"ထမင်းစားမယ် ဟိုဟာလေး""မစားတော့ဘူး"
"မစားလို့မရဘူး လာခဲ့"
"ဆာမှမဆာတာကို"
"ဘာကိုမဆာတာလဲ စိတ်ကောက်ရင်ကောက်တယ်ပေါ့"
"ဘာမှမကောက်ဘူး"
"မကောက်ဘူးဆိုလာခဲ့"
"မလာချင်..."
"သဲသောင်ပြင် မင်းလာမှာလားငါလာခဲ့ရမှာလား"
"မစားချင်ပါဘူးဆို ဘာမှန်းလဲမသိဘူး"
ဘောက်ဆတ်ဘောက်ဆတ်နဲ့ကြမ်းပြင်ပေါ်အသံမြည်အောင်နင်းလာတာက မကျေနပ်ကြောင်းပြနေတာ။နှုတ်ခမ်းပါးပါးလေးကမသိမသာချွန်နေသေးတယ်။ဘယ်လိုဟာလေးမှန်းမသိဘူး။
"ထိုင်.... စား"
"မဆာပါဘူးဆို"
"မဆာလည်းစား ဆာလည်းစား မဟုတ်ရင်ကိုယ်တိုင်ထိုးခွံ့မှာ"
ထမင်းပန်းကန်ထဲတို့စိတို့စိလုပ်ပြီးသေချာမစားသူက မဆာတာမဟုတ်ပဲစိတ်ကောက်နေတာ။ကျောင်းမှာစာကူပြပေးချင်တာကို သဘောမတူလို့ ဆန္ဒပြနေတာသိသားပဲ။
ကိုယ်အိမ်မှာမရှိတုန်း မိဘအိမ်တစ်ညပြန်အိပ်ခိုင်းလိုက်မိတာကို ဘာတွေသင်ပေးလိုက်လဲမသိဘူး။သူပြောတာကိုလက်မခံမချင်း ကန့်လန့်တွေတိုက်နေတာများ တွေ့စကနဲ့တစ်ခြားစီ။
"ကောင်းကောင်းစား အဲ့ထမင်းမကုန်ရင်မင်းပြောတာကိုသဘောမတူဘူး"
"ကုန်ရင်သဘောတူမှာလား"
"ထင်တာပဲ"
"ဘာကိုထင်တာပဲလဲ သေချာပြောလေ"
"အရင်စားစမ်းပါ မဟုတ်ရင်စကားပြောဖို့စိတ်ကြည်နေတာမဟုတ်ဘူး"
ထိုအခါမှစားလက်စထမင်းပန်းကန်ဆီအာရုံစိုက်တာမို့ မသိသာတဲ့သက်ပြင်းတစ်ချက်ချကာ အပြုံးတစ်ချို့ကိုဖုံးကွယ်ရသည်။
စားသောက်ပြီးပန်းကန်တွေသိမ်းနေတုန်း ခြံထဲလမ်းဆင်းလျှောက်ဖြစ်သည်။သူ့လက်နဲ့ပျိုးတဲ့စံပယ်တွေကတစ်ပွင့်တစ်လေပွင့်နေတာမို့ လေကြောင်းတည့်တိုင်း နှာဖျားဆီရိုက်ခတ်တတ်သည်။
YOU ARE READING
အစားထိုးသည်မှအစပြု၍( Completed)
Genel Kurguလူဆိုးကြီးနှင့်တစ်နှစ်စာအိမ်ထောင်ပြုရင်း တစ်ဘဝစာသိမ်းပိုက်ခံလိုက်ရသောအခါ လူဆိုးႀကီးႏွင့္တစ္ႏွစ္စာအိမ္ေထာင္ျပဳရင္း တစ္ဘဝစာသိမ္းပိုက္ခံလိုက္ရေသာအခါ