#مَـدينة الحُـب لا يـسكنها العُقلاء
بقلمي: رَحـيق رَعـد
قِـــــــــــــــــــــࢪأه مُـمتعه للـجَـــميع:
꧁꧂
«حـور»
_لَـرُبـما شَـعُـرت بأن الحُـب صَعبُـاً لـكن لـم اتـوقع كُـل هذهِ الـصعوبـات بِـدايتهُ حُـب مِـن طَـرف واحـد ونـهايتهُ عَـشق مِـن الـطَرفـين القـلوب تَـنبض بـقوه والعـقول تُـفكر ببـعضها مـا نهـاية هـذا العِـشق..
_دخلت للبيت ايدي على گلبي مو مستوعبه الي صار كلماته صدى بأذني لهذا يومنه اتذكر الحدث صار قبل كم سنه مُستحيل يجي يوم وانساه
كل المشاعر الي عشتها بهذاك اليوم رجعت انعادت هسه ذاك اليوم الي حطم گلبي وعشت ايام بسببه بس ابچي وبدون اكل بعد ما حاولت بكل الطُرق انو انساه رجع دخل بحياتي من جديد..
نفضت عقلي من الأفكار واخذت شهيق زفير اهدء نفسي
رحت يم يـاقـوت للغرفه شفتها ترتب بأغراضها هيه ونـوح حتى يسافرون وتدندن بأغنيه ما اتذكرها شنو التفت الي باوعتلي وابتسمت
يـاقـوت: هلاا حواري تعاي ليش واگفه بلباب
_تقدمت گعدت على السرير وهيه تروح وترجع على الكنتور تاخذ منه غراض وتحطهن بلجنطه
: يـاقـوت
يـاقـوت: هاا
: اريد اسألچ سؤال
يـاقـوت: اسألي
: شنوو سر كل هلفرحه؟ اتذكرچ چنتي تكرهين نـوح شغيرچ هسه
يـاقـوت: انا حبيت اتغير كافي عشت بضيم وتعاسه من وره امي خل اعيش حياتي هسه
: امممم حقچ
«يـاقـوت»
_گمت من مكاني توجهت للكنتور طلعت الورقه ورحت يم حـور انطيتها الها اخذتها مني وعلامات الأستفهام فوگ راسها والأستغراب مرسوم على ملامحها الهادئه
گعدت بصفها فتحت الورقت قرتها والتفتت الي گالت بصدمه
حـور: هذا خط نـوح
_ابتسمت برضى كشفت الموضوع اخيراً اخذت منها الورقه ورجعتها بمكانها
حـور: يمتى دازلچ هاي مافهمتت فهميني السالفه يـاقـوت
: بعدين تفهمين السالفه مو وقتها هسه
حـور: اوكِ
_تركتني وطلعت بره الغرفه وعلامات الأستفهام كل مالها تزيد على راسها رجعت اصفط بلملابس
دخل نـوح للغرفه يباوعلي توقف گدامي مانعني من الحركه
نـوح: يـاقـوت اياچ تلعبين وياي لعبي ويَّ الكُل الي ويَّ نـوح
: ماگعد العب عليك وعلى اي احدّ
أنت تقرأ
مـدينة الحُب لا يسكنها العُقلاء
Mystery / Thrillerمدينةٌ تِـلك لا بـل دمـار اصواتٌ عاليه ضجيج صُراخ فـي كُل ارجـاء المَـدينه تِـلك فتاةٌ تَـمشي بلعراء تَنضُر لأقدامـها وملابـسها المُتهالكه دَخـلت تِلك الفتاة هذي المَديـنه الغـَريبه اغـلقت اذُنـيها بيـديها الباردتـين لكثرة الأصـوات العـاليه اغلق...
