صحيح غيرك في العذارى مزايين لكن وش يجيب النجوم لقمرها

17

(بالديره ) :
بعد ماوصلو الديره وصقر الي راح مغصوب غصبن عنه وهو يفكر فيها ولا نساها وفكر ليه سوت كذا التفتت على صوت الباب الي دخل منه محسن ونطق : وش فيك جالس لحالك قم معنا عند الغنم
صقر صد عنه ونطق : مالي خلق
عقدت حواجبه وتوجهه له وهو يجلس جنبه : وش فيك انت
صقر : مافيني شي
محسن : اجل قم قم
صقر قام معه مايبي يكسر بخاطره وتوجهو  لعند الغنم
ابو عايض ناظر فيهم : كيف اقنعت ذا يجي
محسن ضحك بخفه وهو يرفع كتوفه بـــ مدري
عايض : خله خله
صقر ناظر عايض وابتسم ونطق : تبون شاهي
ابو سعود : يليييتت
صقر اخذ فروته وهو يلبسها وشم ريحتها الي ماراحت من الفروه وغمض عيونه ببتسامه وتوجهه لعند المطبخ

-
( الحريم ) :
ام عايض ببتسامه وهي تناظر البنات الي يسولفون ونطقت : الله الاجواء عاد رهيبه وبارده تفتح النفس
ام سعود : صادقه والله تجننن حيللل
ريماس : بس برد تجمدت من البرد
ريم : دلع حيييلل
ام عايض ناظرت ريم ونطقت : عيب وش الكلام ذاا
ريم : هههه وهج وافقت اجل شفتي ماتبي ولدكم
لمياء التفتت عليها وهي تقرب منها وتشد  شعرها بقوه ونطقت : وش قلتيييييي
ريم : يععع ابعدي يامجنونه غبيه ابعدي
ام عايض مسكت معصم ريم وهي ترفسها برجولها : قليلة ادبببب احترمي نفسسكك
ام سعود ناظرت في بنتها وهي متفشله من حركات بنتها وسكتت
لمياء جلست بعصبيه وهي تناظر ريم الي انهارت وراحت للمطبخ
ريماس : كريها يع
حور : شوفي سناب لينااا ياحظها منجدددد
ريماس بضحك :  ماتوفر حللت زوجها
لمياء : مرهه ماخذتني الكلبه
حور : شرايكم نسافر مع بعض
ضحكت تغريد بستهزاء : حدنا الديره وبالقوه نطب لها تقولين نسافر
ضحكو بصوت عالي وبدو يسولفون

-
( بالمطبخ ) :
دخل المطبخ وهو يجهز الشاهي وابتسم وهو يشم ريحتها ويتمنى لو يحضنها صدق ناظر ريم الي دخلت وصد على طول ريم ببتسامه : هلا هلا
صقر طنشها وهو يناظر الشاهي ولا نطق بحرف وهي قربت منه ونطقت : حبيبتك راحت
صقر غمض عيونه وهو يشد على يدينه وناظر فيها ونطق : لا تحبين ولا تفكرين في احد مافكر فيك ولا حبك
واخذ الشاهي وهو يطلع من المطبخ وتركها وهي تنزل دمعتها وطلعت من المطبخ وودها تذبح وهج
ناظر محسن الي متوجهه له وابتسم ونطق : خذ الشاهي بروح اخذ جوالي من السياره
محسن هز راسه وهو ياخذ الشاهي منه وراح
توجهه للسياره وهو يفتح الباب ويقفله وناظر جواله وفتحه وناظر رقمها ابتسم بخفه ودق عليها ولا ردت ودق ثلاث مرات كذلك ماردت كتب لها : ردي
وقفل جواله وحطه بجيب ثوبه وفتح باب السياره وقفله وتوجهه لجلسه الرجال

-
( لندن ) :
انسدحت بتعب وهو يناظر فيها وضحك ونطق : نامي نامي ورانا بكرا تعب زياده
لينا ناظرت فيه بضحك : يالليل مارتاح يعني
سلطان انسدح جنبها : مالي دخل وش تبين اجل
لينا ابتسمت وهي تصد عنها ونطق : مافيني نوم
فتحت عيونها بتعب ونطقت : اقفل فمك عشان ماتتكلم خلني اناممم
ضحك بخفه وهو يفتح جواله ويناظر ستورياتها وابتسامتها الي ماتفارق وجها وقرب منها وقبل خدها بخفه وققل جواله وحطه جنبه وبدا ينام