صحيح غيرك في العذارى مزايين لكن وش يجيب النجوم لقمرها

13

( اليوم المنتظررر ) :
صحت من نومها مفجوعه وناظرت الساعه وصرخت وبدت تجهز اي كلام ولمياء تناظر فيها بصدمه ونطقت : شفيك هدي
لينا : وش اهدييييي الساعه 1 الظهرررر
ضحكت لمياء ونطقت : الحين نروح قومي يلا
لينا بعصبيه من ضحكها قامت لبست عبايتها ونطقت : باخذ وهج
لمياء تأففتت وطلعت من الغرفه تناظر اللكل مجتمع وجلست بغضب
صقر : وش فيك
لمياء : لينا ماغير وهج وهج
ابو عايض التفتت عليها : ياذي الوهج اشغلتنا وش تبي بعد
لمياء : لينا تبيها تجي معنا
صقر ابتسم بخفه وحاول مايبين ابتسامته لاكن ابو عايض شاف ابتسامته وهو يفكر بالشر ونطق : اي خليها تجي خليها
لينا الي نزلت مسرعه ومعها شنطتها : هاااا يلااا بسسرعهههه
صقر : هدي وش فيكم اليوم امشي امشي
لينا : لا تنسى وهج
صقر  تنهد وضحك : خلاص طيب
ابو عايض : انتبهو لنفسكم
ركبو السياره وصقر توجهه بيت وهج كذلك ونطق : اخلصي يلا
لينا دقت عليها وتتكلم معها وتنتظرها تنزل
صقر : لينا ليه متحمسه
لينا : يمكن عشان حبيته
ام عايض قرصتها على فخذها بقوه : سدي حلقك وش حب وخرابيط
صقر حط راسه على الشباك : يمه الح...
اللكل التفتت على صوت وهج ( السلام عليكم )
ام عايض : وعليكم السلام ياهلا ياهلا
صقر نطق : احرك؟؟
ام عايض التفتت لهم : اي يلا
البنات يسولفون ويضحكون ويتخيلون شكل لينا وصقر غارق بهواجيسه ويفكر فيها التفتت على المرايه  وشاف عيونها الي تناظره صدت بسرعه وضحكت بخفه ونطقت لينا : وش فيك
وهج فزت من مكانها : لا مافي شي متى نوصل ابي الحمام
لينا بشك وهي تناظر الطريق ولا نطقت بحرف

-
( عايض & ريماس ) :
دخلت السياره بعصبيه وقفلت الباب بقوه ولا نطقت بحرف
عايض بعصبيه وصراخ : خييرررر
ريماس طنشته وكملت تطالع الشباك
عايض : والله وتالله لو ماتقولين وش فيك بن..
قاطعته : وش بتسوي قول لي يلا يلا وش بتسوي
تنهد بعصبيه وبدا يحرك ويناظر فيها بعصبيه وهي نفسيتها خايسه
ريماس نطقت : وش بتسوي ماقلت لي
عايض : خلاص يابنت الحلال مارح اسوي شي شوي ونوصل
ريماس صدت بعصبيه وودها تنزل وناظرت صحن الحلا الي مرمي بالسياره ومخلص ونطقت : عايض
عايض ناظر فيها وهي تناظر الصحن : لبيه
ريماس ابتسمت بهدوء ولا كانها معصبه منه ونطقت : ابي هذا
عايض ضحك بقوه : والي تهاوش من اليوم مافففففي
ريماس : افا ترضى
عايض بمزح : اي نعم
ريماس نزلت راسها بضيق وهي تناظر الطريق الغريب لاكن مانتبهت ونطق : يلا انزلي
ريماس ناظرت : شذذاااا
عايض فتح الحزام وفتح باب السياره واتجهه للباب حقها وفتحه ونطق : يلا
ريماس نزلت وعقدت حواجبها من المكان الغريب ذا
عايض دخل ودخلت معه وهي تناظر انواع الحلا الي كانت تبيه وابتسمت بقوه وحضنته من ورا : ششششكراااااا
عايض حط يده على يدها الي حاضنته وحاطه يدها على خصره نطق : شدعوه يلا اشتري
ابتسمت وبدت تشتري كل شييييي ونطق : بتخليني افلس
ريماس وهي تذوق : سوري يلا حاسب
وحاسب وراحت السياره بفرحه وهي تاكل وفرحانه وهو يناظر فرحتها وابتسم : يلا يلا نروح الحين وخليك مروقه
ريماس : شقصدك يعنني مفففهمت
عايض : لا ابد ياست رموس
ريماس نزلت راسها بخجل وهو عارف انها استحت وكمل بالطريق