صحيح غيرك في العذارى مزايين لكن وش يجيب النجوم لقمرها

16

لمياء دخلت غرفتها وهي تناظر جوالها الي ماوقف اتصالات وردت بغضب : نعم يافهد
فهد ببتسامه : هلا بالزين هلا وش صار
لمياء انسدحت وهي تبتسم : ماصار شي ابوي يبي نروح الديره
فهد : افا يالقائد ليه
لمياء : شعرفني اسأله مو فايقه لك الصراحه
فهد : اجل وش تبين طفشان
لمياء وهي تناظر الشباك وسكتت ونطق : اللووووو
لمياء : انت وينك
فهد وهو يناظر المقلط الي كله حوسه ونطق : بالمقلط كله حوسه مالي خلق انظفه تعالي نظفي
لمياء : اذلف بنام
فهد : بكرا كلميني لا تنسين
لمياء : الديره مافيها نت بالقوه تحصل بس بحاول
فهد ببتسامه : باي

-
( سلطان & لينا ) :
ركبت السياره ببتسامه وهي تناظره ونطقت : قول لي وين بنروح
سلطان : سرررر بكرا تشوفين الساعه 10 رحلتنا
ضحكت بخفه وهي تناظر الطريق ونطقت : رحنا عند وهج
سلطان : اي وش صار
لينا : يعني قلنا لها لا توافقين
سلطان ناظر فيها : ياساتر وش قالت
لينا وهي مستمتعه وبدت تقول له وهو مبتسم

-
( صقر ووهج ) :
درايڤ ثرو
التفتت صقر عليها وهو ينطق : وش تبين وجبه
وهج : اي شي
صقر : وش الي اي شي وش تبين سريع
وهج : نفس حقك
صقر ضحك وطلب ناظر فيها ونطق : ابوك مارح يسأل؟
وهج نطقت : ماتوقع بس عمر بيفتح معي تحقيق اخاف يغصبوني
تنهد بضيق من الموضوع وسكت ولا نطق وقربت مسكت يده ونطقت بدموع : صقر لا تتركني
صقر ناظر بيدها ويده وترك يده ونطق : ماني تاركك
وهج نزلت راسها بدموع ونطق : يمكن ماكون لك
وهج ناظرت فيه وهي تحاول تستوعب الي ينطقه : كيف يعني؟
صقر تنهد وغمض عيونه وفتحها وهو يناظر عيونها الي غرقانه دموع : يعني ابوي
وهج : واذا ابوك
صقر ناظر فيها بعصبيه وهو ينطق بغضب : خلاص اسكتي مب وقتك الحين
اخذ الطلب وطلع وجبتها وعطاها وبدا يكمل طريق وهي تصد عنه وماتتكلم معه ناظر فيها ونطق : انزلي
وهج فتحت الباب وهي تنزل وتدخل البيت ببكاء وهي ترقى لغرفتها وبدت تبكي وتشاهق
كمل طريقه وهو يهوجس وماوده يتركها بس لازم دخل البيت وهو يناظر ابوه الي ينطق بصراخ : وينك وينك هاا
صقر طنشه ورقى لغرفته ولحقه ابو عايض ودخل غرفته وبدا يصارخ : شايف الساعه انت ولا مو شايفففف وينك يالصايع
صقر : يبه مو ورع انا خلاص ابي انام خل..
قاطعه ابو عايض وهو يصفقه كف وصد صقر ونطق ابو عايض : اسكت مابي اسمع صوتك بكرا بنرجع الديره الرياض انساهاااا انسى كل شي بالرياض
صقر بصدمه وهو يناظر في عيونه وماقدر ينطق بحرف لاكن نطق : يبه شغلي كيف كيف أنسى الرياض كيف
ابو عايض : سهله يلا نم جعله نومة اهل الكهف
طنشه صقر وهو يحط راسه وغفى من التعب

-

( الصباح عند سلطان & لينا ) :
سلطان فتح عيونه وهو يناظرها كيف نايمه وشعرها على وجها قرب منها وهو يلامس اطراف شعرها باصباعه وناظر عيونها ونطق : ليلي
لينا فتحت عيونها بصدمه وهي تفز ونطقت : احد يقرب مني كذاااا
سلطان ضحك : امزح معك يلا قومي رحلتنا لا تروح
لينا بدموع وهي تناظره : اهلي صقر لمياء امي ابوي عايض
سلطان وهو يقلدها : ريم سعود امي ابوي
لينا ضحكت بوسط دموعها وهي تقوم من السرير وتتوجهه للحمام غسلت وجها وبدت تتروش