صحيح غيرك في العذارى مزايين لكن وش يجيب النجوم لقمرها

5

( عند الرجال ) :
عايض ببتسامه : شف شف ذا الي قلت لك عنه
صقر عقدت حواجبه : من هو
عايض وهو يناظر : شف ذا ابو مقرن
صقر : مقرن مين
عايض بعصبيه : خلاص ولاشي
صقر بستهبال : زعول
عايض : انطم من اول اقول لك السالفه بالاخير كذا
صقر : امممم ابو مقرن ابو مقرن اهااااا
عايض : ابوك يالكذب
صقر حك راسه اول ماحس بقاروره المويه على راسه : اوهه يبه وش ذا
ابو عايض : تستاهل قم جب العشاء
صقر : يالله كل شي انا انا
ابو عايض : قم قلت لك
صقر وهو يقوم يتجهه لباب المدخل وبدا يحط العشاء لباب الحريم التفت اول ماحس في بنت قربت منه
ريم : هاي
صقر صد على طول
ريم بدلع : شرايك بكشختي
صقر : ابعدي عني
ريم : يوه ياصقور يلا شوفني
صقر بغضب وهو يتجهه لباب الرجال ودخل بغضب
ريم بهمس : اوف منك كاشخه على الفاضي

-
( الحريم ) :
ام عايض : يلا اقلطو اقلطو
وهج بخجل وهي جالسه
لينا التفت لها : تعالي وهج اجلسي اتركي الخجل عاد
وهج جلست جنبها وبدت تاكل بهدوء
ريم بتافف : افف يالمياء اخوك ذا
لمياء : نعمم
ريم : صقر مايعطيني وجه ليه
وهج صدت بغضب وناظرت بالاكل وبالغصب تاكل
لمياء : مالك دخل بكيفه بعدين وش تبين فيه مايبيك خلي عندك كرامه
ريم : اي بتركه كريه الصراحه
لينا بهمس : وهج شفيك
وهج ببتسامه : لا الحمدلله شبعت بغسل يدي وجي
لينا ابتسمت بخفه

—

طلعت من المجلس بهدوء وهي تلتفت تعدل نفسها قدام المرايه الطويله وبدت تتميلح وتتصور ابتسمت بخفه اول ماشافت رقم ابوها المتصل : هلا
ابو عمر : كيفك يابنتي انتبهي لنفسك عاد
عمر من بعيد  : اييي انتبهي لنفسك
وهج : ابشرو ابشرو مستانسه اصلا تعرفت على بنات مره كيوت عسل
ابو عمر : يلا روحي وانا برقد
وهج ببتسامه قفلت الخط وكملت تصوير مانتبهت للشخص الي كان يناظر فيها من بعيد
صقر الي كان يبي مويه وشافها تتميلح وتتصور ورجع للمجلس ببتسامه

-
( عند البنات )
ريم : اففف طفش يابنات وين السماعه نرقص
لمياء بضحك : منجدك شوفي الساعه كم بيدخلون الجن فيك
ريم مسكت قلبها : بسم لله علي طسي من قدامي
لينا : معلينا وين وهج
وهج وهي تدخل : اهليين
ريم : جت جت
اجوان : يالله حررر
ريم : يع اسكتي انتي كل شي حر حر اسكتي
اجوان بغثى : اسكتي انتي ياقليلة الادب
وهج عقدت حواجبها وبدت تشد شعرها : تعالي ياروح امك وش قلتي توك
لمياء : عاشووووو
وهج : وش قلتي ردي عليييي
اجوان : قليلة ادب وانتي معها مريضين
وهج بضحك وهي ترفسها : انطمي
اجوان طلعت من الغرفه بدموع
ريم : احسن يع ملقوفههه
ميار بضحك : شعرها يضحك لونه احمر
ريم : اي امها عيت تصبغ لها وحطت حناء
وهج بضحك قوي : هههههههههههههههههههه خلاص خلاص
حور : بنات ابي شاحن
ريم : ذي بجهه وحنا بجهه روحي غرفه العفش تلقين حقي
حور : تمام
وهج : بنات يلا وش نسوي الحين
ريم : اممممم شرايييككمممم نطلع برا  المخيم
لمياء : ايششش تبين نتصفق بسببك روحي لحالك
وهج : الساعه 12 لا لا
ريم : طيب شنسوي مافيني نوم اللكل بينام الحين
ام عايض وهي تدخل : بسم لله وش فيكم كذا تعالي يالينا صقر يبيك
لينا : طيب
وهج ببتسامه : ياخاله جلسة بنات
ام عايض : بس مو كذااا شغالات
ريم بضحك : صادقه اكبر دليل شعر لمياء والكاب مسروق شكله
لمياء توسعت عيونها : انااااا شغاله اوريييك
وبدت تركض وراها وتشد شعرها بضحك
وهج : بسم لله اعوذو بالله يمه
ام عايض طلعت بضحك

-

( عند لينا وصقر ) :
صقر وهو ينتظرها ويناظر الساعه
لينا : وش تبي
صقر ببتسامه : بدري تعالي اجلسي
لينا بخوف : يمه وش فيك
صقر مسك يدها : لا تخافين وشي طبيعي بس اول شي هدي نفسك
لينا بتوتر : صققققر لا توترنييييي اخلص وش فييكك
صقر : اول شي انتي كبيره صح شوفي صار عمرك 18 وبعد كم يوم تدخلين 19 تفهمين بالأمور ذي صح
لينا عقدت حواجبها ونطقت بخوف : وش الطاري
صقر : في ناس جو يخطبونك
لينا صرخت : ايششششش
صقر مسك يدها : اسكتي لاحد يسمعك تعالي اقولك
لينا بدموع ورجفه : تكفى توني توني مابي مابيييي
صقر : يابنتي اهجدي شفتي سلطان
لينا : سلطان اخو ريم؟
صقر : ايوااا صح عليييك
لينا توسعت عيونها : ذا كبري بكثيير لا مابييهههه
صقر : يالله استخيري وكلميني
لينا : ماني موافققققه
صقر بضحك : نشوف بعدين وابوي يبيك بالمجلس
لينا : مارح اروح  وانا وجهي كذا
صقر : غسلي وروحي عنده
لينا هزت راسها بتمام

-

( بالمجلس ) :
ابو عايض بهدوء وهو يناظر سلطان : سلطان انت متاكد تبيها لينا لينا
سلطان ببتسامه : اي نعم لينا لينا
ابو عايض ناظر ابو سلطان : والله نشوف البنت وشورها عاد هي بتصايح اعرفها
سلطان ضحك بخفه
ابو عايض : يلا اطلع بتجي البنت الحين
سلطان بهدوء وهو يطلع من المجلس بفرحه

-

الحمدلله حمدًا كثيرًا 🤍