صحيح غيرك في العذارى مزايين لكن وش يجيب النجوم لقمرها

23

( بالمستشفى )
ابتسمت وهج وهي تركب المصعد للطابق الثالث وهي مبسوطه ودها تشوف طفل ولفت يمين وهي تناظر لينا وابتسمت لاكن رفعت أنظارها لي صقر الي كان يضحك ووقف
ابتسمت بخفه وهي تدخل للداخل بدون ماتركز عليه ماتبي تفكر زياده
صقر الي كان متجمد مكانه وبداخله كلام حب وغرام وعشق لاكن ناظر ابو عايض الي يناظر فيه وابتسم : تبيها؟
صقر وهو يصد : ايه
ابو عايض نزل راسه تحت وهو يسكت

_
( بالغرفه ) :
جلست وهي تشيل الياس بيدها وتبوسه ونطقت : يمه يازينههه هادي حييلللل
ريماس : اي ما شاء الله يهبببلللل
لينا : كل يوم بسرقه
ضحكت وهج وهي تصوره : حتى بالصوره حلو
ريماس : عطيني الجريش
لينا اخذت الجريش وهي تعطيها ونطقت ريم : قولي ما شاء الله تحسدين الولد
وهج رفعت أنظارها لها وهي تنطق : الحمدلله والشكر بس
لمياء وهي تحاول تقفل السالفه : ايهه بروح دانكن تبون قهوه
ريم : بلاك
لينا : بعد نفس ريم
لمياء : وهج؟
وهج ابتسمت : تسلمين مالي نفس يلا اعذروني برجع
ريماس : بدري حييلللل
وهج : والله شنسوي عاد
طلعت من الباب وهي تناظر صقر الي واقف لحاله ومشت وهي ماتناظره لاكن حست بيده على كتفها ولفت ونطق : تعالي شوي اكلمك
مشت معه وهو كل شوي يتلفت لا يشوف احد وراحو للمصعد ونطق : اسمعيني
وهج : صقر اخلص ماعندي وققققت
صقر ابتسم من سمع صوتها : رجعت لي الحياه الحين
صدت بخجل وهو ينطق : بكلم ابوي آخر مره شوي شوي يرضى حتى لو شفتي وجهه اليوم بس يفكر يوافق ولا لا بس ان شاء الله
وهج ابتسمت وهي تنطق : يوم يوافق كلم ابوي
صقر : شرايك نخليه بعد زواج لمياء احسن
وهج : براحتك
صقر ابتسم وهو يقرب من وجها وناظر عيونها وقبلها وهي تدخل المصعد وهي متوتره  وعدلت شكلها وتشوفه من المرايه ومتوتره حييل

-
( بعد يومين ) :
وبعد مارجعو الرياض
(في بيت عايض ) :
فتح الباب بالمفتاح  وهو مايسمع صوت لاكن قفله وهو يدخل بهدوء وناظر ريماس الي نايمه وفوقها الياس وحط الاغراض بالارض وهو ينطق : ريماس قلبي قومي
فتحت عيونها بتعب وهي تناظر فيه ونطقت :  خذ خذ الياس خلني اقوم
اخذه وهو يبوسه بكل مكان بوجهه وجلس وهو يلعب معه
قامت بتعب واخذت الاغراض للمطبخ وبدت ترتب ونطق : اليوم بنخرج
ريماس : بيجون اهلك
عايض : مين
ريماس : اهلك اهلك
عايض  ضحك : ابد عادي خذي راحتك
ابتسمت وهي تناظره يلعب مع الياس ويضحك وخذت جوالها وبدت تصوره وهي مبتسمه
نطق : شوفي كيف غمازته باينه
ريماس : اييه عاد محد فينا عنده غمازه
ضحك وهو يناظره : عادي مو شرط
ريماس : اكيد

-
( بعد ساعات ) :
فتحت الباب ببتسامه وهي تناظرهم وبدت تسلم عليهم وناظرت لينا الياس ونطقت : وي وي ويييي يهبببللل بسم لله عليه
ابتسمت بخفه وهي تدخل المجلس ويدخلون وراها كذلك وام عايض جلست وهي تاخذ الباس وتبوسه والدمعه بعينها : يازينه الله يحفظك يارب
ريماس : وش حابين قهوه ولا
ام عايض : ابك مالك إلا يومين قومي ارتاحي
ضحكت وهي تجلس ونطقت لينا : اجل بقوم
ام عايض : يويلك ياريماس تفتحين فمك
ريماس  الي جلست بتعب وهي تحاول تخفيه وماتبين لهم وناظرت لمياء وهي ساكته ونطقت : ايييه بسألك لمياء متى ملكتك
لمياء فزت وهي تنطق : ماعرف ماعرف
ام عايض : ذي لو قلت لها وش اسم ولدك بتقول ماعرف
ضحكت ريماس وناظرت لمياء : لا اوفر يمه اسمه الياس
ريماس : اي متى طيب
لمياء : سمعت بعد اسبوع
ام عايض : والله لو يسونها بكرا احسن ويفكونا
لمياء : يمه شفيك مستعجله
ام عايض : اققققوللل بكلم ابوك يكلمه
لمياء صدت بضيق وهي تشرب القهوه