صحيح غيرك في العذارى مزايين لكن وش يجيب النجوم لقمرها

4

ينتهي اليوم بفرحه ريماس وفرحه لينا لان بتكون عندها بنت جيران وبتكون قريبه منها وبرضو كذلك نفس الشي عند وهج :

( بيت ابو عايض )
ابو عايض دخل البيت ونطق : السلام عليكم
اللكل ناظره : وعليكم السلام
ابو عايض : يلا يلا اجهزو بنروح مع اخواني
عوض : وين
ابو عايض ناظر فيه بعصبيه : قلت يلا اجهزو
ام عايض : يعني نجيب ملابس
ابو عايض : اي نعم بننام بالمخيم مدام الاجواء ذي زينه وبارده
ام عايض : اي يلا روحو اجهزو
وبدا اللكل بترتيب
لينا دخلت الغرفه ونطقت : لمياء اصحييي
لمياء بصوت نايم : لينا اطلعي
لينا : بنروح عند زوجك المستقبلي
فزت بسرعه وبدون ماتحس بنفسها : احلفيييييي
لينا : والله قومي يلا وحطي ملابس بننام هناك
لمياء بفرحه وهي اخيرا بتشوف ولد عمها الي يحبها وتحبه
لينا بضحك قوي : خلاص يارب مايجي
لمياء : اسكتي مالك دخل
لينا : شرايك اخذ بنت الجيران معنا
لمياء ناظرت فيها من فوق لتحت : نعم شتبين فيها
لينا : خلاص بسرعه اجهزي
وبدو يحطون الميكب ويتكشخون ويلبسون ثقيل

-
( بيت ابو عمر ) :
عمر : ياوهج جيبي الاكل اخلصي
وهج بعصبيه : كل كل جعله سم ازعجت راسي
عمر عقدت حواجبه وقام : وش قلتي
وهج ناظرت بعيونه : ولاشي خلاص اسفه
عمر : ادب
وهج بضحك : تكفى تكفى خلينا نروح نتمشى
عمر ابتسم بخفه وطنشها
وهج : يالله بابا كل يوم عنده شغل طفشت
عمر : وين تبين تروحين
وهج : اي مكان
عمر ناظر فيها واشر لها انها تجلس :اول شي مو فاضي عندي شغل روحي عند بنت الجيران
وهج : لا بيرحون مخيم
عمر : خلاص روحي معهم
وهج بعصبيه : عمررررر مو لحالهممم تستهبل حتى لو لحالهم عيب عندهم عيال
عمر : يوه اجل اجلسي هنا
وهج بدموع : طيب
عمر : دلوعه روحي سوي اي شي روحي البقاله
وهج : بس بقاله طفشت كل يوم كذا انت ليه كذا مو زي اخوان صحبتي ليه
عمر ناظر فيها بعصبيه : وهج أنا شقلت؟
وهج : خلاص روح أنا بجلس هنا خليني
عمر طلع من الباب وهو وده يطلعها بس عنده اشغال
وهج ناظرت بالبيت وبدت ترتبه وناظرت جوالها الي يدق وشافت الاسم ابتسمت بخفه : هلا ياروحي
لينا : شرايك تجين معنا
وهج : لا عيب يالينا
لينا : تكفيييننننن وربي محد بيركز تكفين
وهج : مقدر مقدر ابوك عصبي مقدر
لينا : بحاول فيه معليك
وهج : تكفين مو ناقصه مشاكل عائليه تكفين روحي انتم استانسو
لينا : لا ابيك بروح اقول لابوي وجيك
وهج : براحتك
ركضت لينا للمجلس وفتحت الباب ونطقت : يبه
ابو عايض عقدت حواجبه : نعم شتبين
ضحك صقر وهو عارف وراها شي من الركض
لينا : يبه قول لي تم
ابو عايض : تم
لينا ببتسامه : ابي اخذ بنت الجيران
ابو عايض توسعت عيونه : نعممم!؟؟
صقر : من متى عندنا بنت جيران اهجدي وش ناخذها غبيه انتِ
لينا : يبه والله مسكينه امها متوفيه وابوها واخوها دايم برا بالشغل وطفشانه وقلت ليه ماخذها
ابو عايض : لينا حبيبتي ماعرف البنت ولا اعرف ابوها وش اسمه وهي شسمها
لينا : وهج زايد قبل تكمل اللكل التفتت على شهقت صقر بصدمه
صقر : وهج زايد؟ متاكده انتي
لينا : ايوا بسم لله
صقر : ابوها ماشاء الله رجال كفوو
ابو عايض : وانت من متى تعرفه
صقر : يبه اول دخلنا البقاله أنا وأخوياي وشفناه يازينه والله
لينا ببتسامه : ها شفت يبه
ابو عايض : دقي دقي على البنت
لينا ناظرت جوالها ودقت عليها وفتحت السبيكر
وهج : لينا والله عارفه ابوك رفض مو لازم والله
صقر ببتسامه يحاول يخفيها واول ماسمع صوتها فز وبدا يسمع زين
ابو عايض : الو يابنتي
وهج بصدمه وبدت تستوعب انه ابوها : هلا ياعم
ابو عايض : كيفك وكيف الاخبار
وهج : تمام
ابو عايض : والله عشان لينا أنا بخليك تجين معنا
وهج بفرحه تخفيها : ابشر ياعم ماتقصر
لينا بفرحه : شفتي ياوهجي شفتيييي
وهج : روحي غرفتك سريع
لينا ركضت لغرفتها وبدو يسولفوون وهم يجهزون وفرحتهم ماتنوصف