مـدينة الحُب لا يسكنها العُقلاء

Part 11|خُـطَـه

#مَـدينة الحُب لا يسكنها العُقلاء

بقلمي: رَحِـيق رعـد

قِــــــــــــــــــࢪأه مُمتعه للـــــــجَميع:

تصويت +تعليقات لطفاً وليس امراً 💋

꧁꧂
«يـاقـوت»
: انا عندي طريقه تگدرين تشوفيهم وتعيشين وياهم هم

رويـده: شنوو

_نَـضرت الـياقـوت للـواقفه امـامهُا بـشرّ وابـتسامـه لا تَـدُل عـلى خير لـم تَـطمـئن ذات العـيون الـواسعه للـوضع

يـاقـوت: تتزوجين واحد من ولدهم

_فتحت عيونها على وسعهن وشهگت ضربتني على راسي بخفه بوزت وگتلها

: شبيچ

رويـده: حلولچ غبيه مثلچ

: ولله شبيچ باعي هذا آشور وسيف الدين كلش حبابين مبينين من اشكالهم وحتى حـور سولفتلي عنهم

رويـده: انچبي وانا شعرفني بيهم بلا كلعو مو زينين

_صفنت شوي اباوعلها واتذكرت شغله صحتني من صفنتي گتلها

: رودي

رويـده: هاا

: سيف الدين هوه نفسه الي ذاك اليوم اجه وقفنه وگال النه هم شفتو سياره طلعت منا

رويـده: صدگ؟

: اي ولله ياييي شوفي وتحبين سيف الدين عاد هوه يصير اخو غزل وأزل

رويـده: انچبي يـاقـوت

: ولا اگلچ يمكن انـس؟ تره انـس كلشش كلشش خوش ولد وحباب وقريب من رب العالمين شتردين بعد

رويـده: تعاي تعاي خل نسوي حلويات لا اموتچ كافي تدوريلي رجل ما اريد

: اوييي هاي جزاتيي ادورلچ واحد صاك ومؤدب

رويـده: عفته الچ

: منووو نـوح صاك ومؤدب؟؟؟ لا خربنه هيچ منيله صاك ابو راس راسه صفح ورموشه شطولهن مو حلو واذا على الأدب حدث ولا حرج يخرخر يخرخر الشيخ نـوح ادب

رويـده: گصيتي الرجال حرام عوفيي ذنوب عليچ هاي غيبه

: لا غيبةَ للفاسقين وبعدين مو اگلج يلوگلچ انـس ثنينكم تحبون الدين وتحچون بي

_هزيت راسها مأيسه مني وتحركت تطلع المواد رحت اساعدها واداهر بيها بلكلام واضحك عليها من تخجل
ولله يا رودي اذا ماخليتكم انتِ وانـوس ثنـائي ما ارتاح وانتَ نـوح اصبرلي اسوي الي براسي واخلي شعر راسك يوگف بسيطه

«حـور»

_رعد علينه رعد ماخله شي ماگاله صوته وصل لسابع جار من علوه
اخذت ايـليا ودخلته للغرفه الولد حتى صار مايخاف تعود على الصوت العالي من ابو يعصب
رجعت يمهم بس نريد نفتهم شبي هدئته امي شوي وگالتله بهدوء