلبه وروحه
صدت وهي ماودها تتكلم معه ونطق : ماتبين تكلميني بخليك براحتك بس شوفي بكرا بخطبك وبتشوفين
وهج ضحكت بخفه وهي تهمس : يخطبني وابوه مو راضي حلوه ذي
ابتسم وهو يناظرها متجهه للبيت والتفت له ببتسامه وهي تدخل للبيت

-
( اليوم الثاني فهد & لمياء ) :
فتح باب الشقه وهو يدخل وناظرها منسدحه ونطق : شفيك تعبانه
لمياء : ايه مره
قرب منها وهو يجلس على طرف الكنب وبدا يسوي لها مساج برجولها ونطق : بسم لله عليك فيني ولا فيك ياعمري
لمياء ابتسمت بخفه : بسم لله عليك لا تقول كذا ماحب اخاف
فهد : تخافين علي
لمياء : زوجي طبعا بخاف ياعمري
ناظر عيونها التعبانه وابتسم : تعالي تعالي
قامت من مكانها وهي تحضنه بقوه ومسح على شعرها ويسمي عليها