صحيح غيرك في العذارى مزايين لكن وش يجيب النجوم لقمرها

14

ساعدوها البنات تلبس عبايتها ووهج ناظرت فيها بدموع :اهخخخ مستحيل ماشوفك بجي عندك الفندق دايم
ضحكو البنات ونطقت ريم : يع
وهج نطقت : وش الي يع
ريم : سلامتك
لينا ناظرت فيهم : يلا بنات ساعدوني امشي
وهج : حتى مشي ماتعرفين
ضحكت لينا وناظرت ريماس الي تعبانه ونطقت : ريماس خلاص ارجعي
ريماس بتعب جلست وهي تعبانه : اي الحين يجي بطلع معك
ام عايض وهي تدخل مع ام سلطان ونطقت ام عايض : بنات اطلللعووو
وهج : افا ليه
ام عايض : بيجون اخوانها يودعونها
وهج : قولي لهم عند الباب نبيها عاددد
ام عايض ضحكت وقالت لهم
وهج : اف يالينا قولي لنا كل شي يصير
تغريد تعقدت حواجبها : نعم وش كل شي تقوله لنا زوجها ذا عيب
لينا : شدعوه عادي
ريم : صحصحي وش قاعده تقول ذيييي
وهج توسعت عيونها بصدمه : أكلتوني ماطقطق يعني
لينا مسكت يد وهج بقوه ونطقت : يلا بنات ننزل
وبدو يساعدون لينا ونزلت اخيرا وكانت جنبها اليمين وهج وجنبها اليسار ريم
وريم فاتحه شعرها إلا البنات متغطيات كذلك وهج بس شوي من شعرها باين
ابتسمت وهج وهي تناظر صقر الي بسرعه حضنها ونطق : تكفييننن لا تتزوجين خلاص ارجعي
لينا : مو تبي الفكه
ضحك صقر بدموع: إلا بس ابيك
لينا باست راسه : ياعمري خلاص طيب
عايض تقدم وسلم عليها وكذلك حضنها وبدا يحصنها
سلطان : يلا؟
لينا ابتسمت ومسكت يد سلطان ونطق صقر : امانه في عيونك ذي يويلك اشوف دمعه تنزل منها بسببك
سلطان ضحك وابتسم ونطق : ابششششررر
عايض : اي يويلك بنبلغ علييك بالعنف
سلطان : الله وأكبر عنف انقلع انت وهو
ضحكو مع بعض وناظر عايض ريماس الي تعبانه ونفسها تجلس تقدم لها وحاوط خصرها ومسك يدها ونطق : الف بسم لله عليك من التعب وش فيك ياعيني
ابتسمت وناظرت فيه : المشكله توني حتى تعبت احس بصداع وغثيان ودي انام بس
فتح لها باب السياره وجلست بتعب ورجعت المقعد لورا
وهو فتح الباب وجلس وبدا يفتح السياره وناظر فيها : كيف الزواج اليوم
ريماس : حلو والله استانست
عايض : دايم دايم
ريماس ابتسمت وناظرت المويه وخذتها وقعدت تشرب وبدا يحرك عايض ونطقت : بروح بيت اهلي بكرا
عايض : اي عادي بس انتبهي من اخوك تكفين ذا شوي ويأكلني
ضحكت بقوه ريماس وهي تدمع ضحك ونطقت : ياكلك ليههه
عايض ضحك مع ضحكتها : والله شوي ويأكلني
ريماس : لا ابد اوريك فيه
عايض مسك يدها بقوه ونطق : محظوظ فيك
ابتسمت ونزلت راسها وعرف انها استحت وبعد يده وكمل طريقه

-
( سلطان & لينا ) :
فتح باب السياره لها وبدا يساعدها وابتسم ونطق : الفستان وش كبره كيف جاء عليك
لينا ناظرت فيه : وش عليك منه يلا دخلني
دخلها ببتسامه وقفل الباب وراح للجهه الثاني فتح الباب وركب وفتح السياره وهو يشوف اخوانها وراه ونطق : اخوانك وش فيهم
لينا وهي مو مركزه معه مبتلشه بالسلسال الي علق على طرف الفستان من فوق ونطقت : ماعرف
سلطان ناظر فيها وهي تحاول تفك السلسال وضحك وكمل طريق
لينا اخيرا فتحته ونطقت : اي اخواني
سلطان : أنا شايف مو بس اخوانك القبيله
فتحت الشباك وبدت تناظر فيهم واصوات الاغاني ونطقت : ابي اروح معهم
سلطان : صرتي لي يلا وش تبين اغنيه
رفعت كتوفها بمدري
وفتح الاغنيه الي سمعها قبل الزواج وأعجبته وناظر فيها : ذي الاغنيه بتعجبك
ضحكت وناظرت بالاغنيه بستغراب : حلوه
ابتسم بخفه ومسك يدها يقبلها وهي مبتسمه