صحيح غيرك في العذارى مزايين لكن وش يجيب النجوم لقمرها

12

( 3:30 )

فتحت عيونها بتعب ويدها ماتحس فيها مسكت جوالها بصعوبه وناظرت الساعه وقامت من السرير بصعوبه والفستان كان حيل مضايقها وقررت ترجع البيت مسكت عبايتها ولبستها وماتشوف قدامها فتحت الباب بتطلع لاكن حست بشخص قدامها وناظرت بشويش وشهقت
صقر ابتسم بحزن : شفيك
وهج : خير مافيني شي ابعد عني
مسك يدها بقوه ودخلها الغرفه وقفل الباب وهي تصرخ قفل فمها بيده ونطق : اسكتي تكفيييين خليني اتكلم
وهج سكتت ونزلت راسها بدموع
صقر : أنا اسف والله اني احبك ليه تسوين كذا ليه تصدقين كلام ريم ليه وربي ماحب ريم احبك انتِ احبك ماحب غيرك
قاطعته وهج ونطقت : خلا..
قاطعها ونطق : لا تقاطعين كلامي اقول الكلام ذا بصدق بجي ادق باب بيتكم لا تحسبيني بمزح بجي وبجي غصبن عن اللكل
ونطق ببتسامه : احبك
ضحكت بخفه ونطقت : خلني اطلع
ناظر بالباب وناظر فيها وهز راسه : تمام انتبهي لنفسك
هزت راسها وراحت للباب وطلعت متجهه لبيتهم بتعب قوي

-

( بعد اربع ايام ) :
بيت عايض :
جلست بتعب وهي تاكل بسرعه وتناظر عايض الي يتابع ونطقت : ابي بطاط
ناظر فيها بضحك : ماصار حمل وش ذي الشفاحهههه
نطقت بزعل : اقطعها معي
ضحك وعدل جلسته : اسف وش تبين بطاط بطاط وش
ضحكت وهي تفكر : امممم ابي حار نار وابي ببسي وابي كندر وابي حلاو واب..
قاطعها : بس بس وش ذا كله روحي بس
ريماس : طيب ابييييي بعدين يطلع ولدك فيه وحمه
عايض : شعرفك انه ولد
ريماس : ماعرف
عايض ابتسم بخفه وهو يمسك مفتاح سيارته ويرميه لها : يلا روحي
ريماس اشرت على المفتاح : اروح اناااا تستهبل ماعرف
عايض : اص اص روحي البسي عبايتك
ريماس : اننن
عايض : يازينك يلا انتظرك بالسياره
ريماس : شكراا
عايض : بس قول ابغى وانا اقول حاضر
ابتسمت بخجل وهي تلبس عبايتها

-

( بيت ابو عايض ) :
لينا بغضب وهي تشيل الحوسه بتعب وناظرت بلمياء الي تفكر ونطقت : خيرررر قومي ساعديينيييي
لمياء ناظرت فيها من فوق لتحت وطلعت لغرفتها
تنهدت لينا بعصبيه وهي تنطق : حسبي يالله عليكم تعبتونييييي اففف
ام عايض دخلت بهدوء وهي تجلس : اجلسي اجلسي بكلمك
التفتت لينا بستغراب وجلست جنبها بهدوء
ام عايض : سلطان اجل زواجكم
ضحكت لينا ونطقت : ايش؟
ام عايض : اي بيخليه بعد اسبوعين
لينا توسعت عيونها بصدمه ووقفت وهي تنقز: نعمممم ماجهزت شيييي وأغراضي يمههه
ام عايض : يابنتي اجلسي مافي شي الحين نقوم نسوي كل شي
لينا : كيفففف
ام عايض بضحك وغمزت : نعرف الكلام ذا قبل اسبوع وجهزت لك
لينا جلست بهدوء وهي حط يدها على قلبها : يوههه الحمدلله
ام عايض : يلا قوومي لغرفتك نروح السوق
ابتسمت بخفه وطلعت غرفتها
التفتت لمياء وهي تناظرها ترتب اغراضها ونطقت : وش فيها العروسه
ضحكت لينا وناظرت لها : خلاص بروح
لمياء : المفروض انا بس يلا الله يوفقك
لينا جلست وعقدت حواجبها: كيف يعني
لمياء : لااااا اقصد المفروض أنا اول وحده
لينا : عادي عادي المهم بنروح السوق
لمياء عدلت جلستها ووقف وناظرت بشكلها : يلا
لينا : اصبري روحي قعدي صقر
لمياء طلعت من الغرفه متجهه لغرفه صقر  فتحت الباب بخفه وفتحت الاضاءه ونطقت : يلااااااا صصصصصقورررر
صقر فز من نومه وغمض عيونه بسرعه ونطق بصراخ : انقلعي برا
لمياء قفلت الباب بسرعه وراحت ركض للغرفه بخوف
صقر نام ومادرا عنها

-
( عايض & ريماس )
فتحت باب السياره ببتسامه وبدت تجلس وتحط الحزام وناظرت في عايض الي يناظر لها ونطقت : أكلتني بنظراتك
عايض ضحك بخفه وهو يحرك : اي مغرم
ناظرت الشباك بخجل ولا ناظرت فيه
عايض : ترا الخجل واضح من عيونك
ناظرت فيه بضحك : يعني خلاص ماستحي
عايض : لا ابد انتِ حلوه بكل شيييي يوم تستحين اذوببب
ابتسمت وناظرت يده ومسكتها ونطقت : صدق بصير ام
عايض : يوه توها تستوعب
ريماس : قاعده اتكلم صدق
عايض : لا
ريماس : خلاص خلاص بصير ام واحلا ام
عايض هز راسه وناظر جواله الي يرن ورد : نعمممم
لمياء : اخوك عصب علي
عايض : شسوي
لمياء : نبي السوق
عايض ناظر ريماس : أنا مع الحب مشغول
لمياء ضحكت : خلاص بس تعال تكفىىىىىىىىىىىى
عايض : وش تكفى ذي طيب طيب جاي
ناظرته ريماس بستغراب ونطقت : مين
عايض : لمياء يبون السوق
ريماس : الله وناسهههه بقعد اسمع سوالفهم الزينه مو زي سوالفك البيض
عايض صد بمزح وهو يزعل : افا
ريماس تحسبه صدق وناظرت عيونه ونطقت : والله احبك مو قصديييي بس احب سوالفهم انت تعرف
عايض ناظر فيها  وش قلتي
ريماس : قلت مو قصدي
عايض ابتسم بخفه : لا لا والله ايش
ريماس ضحكت من قصده ونطقت : احبك
عايض : واناااا احببببككك
ضحكت بخفه وكملت تناظر بالطريق وعايض متجهه للبيت

-

( بيت ابو عمر ) :
عمر ابتسم وناظر وهج الي عارفه بهواجيسها ونطق : تهوجسين فييينيي
ناظرت فيه من فوق لتحت ونطقت : اهوجس فيك
عمر بصوت ضخم  : اي نعممم
ضحكت بقوه : لا تكفى انطمممم يعععع مافكر فيك حتى
عمر : اخت على الفاضي
ناظرت فيه ببتسامه وتفكر كيف بالسرعه تخطى بس سكتت وكملت تهوجس
عمر التفتت عليها وراح لغرفته

-

( في السوق ) :
تاففتت بضيق وهي تناظر الفساتين وكل شي مو عاجبها : اففف يع مافي شي حلووو
ام عايض : يابنتي اهجدي شوي ونلقى
لمياء ناظرت الفستان الابيض الي عجبها ونطقت : الله حلو علييكككك مره شوفي
ناظرت لينا وعيونها قلوب وهي تلمسه : يلبيه يجننن ذا حلو حلو
ريماس : واوووو بيرفكت
ام عايض : وش بيرفكت ذي روحي جربيه يلا
لينا : لوسمحتي ابي مقاس ( .. )
وراحت جربته بسرعه وهي فرحانه وطلعت لهم بالفستان
ام عايض بدموعها : يالله الله يوفقك
حضنتها بقوه والغصه ماسكتها : يايمه عادي والله بجي عندك كل يوم
ام عايض بدموع مو قادره توقف : عادي بس بشتاق لك
لمياء : عشتووووو
ريماس ابتسمت
ام عايض : يلا يلا نحاسب عليه
حاسبو عليه وخلصو وبدو يشترون اغراض وبدا اللكل يتجهز ويشتري ويجهزون كل شي ويروحون القاعه يشوفون وش ناقص ولينا تحجز مصوره وتحجز أشياء كثيرهههه وريماس الي متعبها الحمل حيل لاكن كل ذا خلص بسرعه وصقر الي حاول فيه ابوي لاكن عيا وقرر خلاص يحاول فيه اكثر واكثر ووهج الي تحب صقر حيللللل لاكن في يوم وليله .. بتعرفون الباقي بعدين وعمر الي تخطى خلاص لينا وقرر ينساها ومايتذكرها حتى لو تذكرها بينساها وابو عايض الي وده يخطب صقر لوهج لاكن العادات تختلف وبيحاول يفاجأه صقر وريم الي تخطت كذلك لاكن تحاول تنسى وهي تحب صقر ودايم تدعي انه وهج تروح من الحياه
-

بالنسبه لي بتكون الفتره ذي احلا بارتات🫣🫣