مـدينة الحُب لا يسكنها العُقلاء

part 3 |مُـبهَـم

#مَـدينة الحُب لا يسكنها العُقلاء

بقلمي: رَحِـيق رَعَـد

قِــــــــــــــــــــــــــــــــــــࢪأه مُمتعه للــجميع:

꧁꧂
♕
«يـاقـوت»

_تَـقرأ تِـلك الـرساله بـهلع بـعيون مَـليئه بـلخـوف بـأيدي تـرتجف
لا تَـعرف مَـصدر تِـلك الرسـاله ولا مَن ارسلها وضـعت تِـلك الحَـسناء يدها على قـلبها الـذي يـنبض بقوه..

«في عينيكِ الزرقـاء الناعستين تغلبتي على جنوني بشعركِ الداكن سيطرتي على عقليتي المجنونه عيناكِ ولـدت رغـبة عِشقً بِـداخلي ايـتُـها الـيـاقـوت»

_ختمت الرساله واحس صار عندي دوران يمه اسم الله منو هذا
وشگعد يخربط مخبل هذا شنو؟ شلون اندل بيتنه ياربييي منوو هذاا منوو
طعجت الورقه بأيديه ردت اذبها بعدين تراجعت بقيت صافنه شوي اذبها لو لا؟
فزيت على صوت رويـده تصيحني

رويـده: يـقـوته ويينچ ماصار چاي هذا

: جايهه جايهه

_ضميت الورقه بصدري ورحت يمهم حطيت قوري الچاي وصبيت
بدينه ناكل ونسولف شوي ودخلت امي تطگ بعلچها كلعاده باوعتلنه صفح وگالت

خوله: شعدها هاي هنا؟

رويـده: عليكم السلام الحمدلله اني

_كتمت ضحكتي على رد رويـده تفشلت وسوت نفسها مامهتمه

خوله: ايي خطيه بيتكم احترگ بس ترا هاا شوفيلچ غير بيت مانلفي اي احدّ لبيتنه

: علساس بيتنه بيت ملوك حتى ماتلفين احدّ

خوله: انلصمي انتِ

رويـده: تدللين خاله بس خل الگالي بيت واروح

خوله: زين لعد

_طريقة كلامها استفزازيه بگلبي گلت يمكن لو انه بدال رويـده اگوم افگس عيونها بس هسه هيه امي ما اگدر اسوي شي

اسعد: خوله شنو هلحچيي ضيفتنه هاي شگد ماتريد تبقى خل تبقى

_باوعت لأبوي صفح وعافتنه وراحت لغرفتها باوع بابا لرويـده وگال بأبتسامه بشوشه

اسعد: ماعليچ بيها بنتي ابقي شگد ماتردين

رويـده: ميخالف عمو قابل ما اعرفها لخوله انه

_سكت ابوي كملنه اكل شلت المواعين ورحت اغسلهن
اجت رويـده يمي وگفت تساعدني وتسولف ترددت اگلها لو ما اگلها؟
لا لا تگولين يمكن هذا واحد مخبل الله واعلم خل اعوف السالفه
او يمكن واحد يريد يسوي مقلب بيه؟ يمكن سجى دتسوي مقلب اي هاي ام المقالب ادري بيها
اهووو يـاقـوت عوفي السالفه اعتبريها ماصارت وانچبي احسن الچ
كملت مواعين صحتني رويـده من نص تفكيري